§33.49.1et Romani legati cum in senatu exposuissent compertum patribus Romanis esse, et Philippum regem ante ab Hannibale maxime accensum bellum populo Romano fecisse, §33.49.2et nunc litteras nuntiosque ab eo ad Antiochum et Aetolos missos, consiliaque inita inpellendae ad defectionem Carthaginis, nec alio eum quam ad Antiochum regem profectum;
そして、ローマの使節たちが元老院において、ローマの元老院議員たちに次のことが判明していると説明したとき。 すなわち、以前にフィリッポス王が、とりわけハンニバルによって煽られてローマ人民に戦争を仕掛けたこと、また現在、彼からアンティオコスやアイトーリア人に手紙や使者が送られ、カルタゴを反乱へと駆り立てるための計画が着手されており、彼がアンティオコス王のもと以外には出発しなかったこと。
haud quieturum eum, antequam bellum toto orbe terrarum concisset;
そして、彼が全世界で戦争を引き起こすまでは静かにしていないだろうということ。
§33.49.3id ei non debere impune esse, si satisfacere Carthaginienses populo Romano vellent nihil eorum sua voluntate nec publico consilio factum esse:
もしカルタゴ人が、それらの出来事が自分たちの意志でも公の決定でも行われたのではないとローマ人民に釈明したいのであれば、このことが彼にとって罰せられずに済んではならないということ。
§33.49.4Carthaginienses responderunt, quidquid aecum censuissent Romani, facturos esse.
カルタゴ人は、ローマ人が公平であると判断したことであれば何でも実行するであろうと答えた。
§33.49.5Hannibal prospero cursu Tyrum pervenit exceptusque a conditoribus Carthaginis, ut ab altera patria, vir tam clarus omni genere honorum, paucos moratus dies Antiochiam navigat.
ハンニバルは順調な航海でテュロスに到着し、カルタゴの建国者たちによって、第二の祖国からのように、あらゆる種類の栄誉をもって迎えられた。 これほど高名な人物である彼は、数日間滞在したのち、アンティオキアへ向けて出航した。
§33.49.6ibi profectum iam regem in Asiam cum audisset filiumque eius sollemne ludorum ad Daphnen celebrantem convenisset, comiter ab eo exceptus nullam moram navigandi fecit.
そこで、王がすでに小アジアへ出発したと聞き、ダプネで恒例の競技会を催していた彼の息子に会うと、彼から手厚くもてなされ、航海を遅らせることなく出発した。
§33.49.7Ephesi regem est consecutus, fluctuantem adhuc animo incertumque de Romano bello;
エペソスで彼は王に追いついた。 王は未だに心の中で動揺しており、対ローマ戦争について決めかねていた。
§33.49.8sed haud parvum momentum ad animum eius moliendum adventus Hannibalis fecit.
しかし、ハンニバルの到来は、王の心を動かすのに少なからぬ影響を与えた。
Aetolorum quoque eodem tempore alienati ab societate Romana animi sunt, quorum legatos Pharsalum et Leucadem et quasdam alias civitates ex primo foedere repetentis senatus ad T. Quinctium reiecit.
同じ時期に、アイトーリア人の心もローマとの同盟から離反した。 元老院は、最初の条約に基づいてファルサロスやレウカス、その他いくつかの都市の返還を求めた彼らの使節たちを、ティトゥス・クィンクティウスのもとへと差し戻した。