§19καίτοι πλείων συγγνώμη μνησικακεῖν νεωστὶ κατεληλυθόσιν, ἔτι τῆς ὀργῆς οὔσης προσφάτου, ἢ τοσούτῳ χρόνῳ ὕστερον ἐπὶ τιμωρίαν τῶν παρεληλυθότων τραπέσθαι, ὑπὸ τοιούτων πεισθέντας οἳ ἐν ἄστει μείναντες ταύτην ὑμῖν οἴονται διδόναι πίστιν τῆς αὑτῶν εὐνοίας, ἑτέρους κακοὺς ποιοῦντες, ἀλλʼ οὐ σφᾶς αὐτοὺς χρηστοὺς παρέχοντες, καὶ νυνὶ τῶν τῆς πόλεως εὐτυχιῶν ἀπολαύοντες, ἀλλʼ οὐ πρότερον τῶν ὑμετέρων κινδύνων μετέχοντες.
それにしても、帰還したばかりの人々が恨みを抱くことの方が、これほど長い時間が経った後に、都市に留まって、他者を悪者に仕立て上げながら自分たちの善意をあなた方に信じ込ませようとしているような者たちに説得されて、過去の過ちに対する復讐へと向かうことよりも、まだしも許されるはずです。 その者たちは自分たち自身を善良な者として示すわけでもなく、今や都市の幸運を享受していながら、かつてはあなた方の危険を共にしなかったのです。
§20καὶ εἰ μὲν ἑωρᾶτε, ὦ ἄνδρες δικασταί, σῳζόμενα τῇ πόλει τὰ ὑπὸ τούτων δημευόμενα, συγγνώμην ἂν εἴχομεν·
そして裁判員諸官よ、もしこれらによって没収されるものが国家のために確保されているのをあなた方が見ているならば、私たちも容赦したでしょう。
νῦν δʼ ἐπίστασθε ὅτι τὰ μὲν αὐτῶν ὑπὸ τούτων ἀφανίζεται, τὰ δὲ πολλοῦ ἄξια ὄντα ὀλίγου πιπράσκεται.
しかし実際には、それらの一部は彼らによって横領され、多くの価値があるものが安値で売却されていることをあなた方は知っています。
ἐὰν δʼ ἐμοὶ πείθησθε, οὐκ ἐλάττω ἀπʼ αὐτῶν ὑμεῖς ὠφεληθήσεσθε ἢ ἡμεῖς οἱ κεκτημένοι,
しかし、もし私の言うことに従うならば、その財産からあなた方が得る恩恵は、所有者である私たちが得るものに劣らないでしょう。
§21ἐπεὶ καὶ νυνὶ Διόμνηστος καὶ ἐγὼ καὶ ὁ ἀδελφός ἐκ μιᾶς οἰκίας τρεῖς ὄντες τριηραρχοῦμεν, καὶ ὅταν ἡ πόλις δέηται χρημάτων, ἀπὸ τούτων ὑμῖν εἰσφέρομεν.
なぜなら、現に今でもディオムネストスと私と弟は、一つの家から三人でありながら、三段櫂船の建造義務を担っており、国家が資金を必要とするときには、これらの財産からあなた方に軍資金を収めているからです。
ὡς οὖν ἡμῶν ταύτῃ τῇ γνώμῃ χρωμένων, καὶ τῶν προγόνων τῶν ἡμετέρων τοιούτων γεγενημένων,
このように私たちがこの考えを持ち、私たちの先祖もそのような人々であったからには、私たちに容赦してください。
§22φείδεσθε ἡμῶν. οὐδὲν γὰρ ἂν ἡμᾶς κωλύοι, ὦ ἄνδρες δικασταί, ἀθλιωτάτους εἶναι, ἐπὶ μὲν τῶν τριάκοντα ὀρφανοὺς καταλειφθέντας, ἐν δὲ τῇ δημοκρατίᾳ τῶν ὄντων ἐστερημένους, οἷς ἡ τύχη παρέδωκεν ὥστʼ ἔτι ἡμᾶς παῖδας ὄντας ἐπὶ τὴν Παυσανίου σκηνὴν ἐλθόντας βοηθῆσαι τῷ πλήθει.
裁判員諸官よ、私たちが最も惨めな者となるのを遮るものは何もないでしょう。 三十人政権のもとでは孤児として残され、民主制のもとでは財産を奪われるのだとしたら。 運命は、私たちがまだ子供でありながらパウサニアスの天幕に行って民衆を助けるという役割を私たちに与えたというのに。
καὶ τοιούτων ἡμῖν ὑπαρχόντων εἰς τίνας ἂν ἐβουλήθημεν δικαστὰς καταφυγεῖν;
そして、このような事情が私たちにあるなかで、私たちはどのような裁判員たちのもとに逃れることを望んだでしょうか。
§23οὐκ εἰς τοὺς οὕτω πολιτευομένους, ὑπὲρ ἧς πολιτείας καὶ ὁ πατὴρ καὶ οἱ προσήκοντες ἡμῖν ἀπέθανον;
このような国制のもとで市民生活を送る人々のもとにではないでしょうか。 その国制のために、私たちの父も親族も亡くなったのです。
νῦν τοίνυν ταύτην ἀνθʼ ἁπάντων ἀπαιτοῦμεν ὑμᾶς τὴν χάριν, μὴ περιιδεῖν ἡμᾶς ἀπόρως διατεθέντας μηδʼ ἐνδεεῖς τῶν ἐπιτηδείων γενομένους, μηδὲ τὴν τῶν προγόνων εὐδαιμονίαν καταλῦσαι, ἀλλὰ πολὺ μᾶλλον παράδειγμα ποιῆσαι τοῖς βουλομένοις τὴν πόλιν εὖ ποιεῖν, οἴων ὑμῶν ἐν τοῖς κινδύνοις τεύξονται.
そこで今、私たちはこれらすべての代わりに、この返礼をあなた方に求めます。 私たちが困窮した状態に置かれたり、生活必需品に欠くようになったりするのを見過ごさないこと、また先祖の繁栄を台無しにしないこと、それどころかむしろ、国に善をなそうと望む人々に対して、彼らが危難の時にどのようなあなた方に出会うことになるのかを示す実例とすることです。
§24οὐκ ἔχω, ὦ ἄνδρες δικασταί, οὕστινας δεησομένους ὑπὲρ ἡμῶν ἀναβιβάσομαι·
裁判員諸官よ、私は私たちのために嘆願してくれるような人々を演壇に登らせることができません。
τῶν γὰρ προσηκόντων οἱ μὲν ἄνδρας ἀγαθοὺς αὑτοὺς παρασχόντες καὶ μεγάλην τὴν πόλιν ποιοῦντες ἐν τῷ πολέμῳ τεθνᾶσιν, οἱ δʼ ὑπὲρ τῆς δημοκρατίας καὶ τῆς ὑμετέρας ἐλευθερίας ὑπὸ τῶν τριάκοντα κώνειον πιόντες,
親族のうち、ある者たちは戦争において自らを勇壮な者として示し、都市を偉大にしながら戦死し、他の者たちは民主制とあなた方の自由のために三十人政権によってドクニンジンを飲まされたからです。
§25ὥστε τῆς ἐρημίας ἡμετέρας αἴτιαι γεγόνασιν αἵ τε τῶν προσηκόντων ἀρεταὶ καὶ αἱ τῆς πόλεως συμφοραί.
その結果、私たちの孤立の原因となったのは、親族の卓越性と、都市の災難でした。
ὧν ἄξιον ὑμᾶς ἐνθυμηθέντας προθύμως ἡμῖν βοηθῆσαι, ἡγησαμένους τούτους ἂν ἐν δημοκρατία δικαίως εὖ πάσχειν ὑφʼ ὑμῶν, οἵπερ ἐν ὀλιγαρχίᾳ τῶν συμφορῶν μετέσχον τὸ μέρος.
これらのことを心に留め、あなた方が進んで私たちを助けることは当然であり、寡頭制のもとで災難の分け前にあずかった人々こそが、民主制のもとであなた方から当然のように善遇を受けるべきだと考えるべきです。
§26ἀξιῶ δὲ καὶ τούτους τοὺς συνδίκους εὔνους ἡμῖν εἶναι, ἐκείνου τοῦ χρόνου μνησθέντας, ὅτʼ ἐκ τῆς πατρίδος ἐκπεπτωκότες καὶ τὰς οὐσίας ἀπολωλεκότες ἄνδρας ἀρίστους ἐνομίζετʼ εἶναι τοὺς ὑπὲρ ὑμῶν ἀποθνῄσκοντας, καὶ τοῖς θεοῖς ηὔχεσθε δυνηθῆναι χάριν τοῖς ἐξ ἐκείνων ἀποδοῦναι.
また、私はこれらの公選弁護人たちに対しても、私たちに好意を抱くよう求めます。 あの時のことを思い出しながら。 すなわち、祖国から追放され、財産を失っていたとき、あなた方は自分たちのために死んでいく人々を最も優れた人々であると考えており、彼らの子孫に恩に報いることができるよう神々に祈っていたあの時のことを。
§27ἡμεῖς τοίνυν, ὑεῖς ὄντες καὶ συγγενεῖς τῶν ὑπὲρ τῆς ἐλευθερίας προκεκινδυνευκότων, ἀπαιτοῦμεν ὑμᾶς νυνὶ ταύτην τὴν χάριν, καὶ ἀξιοῦμεν μὴ ἀδίκως ἡμᾶς ἀπολέσαι, ἀλλὰ πολὺ μᾶλλον βοηθεῖν τοῖς τῶν αὐτῶν μετασχοῦσι συμφορῶν.
そこで私たちは、自由のために自ら危険に身をさらした人々の息子であり親族として、今あなた方にこの返礼を求め、私たちを不当に滅ぼすのではなく、むしろ同じ災難を分かち合った人々を助けるよう求めます。
ἐγὼ μὲν οὖν καὶ δέομαι καὶ ἀντιβολῶ καὶ ἱκετεύω, καὶ τούτων παρʼ ὑμῶν τυγχάνειν ἀξιῶ·
したがって、私は懇願し、懇望し、哀願します。 そして、あなた方からこれらを得ることを求めます。
οὐ γὰρ περὶ μικρῶν κινδυνεύομεν, ἀλλὰ περὶ τῶν ὄντων ἁπάντων.
なぜなら、私たちがさらされている危険は、小さなことについてではなく、全財産についてだからです。