§4.1.1Ea quae secuta est hieme, qui fuit annus Cn. Pompeio, M. Crasso consulibus, Usipetes Germani et item Tencteri magna [cum] multitudine hominum flumen Rhenum transierunt, non longe a mari, quo Rhenus influit. §4.1.2Causa transeundi fuit quod ab Suebis complures annos exagitati bello premebantur et agri cultura prohibebantur. §4.1.3Sueborum gens est longe maxima et bellicosissima Germanorum omnium. §4.1.4Hi centum pagos habere dicuntur, ex quibus quotannis singula milia armatorum bellandi causa ex finibus educunt. Reliqui, qui domi manserunt, se atque illos alunt; §4.1.5hi rursus in vicem anno post in armis sunt, illi domi remanent. §4.1.6Sic neque agri cultura nec ratio atque usus belli intermittitur. §4.1.7Sed privati ac separati agri apud eos nihil est, neque longius anno remanere uno in loco colendi causa licet. §4.1.8Neque multum frumento, sed maximam partem lacte atque pecore vivunt multum sunt in venationibus; §4.1.9quae res et cibi genere et cotidiana exercitatione et libertate vitae, quod a pueris nullo officio aut disciplina adsuefacti nihil omnino contra voluntatem faciunt, et vires alit et immani corporum magnitudine homines efficit. §4.1.10Atque in eam se consuetudinem adduxerunt ut locis frigidissimis neque vestitus praeter pelles habeant quicquam, quarum propter exiguitatem magna est corporis pars aperta, et laventur in fluminibus.
その翌冬、すなわちグナエウス・ポンペイウスとマルクス・クラッススが執政官であった年に、ゲルマニアの部族であるウシペテース族と、同じくテンクテーリー族が、大勢の人々を率いて、ライン川が海に流れ込むところから遠くない場所で、ライン川を渡った。渡河の理由は、彼らが数年間にわたりスエービー族に悩まされ、戦争によって圧迫され、農耕を禁じられていたからであった。スエービー族は、すべてのゲルマニア人の中で群を抜いて最大かつ最も好戦的な部族である。彼らは百の区を持っていると言われ、そこから毎年それぞれ千人の武装兵を戦争のために領土から連れ出す。残りの、家に留まった者たちは、自分たちと彼らを養う。今度は彼らが翌年に交代で武器を取り、先の者たちは家に留まる。このようにして、農耕も、戦争の理論と実践も中断されることがない。しかし、彼らの間には私有の、あるいは区画された土地は全くなく、耕作のために同じ場所に一年より長く留まることは許されない。彼らは穀物をあまり食べず、大部分は乳と家畜で生活しており、狩猟に多くの時間を費やしている。このような生活様式は、食物の種類、日々の鍛錬、そして生活の自由（彼らは子供の頃からいかなる義務や規律にも慣らされておらず、自分の意志に反することは一切行わないためである）によって、体力を養い、彼らを極めて頑健な体格の人間へと成長させる。そして彼らは、非常に寒い地域であるにもかかわらず、獣皮以外には何も身につけず（その獣皮が小さいために身体の大部分が露出している）、川で水浴びをするという習慣を身につけている。