§6.44.1Εἰ μὲν οὖν ἐβουλεύσαντο περὶ ἐμοῦ καὶ τῶν ἐμοὶ συμβῆναι ὀφειλόντων οἱ θεοί, καλῶς ἐβουλεύσαντο·
もしそれゆえ、神々が私について、そして私に起こるべきことについて評議されたのであれば、彼らは良く評議されたのである。
ἄβουλον γὰρ θεὸν οὐδὲ ἐπινοῆσαι ῥᾴδιον, κακοποιῆσαι δέ με διὰ τίνα αἰτίαν ἔμελλον ὁρμᾶν;
なぜなら、計画を持たない神など考えることすら容易ではないし、どのような理由によって、彼らが私を害することへ踏み出そうとしただろうか。
τί γὰρ αὐτοῖς ἢ τῷ κοινῷ, οὗ μάλιστα προνοοῦνται, ἐκ τούτου περιεγένετο;
というのも、彼ら自身にとって、あるいは彼らが何よりも配慮している共同の利益にとって、このことから何が生じるというのか。
εἰ δὲ μὴ ἐβουλεύσαντο κατ’ ἰδίαν περὶ ἐμοῦ, περί γε τῶν κοινῶν πάντως ἐβουλεύσαντο, οἷς κατ’ ἐπακολούθησιν καὶ ταῦτα συμβαίνοντα ἀσπάζεσθαι καὶ στέργειν ὀφείλω.
しかし、もし彼らが私個人のことについて個別に評議しなかったとしても、彼らは共同のことについては確かに評議されたのであり、その帰結として私に起こるこれらのことについても、私は歓迎し甘受すべきなのである。
§6.44.2εἰ δʼ ἄρα περὶ μηδενὸς βουλεύονται (πιστεύειν μὲν οὐχ ὅσιον ἢ μηδὲ θύωμεν μηδὲ εὐχώμεθα μηδὲ ὀμνύωμεν μηδὲ τὰ ἄλλα πράσσωμεν ἃ παρ’ ἕκαστα ὡς πρὸς παρόντας καὶ συμβιοῦντας τοὺς θεοὺς πράσσομεν), εἰ δ’ ἄρα περὶ μηδενὸς τῶν καθ’ ἡμᾶς βουλεύονται, ἐμοὶ μὲν ἔξεστι περὶ ἐμαυτοῦ βουλεύεσθαι, ἐμοὶ δέ ἐστι σκέψις περὶ τοῦ συμφέροντος.
しかし、もし仮に、彼らが何についても評議しないのだとしたら（そう信じることは不虔敬であり、さもなくば我々は、神々が目の前に存在し共に生きているかのようにいつも行っている、犠牲を捧げることも、祈ることも、誓いを立てることも、その他のことも行うべきではないことになるが）、しかしもし仮に、彼らが私たちの事柄について何一つ評議しないのだとしても、私自身については自分で評議することが許されているし、私には自分に利益となることについて熟考する自由がある。
συμφέρει δὲ ἑκάστῳ τὸ κατὰ τὴν ἑαυτοῦ κατασκευὴν καὶ φύσιν, ἡ δὲ ἐμὴ φύσις λογικὴ καὶ πολιτική.
そして、それぞれの人にとって利益となるのは、自らの構成と本性に適ったものである。 そして、私の本性は理性的であり、市民的である。
Πόλις καὶ πατρὶς ὡς μὲν Ἀντωνίνῳ μοι ἡ Ῥώμη, ὡς δὲ ἀνθρώπῳ ὁ κόσμος.
アントニヌスとしての私にとって、都市であり祖国であるのはローマであり、人間としての私にとっては宇宙である。
τὰ ταῖς πόλεσιν οὖν ταύταις ὠφέλιμα μόνα ἐστί μοι ἀγαθά.
したがって、これらの都市にとって有益なことだけが、私にとっての善なのである。