§94.56Nulli nos vitio natura conciliat;
自然は私たちをいかなる悪徳にも親しませることはない。
illa integros ac liberos genuit.
彼女は私たちを損なわれていない自由なものとして産み落とした。
Nihil quo avaritiam nostram inritaret, posuit in aperto.
私たちの強欲を刺激するようなものは、何一つ表に置かなかった。
Pedibus aurum argentumque subiecit calcandumque ac premendum dedit quidquid est propter quod calcamur ac premimur.
金や銀を足元に投げ与え、私たちがそれを原因として踏みつけられ圧迫されることになるすべてのものを、踏みつけ圧迫すべきものとして与えた。
Illa vultus nostros erexit ad caelum et quidquid magnificum mirumque fecerat, videri a suspicientibus voluit.
彼女は私たちの顔を天へと向かせ、自分が作り出した壮大で驚異的なすべてのものが、それを見上げる人々によって見られることを望んだ。
Ortus occasusque et properantis mundi volubilem cursum, interdiu terrena aperientem, nocte caelestia, tardos siderum incessus si conpares toti, citatissimos autem si cogites, quanta spatia numquam intermissa velocitate circumeant, defectus solis ac lunae invicem obstantium, alia deinceps digna miratu, sive per ordinem subeunt sive subitis causis mota prosiliunt, ut nocturnos ignium tractus et sine ullo ictu sonituque fulgores caeli patescentis columnasque ac trabes et varia simulacra flammarum.
日の出と日の入り、そして、昼には地上のものを、夜には天上のものを明らかにしつつ、急ぎ進む宇宙の回転する運行、――宇宙全体と比較するなら緩慢な、しかしそれらがどれほど広大な空間を、決して途切れることのない速度で周回しているかを考えるなら極めて迅速な――諸天体の緩やかな歩み、互いに遮り合う太陽と月の食、その他、順序に従って現れるにせよ、突発的な原因によって動かされて飛び出すにせよ、次々に驚嘆に値する事柄、たとえば夜間の火の光の尾や、いかなる衝突も音もなしに広がる天の閃光、柱や梁、そして様々な炎の幻影。
Haec supra nos itura disposuit;
これらを自然は、私たちの頭上を通り過ぎるように配置したのである。
§94.57aurum quidem et argentum et propter ista numquam pacem agens ferrum, quasi male nobis committerentur, abscondit.
金や銀、そしてそれらのために決して平和を保つことのない鉄を、あたかも私たちに任せるのが危険であるかのように、自然は隠した。
Nos in lucem, propter quae pugnaremus, extulimus;
私たちは、そのために戦うことになるものを光の下へと引き出した。
nos et causas periculorum nostrorum et instrumenta disiecto terrarum pondere eruimus;
私たちは、地上の重みを打ち砕いて、私たちの危機の原因となるものも、その道具（武器）をも掘り出した。
nos fortunae mala nostra tradidimus nec erubescimus summa apud nos haberi, quae fuerant ima terrarum, vis scire, quam falsus oculos tuos deceperit fulgor?
私たちは自分たちを運命の悪しきものへと引き渡し、かつて地底の最下部にあったものが、私たちの間で最上のものとされていることを恥じ入ることもない。 偽りの輝きが、いかにしてあなたの目を欺いたかを知りたいか。
§94.58Nihil est istis, quamdiu mersa et involuta caeno suo iacent, foedius, nihil obscurius, quidni? Quae per longissimorum cuniculorum tenebras extrahuntur.
これらが自らの泥の中に沈み、包まれて横たわっている限り、これらより醜いもの、これらより不鮮明なものは何もない。 当然ではないか。 それらは極めて長い坑道の暗闇を通じて引きずり出されるのだから。
Nihil est illis, dum fiunt et a faece sua separantur, informius.
それらが形作られ、不純物から分離される間、それらより形をなさないものはない。
Denique ipsos opifices intuere, per quorum manus sterile terrae genus et infernum perpurgatur;
最後に、その手を通じて不毛で冥府のような種類の土が徹底的に精製される職人たち自身を観察してみよ。
videbis quanta fuligine oblinantur.
彼らがいかに多量の煤で汚されているかを見るだろう。
§94.59Atqui ista magis inquinant animos quam corpora, et in possessore eorum quam in artifice plus sordium est.
しかし、それらは身体よりも魂をより多く汚染するのであり、職人におけるよりも、それらの所有者における方に、より多くの汚れが存在するのである。
Necessarium itaque admoneri est, habere aliquem advocatum bonae mentis et in tanto fremitu tumultuque falsorum unam denique audire vocem.
したがって、勧告されること、正しい精神の代弁者（擁護者）を持つこと、そして、偽りのこれほど大きな騒音と混乱の中で、最終的に一つの声を聞くことが必要なのである。
Quae erit illa vox? Ea scilicet, quae tibi tantis clamoribus ambitionis exsurdato salubria insusurret verba, quae dicat:
その声とはいかなるものか。 それこそ、野心のこれほど大きな叫び声によって耳を塞がれたあなたに、有益な言葉を囁きかけ、こう語る声である。
§94.60non est quod invideas istis, quos magnos felicesque populus vocat, non est quod tibi compositae mentis habitum et sanitatem plausus excutiat, non est quod tibi tranquillitatis tuae fastidium faciat ille sub illis fascibus purpura cultus, non est quod feliciorem eum iudices cui summovetur, quam te quem lictor semita deicit.
民衆が偉大で幸福と呼ぶ者たちを、あなたが羨む理由はまったくない。 称賛の拍手が、あなたから整えられた精神の状態と正気を叩き出す理由はまったくない。 あのファスケス（執政官の束桿）の下で紫衣をまとって着飾っている者が、あなたに自分の平穏への嫌悪を抱かせる理由はまったくない。 先導されて人払いを受ける者が、リクトル（警士）によって道から押し退けられるあなたよりも幸福であると判断する理由はまったくない。
Si vis exercere tibi utile, nulli autem grave imperium, summove vitia.
もしあなたが、自分にとって有益であり、かつ誰にとっても重荷とならない支配を行いたいと願うなら、自身の悪徳を払い除けよ。
§94.61Multi inveniuntur qui ignem inferant urbibus, qui inexpugnabilia saeculis et per aliquot aetates tuta prosternant, qui aequum arcibus aggerem attollant et muros in miram altitudinem eductos arietibus ac machinis quassent.
都市に火を放つ者、何世紀もの間難攻不落であり、いくつかの世代にわたって安全であったものを打ち倒す者、砦に匹敵する土塁を築き、驚くべき高さに引き上げられた城壁を破城槌や攻城兵器で揺るがす者は、多く見出される。
Multi sunt qui ante se agant agmina et tergis hostium graves instent et ad mare magnum perfusi caede gentium veniant;
自身の前に軍勢を駆り立て、敵の背後に激しく迫り、諸民族の虐殺によって血に染まって大海（地中海）に至る者は多い。
sed hi quoque, ut vincerent hostem, cupiditate victi sunt.
しかし、彼らもまた、敵に打ち勝つために、自らの欲望によって打ち負かされたのである。
Nemo illis venientibus restitit, sed nec ipsi ambitioni crudelitatique restiterant;
彼らが進撃してくるときに抵抗した者は誰もいなかったが、彼ら自身も野心や残虐さに抵抗してはいなかった。
tunc, cum agere alios visi sunt, agebantur.
そのとき、他者を駆り立てているように見えたとき、彼ら自身が駆り立てられていたのである。
§94.62Agebat infelicem Alexandrum furor aliena vastandi et ad ignota mittebat.
他者の土地を荒廃させようとする狂気が、不幸せなアレクサンドロスを駆り立て、未知の地へと送り出した。
An tu putas sanum, qui a Graeciae primum cladibus, in qua eruditus est, incipit? Qui quod cuique optimum est, eripit, Lacedaemona servire iubet, Athenas tacere? Non contentus tot civitatium strage, quas aut vicerat Philippus aut emerat, alias alio loco proicit et toto orbe arma circumfert, nec subsistit usquam lassa crudelitas immanium ferarum modo, quae plus quam exigit fames mordent.
そもそも、自分が教育を受けた地であるギリシアの破滅からまず始める者を、あなたは正気だと思うか。 各人にとって最善のものを奪い取り、ラケダイモンには隷属を、アテナイには沈黙を命じる者を。 父フィリッポスが征服したか、あるいは買い取った、これほど多くの国家の破滅に満足せず、次々と別の場所へと投げ出し、全世界に戦火を広げ、飢えが要求する以上に噛みつく凶暴な野獣のように、その疲れた残虐さはどこにもとどまることがない。
§94.63Iam in unum regnum multa regna coniecit;
すでに彼は、多くの王国を一つの王国へと投げ込んだ。
iam Graeci Persaeque eundem timent;
すでにギリシア人もペルシア人も同じ男を恐れている。
iam etiam a Dareo liberae nationes iugum accipiunt: it tamen ultra oceanum solemque, indignatur ab Herculis Liberique vestigiis victoriam flectere, ipsi naturae vim parat.
すでにダレイオスから自由であった諸民族も、その軛を受け入れている。 それにもかかわらず、彼は大洋（オケアノス）と太陽を越えて進み、ヘラクレスとリベルの足跡から勝利の進路を逸らすことを潔しとせず、自然そのものに暴力を加えようとする。
Non ille ire vult, sed non potest stare, non aliter quam in praeceps deiecta pondera, quibus eundi finis est iacuisse.
彼は進むことを望んでいるのではなく、立ち止まることができないのだ。 それは、奈落の底へと投げ落とされた重りと同じであり、それらにとって進むことの終わりとは、横たわって静止することなのである。