§19καίτοι πλείων συγγνώμη μνησικακεῖν νεωστὶ κατεληλυθόσιν, ἔτι τῆς ὀργῆς οὔσης προσφάτου, ἢ τοσούτῳ χρόνῳ ὕστερον ἐπὶ τιμωρίαν τῶν παρεληλυθότων τραπέσθαι, ὑπὸ τοιούτων πεισθέντας οἳ ἐν ἄστει μείναντες ταύτην ὑμῖν οἴονται διδόναι πίστιν τῆς αὑτῶν εὐνοίας, ἑτέρους κακοὺς ποιοῦντες, ἀλλʼ οὐ σφᾶς αὐτοὺς χρηστοὺς παρέχοντες, καὶ νυνὶ τῶν τῆς πόλεως εὐτυχιῶν ἀπολαύοντες, ἀλλʼ οὐ πρότερον τῶν ὑμετέρων κινδύνων μετέχοντες.
그렇기는 하나, 분노가 아직 가시지 않은 채 최근에 귀환한 이들이 앙심을 품는 것이, 이토록 오랜 시간이 지난 뒤에 과거의 일들에 대한 처벌로 돌아서는 것보다 훨씬 더 용서받을 만합니다. 이는 도시에 남아 있으면서 다른 이들을 악하게 만듦으로써 자신들의 호의를 여러분에게 증명해 보인다고 생각할 뿐, 스스로를 선량하게 나타내지 않으며, 이제는 도시의 번영을 누리면서도 이전에는 여러분의 위험을 함께 나누지 않은 자들의 설득에 넘어간 결과이기 때문입니다.
§20καὶ εἰ μὲν ἑωρᾶτε, ὦ ἄνδρες δικασταί, σῳζόμενα τῇ πόλει τὰ ὑπὸ τούτων δημευόμενα, συγγνώμην ἂν εἴχομεν·
그리고 배심원 여러분, 만일 이들에 의해 몰수되는 재산이 도시에 보존되는 것을 여러분이 보았다면, 우리도 용서했을 것입니다.
νῦν δʼ ἐπίστασθε ὅτι τὰ μὲν αὐτῶν ὑπὸ τούτων ἀφανίζεται, τὰ δὲ πολλοῦ ἄξια ὄντα ὀλίγου πιπράσκεται.
하지만 지금 여러분은 그 재산 중 일부가 이들에 의해 횡령되고, 큰 가치가 있는 것들이 헐값에 팔리고 있음을 알고 있습니다.
ἐὰν δʼ ἐμοὶ πείθησθε, οὐκ ἐλάττω ἀπʼ αὐτῶν ὑμεῖς ὠφεληθήσεσθε ἢ ἡμεῖς οἱ κεκτημένοι,
그러나 만일 내 말에 따르신다면, 그 재산으로부터 여러분이 얻을 혜택은 소유자인 우리가 얻는 것보다 적지 않을 것입니다.
§21ἐπεὶ καὶ νυνὶ Διόμνηστος καὶ ἐγὼ καὶ ὁ ἀδελφός ἐκ μιᾶς οἰκίας τρεῖς ὄντες τριηραρχοῦμεν, καὶ ὅταν ἡ πόλις δέηται χρημάτων, ἀπὸ τούτων ὑμῖν εἰσφέρομεν.
왜냐하면 지금도 디옴네스토스와 나와 내 형제는 한 집안의 세 사람으로서 삼단노선 건조 의무를 수행하고 있으며, 도시가 자금을 필요로 할 때마다 이 재산에서 여러분에게 기부금을 내고 있기 때문입니다.
ὡς οὖν ἡμῶν ταύτῃ τῇ γνώμῃ χρωμένων, καὶ τῶν προγόνων τῶν ἡμετέρων τοιούτων γεγενημένων, §22φείδεσθε ἡμῶν.
이처럼 우리가 이러한 마음가짐을 가지고 있고, 우리 조상들도 그러한 분들이었으니, 우리에게 자비를 베풀어 주십시오.
οὐδὲν γὰρ ἂν ἡμᾶς κωλύοι, ὦ ἄνδρες δικασταί, ἀθλιωτάτους εἶναι, ἐπὶ μὲν τῶν τριάκοντα ὀρφανοὺς καταλειφθέντας, ἐν δὲ τῇ δημοκρατίᾳ τῶν ὄντων ἐστερημένους, οἷς ἡ τύχη παρέδωκεν ὥστʼ ἔτι ἡμᾶς παῖδας ὄντας ἐπὶ τὴν Παυσανίου σκηνὴν ἐλθόντας βοηθῆσαι τῷ πλήθει.
배심원 여러분, 30인 정권 하에서는 고아로 남겨졌고, 민주제 하에서는 재산을 빼앗긴다면, 우리가 가장 비참한 자들이 되는 것을 막을 수 있는 것은 아무것도 없을 것입니다. 운명은 우리가 아직 아이였을 때 파우사니아스의 천막으로 가서 민중을 돕도록 이끌었는데 말입니다.
καὶ τοιούτων ἡμῖν ὑπαρχόντων εἰς τίνας ἂν ἐβουλήθημεν δικαστὰς καταφυγεῖν;
이러한 처지에 있는 우리가 어떤 배심원들에게 도피하여 도움을 청하고자 원했겠습니까?
§23οὐκ εἰς τοὺς οὕτω πολιτευομένους, ὑπὲρ ἧς πολιτείας καὶ ὁ πατὴρ καὶ οἱ προσήκοντες ἡμῖν ἀπέθανον;
우리 아버지와 친척들이 목숨을 바쳐 지킨 바로 그 정체 하에서 시민 생활을 하는 분들이 아니겠습니까?
νῦν τοίνυν ταύτην ἀνθʼ ἁπάντων ἀπαιτοῦμεν ὑμᾶς τὴν χάριν, μὴ περιιδεῖν ἡμᾶς ἀπόρως διατεθέντας μηδʼ ἐνδεεῖς τῶν ἐπιτηδείων γενομένους, μηδὲ τὴν τῶν προγόνων εὐδαιμονίαν καταλῦσαι, ἀλλὰ πολὺ μᾶλλον παράδειγμα ποιῆσαι τοῖς βουλομένοις τὴν πόλιν εὖ ποιεῖν, οἴων ὑμῶν ἐν τοῖς κινδύνοις τεύξονται.
그러므로 이제 우리는 이 모든 일의 대가로 여러분에게 이 보답을 요구합니다. 우리가 곤궁한 처지에 놓이거나 기본 생활필수품조차 부족해지는 것을 방치하지 마시고, 조상들의 번영을 망가뜨리지 마시며, 오히려 도시를 위해 선한 일을 하려는 이들에게 그들이 위험에 처했을 때 어떤 여러분을 마주하게 될지 보여주는 본보기로 삼아 주십시오.
§24οὐκ ἔχω, ὦ ἄνδρες δικασταί, οὕστινας δεησομένους ὑπὲρ ἡμῶν ἀναβιβάσομαι·
배심원 여러분, 저는 우리를 위해 탄원해 줄 사람들을 법정으로 데려올 수 없습니다.
τῶν γὰρ προσηκόντων οἱ μὲν ἄνδρας ἀγαθοὺς αὑτοὺς παρασχόντες καὶ μεγάλην τὴν πόλιν ποιοῦντες ἐν τῷ πολέμῳ τεθνᾶσιν, οἱ δʼ ὑπὲρ τῆς δημοκρατίας καὶ τῆς ὑμετέρας ἐλευθερίας ὑπὸ τῶν τριάκοντα κώνειον πιόντες,
우리 친척들 중 어떤 이들은 전쟁에서 스스로 용감함을 증명하고 도시를 위대하게 만들며 전사했고, 다른 이들은 민주제와 여러분의 자유를 위해 30인 정권 하에서 독약을 마시고 죽었기 때문입니다.
§25ὥστε τῆς ἐρημίας ἡμετέρας αἴτιαι γεγόνασιν αἵ τε τῶν προσηκόντων ἀρεταὶ καὶ αἱ τῆς πόλεως συμφοραί.
그리하여 우리 친척들의 훌륭함과 도시의 불행이 우리가 외롭게 남겨진 원인이 되었습니다.
ὧν ἄξιον ὑμᾶς ἐνθυμηθέντας προθύμως ἡμῖν βοηθῆσαι, ἡγησαμένους τούτους ἂν ἐν δημοκρατία δικαίως εὖ πάσχειν ὑφʼ ὑμῶν, οἵπερ ἐν ὀλιγαρχίᾳ τῶν συμφορῶν μετέσχον τὸ μέρος.
이 일들을 명심하여 여러분이 기꺼이 우리를 돕는 것이 마땅하며, 과두제 하에서 불행의 몫을 나누어 가졌던 이들이야말로 민주제 하에서 마땅히 여러분으로부터 선대를 받아야 한다고 생각해야 합니다.
§26ἀξιῶ δὲ καὶ τούτους τοὺς συνδίκους εὔνους ἡμῖν εἶναι, ἐκείνου τοῦ χρόνου μνησθέντας, ὅτʼ ἐκ τῆς πατρίδος ἐκπεπτωκότες καὶ τὰς οὐσίας ἀπολωλεκότες ἄνδρας ἀρίστους ἐνομίζετʼ εἶναι τοὺς ὑπὲρ ὑμῶν ἀποθνῄσκοντας, καὶ τοῖς θεοῖς ηὔχεσθε δυνηθῆναι χάριν τοῖς ἐξ ἐκείνων ἀποδοῦναι.
또한 나는 이 공동 변호인들도 우리에게 호의를 베풀어 주기를 요구합니다, 그 시절을 기억하면서 말입니다. 즉, 조국에서 쫓겨나고 재산을 잃었을 때, 여러분은 여러분을 위해 죽어간 이들을 가장 훌륭한 사람으로 여겼고, 그들의 후손들에게 보답할 수 있기를 신들에게 기도했던 그 시절을 말입니다.
§27ἡμεῖς τοίνυν, ὑεῖς ὄντες καὶ συγγενεῖς τῶν ὑπὲρ τῆς ἐλευθερίας προκεκινδυνευκότων, ἀπαιτοῦμεν ὑμᾶς νυνὶ ταύτην τὴν χάριν, καὶ ἀξιοῦμεν μὴ ἀδίκως ἡμᾶς ἀπολέσαι, ἀλλὰ πολὺ μᾶλλον βοηθεῖν τοῖς τῶν αὐτῶν μετασχοῦσι συμφορῶν.
그러므로 우리는 자유를 위해 미리 위험에 맞섰던 이들의 아들이자 친척으로서, 이제 여러분에게 이 보답을 요구하며, 우리를 불의하게 파멸시키지 마시고 오히려 같은 불행을 나눈 이들을 도와주실 것을 요구합니다.
ἐγὼ μὲν οὖν καὶ δέομαι καὶ ἀντιβολῶ καὶ ἱκετεύω, καὶ τούτων παρʼ ὑμῶν τυγχάνειν ἀξιῶ·
이에 나는 간청하고, 애원하며, 탄원합니다. 그리고 여러분으로부터 이 자비를 얻기를 요구합니다.
οὐ γὰρ περὶ μικρῶν κινδυνεύομεν, ἀλλὰ περὶ τῶν ὄντων ἁπάντων.
왜냐하면 우리가 처한 위험은 사소한 일에 대한 것이 아니라, 전 재산에 대한 것이기 때문입니다.