§4.3.1Ἀναχωρήσεις αὑτοῖς ζητοῦσιν ἀγροικίας καὶ αἰγιαλοὺς καὶ ὄρη, εἴωθας δὲ καὶ σὺ τὰ τοιαῦτα μάλιστα ποθεῖν.
人々は自分たちのために、田舎や海岸や山々への隠遁の場所を求める。 そして、あなたもまたそうしたものを最も熱望する習慣がある。
ὅλον δὲ τοῦτο ἰδιωτικώτατόν ἐστιν ἐξόν, ἧς ἂν ὥρας ἐθελήσῃς, εἰς ἑαυτὸν ἀναχωρεῖν.
しかし、これは全く凡俗なことである。 自分が望むいかなる時であっても、自分自身の中へと退くことができるのだから。
οὐδαμοῦ γὰρ οὔτε ἡσυχιώτερον οὔτε ἀπραγμονέστερον ἄνθρωπος ἀναχωρεῖ ἢ εἰς τὴν ἑαυτοῦ ψυχήν, μάλισθʼ ὅστις ἔχει ἔνδον τοιαῦτα, εἰς ἃ ἐγκύψας ἐν πάσῃ εὐμαρείᾳ εὐθὺς γίνεται·
なぜなら、人間は自分の魂の中よりも静かで煩わしさのない場所へ退くことは、どこにもできないからである。 特に、その内側に、そこに目を向ければすぐに完全な安らぎの中に身を置くことができるようなものを備えている人にとっては。
τὴν δὲ εὐμάρειαν οὐδὲν ἄλλο λέγω ἢ εὐκοσμίαν.
そして、安らぎと私が言うのは、心の美しい秩序にほかならない。
συνεχῶς οὖν δίδου σεαυτῷ ταύτην τὴν ἀναχώρησιν καὶ ἀνανέου σεαυτόν·
それゆえ、絶えず自分にこの隠遁を与え、自分を新たにしなさい。
βραχέα δὲ ἔστω καὶ στοιχειώδη ἃ εὐθὺς ἀπαντήσαντα ἀρκέσει εἰς τὸ πᾶσαν λύπην ἀποκλύσαι καὶ ἀποπέμψαι σε μὴ δυσχεραίνοντα ἐκείνοις ἐφʼ ἃ ἐπανέρχῃ.
そして、ただちに出会うことで、すべての苦痛を洗い流し、あなたが戻っていく事柄に対して不満を抱くことなしにあなたを送り出すのに十分な、簡潔で根本的なものであれ。
§4.3.2τίνι γὰρ δυσχερανεῖς;
なぜなら、あなたは何に不満を抱くのか。
τῇ τῶν ἀνθρώπων κακίᾳ;
人々の邪悪さにだろうか。
ἀναλογισάμενος τὸ κρῖμα, ὅτι τὰ λογικὰ ζῷα ἀλλήλων ἕνεκεν γέγονε καὶ ὅτι τὸ ἀνέχεσθαι μέρος τῆς δικαιοσύνης καὶ ὅτι ἄκοντες ἁμαρτάνουσι καὶ πόσοι ἤδη διεχθρεύσαντες, ὑποπτεύσαντες, μισήσαντες, διαδορατισθέντες ἐκτέτανται, τετέφρωνται, παύου ποτέ.
理性的な動物は互いのために生まれたこと、耐え忍ぶことが正義の一部であること、人々は意に反して過ちを犯すこと、そして、すでにどれほど多くの人々が敵対し、疑い、憎み、槍を交え、倒れ、灰となってしまったかを考え直してみよ。 そして、もうやめなさい。
ἀλλὰ καὶ τοῖς ἐκ τῶν ὅλων ἀπονεμομένοις δυσχερανεῖς;
それとも、宇宙全体から割り当てられた事柄に不満を抱くのか。
ἀνανεωσάμενος τὸ διεζευγμένον τό· ἤτοι πρόνοια ἢ ἄτομοι, καὶ ἐξ ὅσων ἀπεδείχθη ὅτι ὁ κόσμος ὡσανεὶ πόλις.
「摂理か、それとも原子か」という二者択一を、また宇宙がひとつの国家のようなものであることを証明する多くの議論を思い起こしなさい。
ἀλλὰ τὰ σωματικά σου ἅψεται ἔτι;
それとも、肉体的な事柄がまだあなたに触れるだろうか。
ἐννοήσας ὅτι οὐκ ἐπιμίγνυται λείως ἢ τραχέως κινουμένῳ πνεύματι ἡ διάνοια, ἐπειδὰν ἅπαξ ἑαυτὴν ἀπολάβῃ καὶ γνωρίσῃ τὴν ἰδίαν ἐξουσίαν, καὶ λοιπὸν ὅσα περὶ πόνου καὶ ἡδονῆς ἀκήκοας καὶ συγκατέθου.
いったん精神が自分自身を取り戻し、みずからの権能を認識したならば、穏やかに、あるいは荒々しく動く呼吸に混じり合うことはないということを、そしてさらに、苦痛や快楽について聞き、同意したすべてのことを考慮しなさい。
§4.3.3ἀλλὰ τὸ δοξάριόν σε περισπάσει;
それとも、つまらない名声があなたを惑わすのだろうか。
ἀπιδὼν εἰς τὸ τάχος τῆς πάντων λήθης καὶ τὸ χάος τοῦ ἐφʼ ἑκάτερα ἀπείρου αἰῶνος καὶ τὸ κενὸν τῆς ἀπηχήσεως καὶ τὸ εὐμετάβολον καὶ ἄκριτον τῶν εὐφημεῖν δοκούντων καὶ τὸ στενὸν τοῦ τόπου, ἐν ᾧ περιγράφεται·
すべてが忘却へと至る速さ、過去と未来の双方に広がる無限の時間（永遠）の混沌、称賛の空虚さ、称賛しているように見える者たちの気まぐれさと判断の欠如、そして、それが限定されている場所の狭さに目を向けなさい。
ὅλη τε γὰρ ἡ γῆ στιγμὴ καὶ ταύτης πόστον γωνίδιον ἡ κατοίκησις αὕτη;
なぜなら、地球全体が一個の点にすぎず、その中のどれほど小さな片隅が私たちの住処なのだろうか。
καὶ ἐνταῦθα πόσοι καὶ οἷοί τινες οἱ ἐπαινεσόμενοι;
そしてそこでは、どれほど多くの、またいかなる人々が、称賛しようとしているのだろうか。
§4.3.4λοιπὸν οὖν μέμνησο τῆς ὑποχωρήσεως τῆς εἰς τοῦτο τὸ ἀγρίδιον ἑαυτοῦ καὶ πρὸ παντὸς μὴ σπῶ μηδὲ κατεντείνου, ἀλλὰ ἐλεύθερος ἔσο καὶ ὅρα τὰ πράγματα ὡς ἀνήρ, ὡς ἄνθρωπος, ὡς πολίτης, ὡς θνητὸν ζῷον.
それゆえ、今後は自分自身のこの小さな農地へ退くことを忘れないようにしなさい。 そして何よりも、自分を引き裂いたり強張らせたりせず、自由でありなさい。 そして、一人の男として、人間として、市民として、死すべき定めの動物として、物事を見つめなさい。
ἐν δὲ τοῖς προχειροτάτοις, εἰς ἃ ἐγκύψεις, ταῦτα ἔστω τὰ δύο·
あなたが覗き込む最も身近な原則のうちに、次の二つのものがあるようにしなさい。
ἕν μέν, ὅτι τὰ πράγματα οὐχ ἅπτεται τῆς ψυχῆς, ἀλλʼ ἔξω ἕστηκεν ἀτρεμοῦντα, αἱ δὲ ὀχλήσεις ἐκ μόνης τῆς ἔνδον ὑπολήψεως·
一つには、事物は魂に触れることはなく、外側に静止して立っており、心の乱れはただ内なる思い込みからのみ生じるということ。
ἕτερον δέ, ὅτι πάντα ταῦτα, ὅσα ὁρᾷς, ὅσον οὐδέπω μεταβαλεῖ καὶ οὐκ ἔτι ἔσται·
もう一つには、あなたが見るこれらすべてのものは、瞬く間に変化し、もはや存在しなくなるということ。
καὶ ὅσων ἤδη μεταβολαῖς αὐτὸς παρατετύχηκας, συνεχῶς διανοοῦ.
そして、あなた自身がすでにどれほど多くの変化を目撃してきたかを、絶えず思い巡らしなさい。
ὁ κόσμος ἀλλοίωσις, ὁ βίος ὑπόληψις.
宇宙は変化であり、人生は思い込みである。