§9.10.1οὐκ ἐκ τῶν ἔξω κοσμεῖται πόλις, ἀλλʼ ἐκ τῆς τῶν οἰκούντων ἀρετῆς.
都市は外部のもので飾られるのではなく、住民の徳によって飾られる。
§9.10.2ἐκρίθη μὲν οὖν διὰ τοῦτο τοῖς Ῥωμαίοις τὰ προειρημένα μετακομίζειν εἰς τὴν ἑαυτῶν πατρίδα καὶ μηδὲν ἀπολιπεῖν·
それゆえ、ローマ人にとっては前述のもの（戦利品）を自らの祖国へ移送し、何一つ残さないことが決議された。
§9.10.3πότερα δʼ ὀρθῶς τοῦτο καὶ συμφερόντως αὑτοῖς ἔπραξαν ἢ τἀναντία, πολὺς ἂν εἴη λόγος, πλείων γε μὴν εἰς τὸ μὴ δεόντως σφίσι πεπρᾶχθαι μηδʼ ἀκμὴν νῦν πράττεσθαι τοῦτο τοὔργον.
彼らがこのことを正しくかつ自分たちに有益に行ったのか、あるいはその反対であったのかについては、多くの議論があり得るだろうが、それが彼らにとって不適切に行われ、現在においてもこの行為がなされるべきではないという方向の議論の方が、より説得力がある。
§9.10.4εἰ μὲν γὰρ ἐκ τοιούτων ὁρμηθέντες προεβίβασαν τὴν πατρίδα, δῆλον ὡς εἰκότως ταῦτα μετέφερον εἰς τὴν οἰκείαν, διʼ ὧν ηὐξήθησαν.
というのも、もし彼らがそのようなものから出発して祖国を発展させたのであれば、自分たちがそれによって大きくなった当のものを自国へ移送したことは理にかなっていることは明らかだからである。
§9.10.5εἰ δʼ ἁπλουστάτοις χρώμενοι βίοις καὶ πορρωτάτω τῆς ἐν τούτοις περιττότητος καὶ πολυτελείας ἀφεστῶτες ὅμως ἐπεκράτουν τούτων αἰεὶ παρʼ οἷς ὑπῆρχε πλεῖστα καὶ κάλλιστα τὰ τοιαῦτα, πῶς οὐ νομιστέον εἶναι τὸ γινόμενον ὑπʼ αὐτῶν ἁμάρτημα;
しかし、もし彼らがきわめて簡素な生活を送り、こうした贅沢や華美から最も遠く離れていながらも、それでもなお、そのようなものが最も多くかつ最も美しく存在していた人々に対して常に勝利を収めてきたのであれば、彼らによってなされていることは過ちであるとみなされるべきではないだろうか。
§9.10.6τὸ γὰρ ἀπολιπόντας τὰ τῶν νικώντων ἔθη τὸν τῶν ἡττωμένων ζῆλον ἀναλαμβάνειν, προσεπιδραττομένους ἅμα καὶ τὸν ἐξακολουθοῦντα τοῖς τοιούτοις φθόνον, ὃ πάντων ἐστὶ φοβερώτατον ταῖς ὑπεροχαῖς, ὁμολογούμενον ἂν εἴποι τις εἶναι τῶν πραττόντων παράπτωμα.
なぜなら、勝者の習慣を捨てて敗者の熱中を取り入れ、同時にそのようなものに伴う羨望（これは支配的な地位にある者にとって何よりも恐ろしいものであるが）をも自ら掴み取ることは、それを行う者たちの明白な過失であると誰もが言うだろうからである。
§9.10.7οὐ γὰρ οὕτως ὁ θεώμενος οὐδέποτε μακαρίζει τοὺς τἀλλότρια κεκτημένους, ὡς ἐν τῷ φθονεῖν ἅμα καί τις ἔλεος αὐτὸν ὑποτρέχει τῶν ἐξ ἀρχῆς ἀποβαλόντων.
というのも、それを見る者は、他人のものを所有している者たちを祝福することなど決してなく、羨むと同時に、最初からそれを失った者たちに対するある種の憐れみが心に湧き起こるからである。
§9.10.8ἐπὰν δὲ καὶ προβαίνῃ τὰ τῆς εὐκαιρίας καὶ πάντα συνάγῃ πρὸς αὑτὸν τὰ τῶν ἄλλων, καὶ ταῦτα συγκαλῇ τρόπον τινὰ τοὺς ἐστερημένους ἐπὶ θέαν, διπλάσιον γίνεται τὸ κακόν.
さらに幸運が進行し、他人のすべてのものを自らのもとに集め、これらが奪われた人々をある意味で見物に招き寄せるようになるとき、悪は二倍になる。
§9.10.9οὐ γὰρ ἔτι τοὺς πέλας ἐλεεῖν συμβαίνει τοὺς θεωμένους, ἀλλὰ σφᾶς αὐτούς, ἀναμιμνησκομένους τῶν οἰκείων συμπτωμάτων.
というのも、見る者たちはもはや隣人を憐れむのではなく、自分たちの不幸を思い出して自分自身を憐れむことになるからである。
§9.10.10ἐξ ὧν οὐ μόνον φθόνος, ἀλλʼ οἷον ὀργή τις ἐκκαίεται πρὸς τοὺς εὐτυχοῦντας·
そこから、羨望だけでなく、幸運な者たちに対する一種の怒りが燃え上がる。
ἡ γὰρ τῶν ἰδίων περιπετειῶν ἀνάμνησις ὡς ἂν εἰ προτροπή τις ἐστι πρὸς τὸ κατὰ τῶν πραξάντων μῖσος.
なぜなら、自分自身の災難の記憶は、それをもたらした者たちに対する憎しみへの駆り立てのようなものだからである。
§9.10.11τὸ μὲν οὖν τὸν χρυσὸν καὶ τὸν ἄργυρον ἁθροίζειν πρὸς αὑτοὺς ἴσως ἔχει τινὰ λόγον·
したがって、金や銀を自分たちのもとに集めることには、おそらくある程度の理由がある。
οὐ γὰρ οἷόν τε τῶν καθόλου πραγμάτων ἀντιποιήσασθαι μὴ οὐ τοῖς μὲν ἄλλοις ἀδυναμίαν ἐνεργασαμένους, σφίσι δὲ τὴν τοιαύτην δύναμιν ἑτοιμάσαντας.
なぜなら、他者に無力を引き起こさせ、自分たちにそのような力を準備することなしには、世界全体の主導権を争うことは不可能だからである。
§9.10.12τὰ δʼ ἐκτὸς ὑπάρχοντα τῆς προειρημένης δυνάμεως ἦν ἐν τοῖς ἐξ ἀρχῆς τόποις ἅμα τῷ φθόνῳ καταλιπόντας ἐνδοξοτέραν ποιεῖν τὴν σφετέραν πατρίδα, μὴ γραφαῖς καὶ τύποις, ἀλλὰ σεμνότητι καὶ μεγαλοψυχίᾳ κοσμοῦντας αὐτήν.
しかし、前述の力に関わらない外部のものは、羨望とともに元の場所に残しておき、自らの祖国を絵画や彫刻によってではなく、尊厳と寛大さによって飾ることで、より栄光あるものにすべきであった。
§9.10.13οὐ μὴν ἀλλὰ ταῦτα μὲν εἰρήσθω μοι χάριν τῶν μεταλαμβανόντων ἀεὶ τὰς δυναστείας, ἵνα μὴ σκυλεύοντες τὰς πόλεις κόσμον ὑπολαμβάνωσιν εἶναι ταῖς ἑαυτῶν πατρίσι τὰς ἀλλοτρίας συμφοράς·
それはともかく、これらのことは覇権を次々に受け継ぐ者たちのために言われたものとしておこう。 都市を略奪して、他人の不幸を自らの祖国の装飾とみなすことがないようにするためである。
Ῥωμαῖοι δὲ μετακομίσαντες τὰ προειρημένα ταῖς μὲν ἰδιωτικαῖς κατασκευαῖς τοὺς αὑτῶν ἐκόσμησαν βίους, ταῖς δὲ δημοσίαις τὰ κοινὰ τῆς πόλεως.
ともあれ、ローマ人は前述のものを移送し、個人用の調度品としては自らの生活を飾り、公共用のものとしては都市の共有財産を飾った。