§5.73.1ὡς δὲ ταύτῃ ἐνεδεδώκει τὸ τῶν Ἀργείων καὶ ξυμμάχων στράτευμα, παρερρήγνυντο ἤδη ἅμα καὶ ἐφ’ ἑκάτερα, καὶ ἅμα τὸ δεξιὸν τῶν Λακεδαιμονίων καὶ Τεγεατῶν ἐκυκλοῦτο τῷ περιέχοντι σφῶν τοὺς Ἀθηναίους, καὶ ἀμφοτέρωθεν αὐτοὺς κίνδυνος περιειστήκει, τῇ μὲν κυκλουμένους, τῇ δὲ ἤδη ἡσσημένους.
当阿哥斯人及其盟友的军队在此处退却时，他们的战线现在也同时在两侧被突破；同时拉栖代梦人和特革亚人的右翼正用他们超出部分的兵力包围雅典人，两面危险同时逼近他们，一方面他们正在被包围，另一方面他们已经战退。
καὶ μάλιστ’ ἂν τοῦ στρατεύματος ἐταλαιπώρησαν, εἰ μὴ οἱ ἱππῆς παρόντες αὐτοῖς ὠφέλιμοι ἦσαν.
若非当时在场的骑兵给予他们援助，他们将是全军中遭受最惨重损失的一部分。
§5.73.2καὶ ξυνέβη τὸν Ἆγιν, ὡς ᾔσθετο τὸ εὐώνυμον σφῶν πονοῦν τὸ κατὰ τοὺς Μαντινέας καὶ τῶν Ἀργείων τοὺς χιλίους, παραγγεῖλαι παντὶ τῷ στρατεύματι χωρῆσαι ἐπὶ τὸ νικώμενον.
此时，阿基斯察觉到自己面对万提尼亚人和一千阿哥斯精锐的左翼正陷入苦战，便命令全军向被击退的那部分阵地驰援。
§5.73.3καὶ γενομένου τούτου οἱ μὲν Ἀθηναῖοι ἐν τούτῳ, ὡς παρῆλθε καὶ ἐξέκλινεν ἀπὸ σφῶν τὸ στράτευμα, καθ’ ἡσυχίαν ἐσώθησαν καὶ τῶν Ἀργείων μετ’ αὐτῶν τὸ ἡσσηθέν· οἱ δὲ Μαντινῆς καὶ οἱ ξύμμαχοι καὶ τῶν Ἀργείων οἱ λογάδες οὐκέτι πρὸς τὸ ἐγκεῖσθαι τοῖς ἐναντίοις τὴν γνώμην εἶχον, ἀλλ’ ὁρῶντες τούς τε σφετέρους νενικημένους καὶ τοὺς Λακεδαιμονίους ἐπιφερομένους ἐς φυγὴν ἐτράποντο.
这一命令执行后，在此期间，由于敌军从雅典人身边通过并转向他处，雅典人得以从容撤离安全脱险，与他们在一起的那部分战败的阿哥斯人也同样脱险；但万提尼亚人及其盟友以及阿哥斯的精锐部队不再意图继续紧逼对手，反而看到己方已被击败，且拉栖代梦人正向他们袭来，便转身逃跑。
§5.73.4καὶ τῶν μὲν Μαντινέων καὶ πλείους διεφθάρησαν, τῶν δὲ Ἀργείων λογάδων τὸ πολὺ ἐσώθη.
在万提尼亚人中，死伤人数较多，而阿哥斯精锐部队的大部分则得以幸免。
ἡ μέντοι φυγὴ καὶ ἀποχώρησις οὐ βίαιος οὐδὲ μακρὰ ἦν· οἱ γὰρ Λακεδαιμόνιοι μέχρι μὲν τοῦ τρέψαι χρονίους τὰς μάχας καὶ βεβαίους τῷ μένειν ποιοῦνται, τρέψαντες δὲ βραχείας καὶ οὐκ ἐπὶ πολὺ τὰς διώξεις.
然而，他们的逃跑和撤退既不仓促，也未拉得很长；因为拉栖代梦人在击溃敌人之前，总是坚守阵地，使战斗持久而稳固，但一旦击溃了敌人，他们的追击就既简短也不会深入太远。