§4.75.1τοῦ δ’ αὐτοῦ θέρους τῆς Ἀντάνδρου ὑπὸ τῶν Μυτιληναίων, ὥσπερ διενοοῦντο, μελλούσης κατασκευάζεσθαι, οἱ τῶν ἀργυρολόγων νεῶν Ἀθηναίων στρατηγοὶ Δημόδοκος καὶ Ἀριστείδης, ὄντες περὶ Ἑλλήσποντον (ὁ γὰρ τρίτος αὐτῶν Λάμαχος δέκα ναυσὶν ἐς τὸν Πόντον ἐσεπεπλεύκει) ὡς ᾐσθάνοντο τὴν παρασκευὴν τοῦ χωρίου καὶ ἐδόκει αὐτοῖς δεινὸν εἶναι μὴ ὥσπερ τὰ Ἄναια ἐπὶ τῇ Σάμῳ γένηται, ἔνθα οἱ φεύγοντες τῶν Σαμίων καταστάντες τούς τε Πελοποννησίους ὠφέλουν ἐς τὰ ναυτικὰ κυβερνήτας πέμποντες καὶ τοὺς ἐν τῇ πόλει Σαμίους ἐς ταραχὴν καθίστασαν καὶ τοὺς ἐξιόντας ἐδέχοντο· οὕτω δὴ ξυναγείραντες ἀπὸ τῶν ξυμμάχων στρατιὰν καὶ πλεύσαντες, μάχῃ τε νικήσαντες τοὺς ἐκ τῆς Ἀντάνδρου ἐπεξελθόντας, ἀναλαμβάνουσι τὸ χωρίον πάλιν.
在同一个夏天，当安坦德鲁斯正准备如美蒂利奈人所计划的那样由他们建立防备时，负责征收贡金的船队的雅典将军德莫多科斯和阿里斯提德正逗留在赫勒斯滂附近（因为他们之中的第三人拉马科斯已经率领十艘船驶入了蓬托斯），他们察觉到了该地的防备准备，并认为这是一件危险的事，唯恐它变得像萨摩斯对岸的阿奈亚那样，在阿奈亚，萨摩斯的流亡者建立起据点，通过向伯罗奔尼撒人派遣舵手在海军事务上予以协助，使城内的萨摩斯人陷入混乱，并接纳逃亡出来的人；于是，他们从盟友中聚集了一支军队并乘船前往，在战斗中击败了从安坦德鲁斯出击的人，重新夺回了该地。
§4.75.2καὶ οὐ πολὺ ὕστερον ἐς τὸν Πόντον ἐσπλεύσας Λάμαχος, ἐν τῇ Ἡρακλεώτιδι ὁρμίσας ἐς τὸν Κάλητα ποταμὸν ἀπόλλυσι τὰς ναῦς ὕδατος ἄνωθεν γενομένου καὶ κατελθόντος αἰφνιδίου τοῦ ῥεύματος· αὐτὸς δὲ καὶ ἡ στρατιὰ πεζῇ διὰ Βιθυνῶν Θρᾳκῶν, οἵ εἰσι πέραν ἐν τῇ Ἀσίᾳ, ἀφικνεῖται ἐς Καλχηδόνα τὴν ἐπὶ τῷ στόματι τοῦ Πόντου Μεγαρέων ἀποικίαν.
不久之后，驶入蓬托斯的拉马科斯在赫拉克利亚领土内的卡莱斯河锚泊，却因上游降下大雨、急流骤然冲下而失去了所有的船只；他本人和军队则徒步穿过位于亚洲对岸的庇提尼亚色雷斯人的土地，抵达了位于蓬托斯海口、由麦加拉人建立的殖民城市迦克墩。