§8.20.1προελθόντων δὲ σταδίους ὡς πεντήκοντα ἐκ Λυκουρίας, ἐπὶ τοῦ Λάδωνος ἀφίξῃ τὰς πηγάς·
リュクリアから五十スタディオンほど進むと、ラドン川の源流に到着するだろう。
ἤκουσα δὲ ὡς τὸ ὕδωρ τὸ λιμνάζον ἐν τῇ Φενεατικῇ, κατερχόμενον ἐς τὰ βάραθρα τὰ ἐν τοῖς ὄρεσιν, ἄνεισιν ἐνταῦθα καὶ ποιεῖ τῷ Λάδωνι τὰς πηγάς.
私は、フェネオスの地で湖を成している水が、山々の中にある奈落へと流れ下り、ここで湧き出てラドン川の源流を作っていると聞いた。
τοῦτο μὲν δὴ οὐκ ἔχω σαφῶς εἰπεῖν, εἴτε οὕτως εἴτε ἄλλως ἐστὶν ἔχον·
私は、これがその通りであるのか、それとも異なっているのか、はっきりとは言うことができない。
ὁ δὲ Λάδων ποταμῶν τῶν ἐν Ἑλλάδι ὕδωρ παρέχεται κάλλιστον, ἔχει δὲ καὶ ἄλλως ἐς ἀνθρώπους φήμην Δάφνης τε εἵνεκα καὶ †τὰ ᾀδόμενα ἐς τὴν Δάφνην.
しかし、ラドン川はギリシアの河川の中で最も美しい水を提供しており、またダプネのゆえに、そしてダプネについて歌われていることどものゆえに、人々の間で別格の評判を得ている。
§8.20.2τοῦ λόγου δὲ τοῦ ἐς Δάφνην τὰ μὲν Σύροις τοῖς οἰκοῦσιν ἐπὶ Ὀρόντῃ ποταμῷ παρίημι, λέγεται δὲ καὶ ἄλλα τοιάδε ὑπὸ Ἀρκάδων καὶ Ἠλείων.
ダプネに関する物語のうち、オロンテス川のほとりに住むシリア人たちの部分は省略するが、アルカディア人やエリス人によって、次のような別のことも語られている。
Οἰνομάῳ τῷ δυναστεύσαντι ἐν Πίσῃ Λεύκιππος ἦν υἱός.
ピサで権力を握っていたオイノマオスには、レウキッポスという息子がいた。
οὗτος ἐρασθεὶς Δάφνης ὁ Λεύκιππος ἐκ μὲν τοῦ εὐθέος μνώμενος γυναῖκα ἕξειν ἀπεγίνωσκεν αὐτὴν ἅτε ἅπαν τὸ ἄρσεν γένος φεύγουσαν·
このレウキッポスはダプネに恋をしたが、彼女があらゆる男性を避けていたため、真正面から求婚して彼女を妻にすることは諦めていた。
παρέστη δέ οἱ τοιόνδε ἐς αὐτὴν σόφισμα.
しかし、彼女に対してこのような策略が彼の頭に浮かんだ。
§8.20.3ἔτρεφεν ὁ Λεύκιππος κόμην τῷ Ἀλφειῷ·
レウキッポスはアルペイオス川のために髪を伸ばしていた。
ταύτην οἷα δὴ παρθένος πλεξάμενος τὴν κόμην καὶ ἐσθῆτα ἐνδὺς γυναικείαν ἀφίκετο ὡς τὴν Δάφνην, ἐλθὼν δὲ Οἰνομάου τε ἔλεγεν εἶναι θυγάτηρ καὶ ὡς συνθηρᾶν ἐθέλοι τῇ Δάφνῃ.
この髪を、まるで乙女であるかのように編み、女性の服を着て、彼はダプネのところへとやって来た。 そしてやって来ると、自分はオイノマオスの娘であり、ダプネと一緒に狩りをしたいのだと言った。
ἅτε δὲ εἶναι παρθένος νομιζόμενος, καὶ τὰς ἄλλας ὑπερβεβλημένος παρθένους γένους τε ἀξιώματι καὶ σοφίᾳ τῇ ἐς τὰ κυνηγέσια, πρὸς δὲ καὶ τῇ θεραπείᾳ περισσῇ χρώμενος, ἐς φιλίαν ἰσχυρὰν ἐπάγεται τὴν Δάφνην.
彼は乙女であると思われており、家柄の尊さでも狩猟の腕前でも他の乙女たちをしのいでいたうえに、とりわけ熱心に仕えたため、ダプネを強い友情へと引き入れた。
§8.20.4οἱ δὲ τὸν Ἀπόλλωνος ἔρωτα ἐς αὐτὴν ᾄδοντες καὶ τάδε ἐπιλέγουσιν, Ἀπόλλωνα Λευκίππῳ νεμεσῆσαι τῆς ἐς τὸν ἔρωτα εὐδαιμονίας.
また、アポロンの彼女への愛を歌う者たちは、さらに次のように付け加えている。 アポロンがレウキッポスに対して、その愛における幸福を妬んだのだと。
αὐτίκα δὲ ἐπεθύμησεν ἐν τῷ Λάδωνι ἡ Δάφνη καὶ αἱ λοιπαὶ παρθένοι νήχεσθαι, καὶ τὸν Λεύκιππον ἀποδύουσιν ἄκοντα·
そしてすぐに、ダプネと他の乙女たちはラドン川で泳ぎたいと望み、気の進まないレウキッポスの服を脱がせた。
ἰδοῦσαι δὲ οὐ παρθένον τοῖς τε ἀκοντίοις αὐτὸν καὶ ἐγχειριδίοις τύπτουσαι διέφθειραν.
しかし、彼が乙女ではないことを見て取るや、彼を投げ槍や短剣で突き刺して殺してしまった。