§1.9.1ὁ δὲ Φιλομήτωρ καλούμενος ὄγδοος μέν ἐστιν ἀπόγονος Πτολεμαίου τοῦ Λάγου, τὴν δὲ ἐπίκλησιν ἔσχεν ἐπὶ χλευασμῷ.
「ピロメトル（母を愛する者）」と呼ばれる者は、ラゴスの子プトレマイオスから八代目の子孫であるが、この異名は嘲笑のために得たものである。
οὐ γάρ τινα τῶν βασιλέων μισηθέντα ἴσμεν ἐς τοσόνδε ὑπὸ μητρός, ὃν πρεσβύτατον ὄντα τῶν παίδων ἡ μήτηρ οὐκ εἴα καλεῖν ἐπὶ τὴν ἀρχήν, πρότερον δὲ ἐς Κύπρον ὑπὸ τοῦ πατρὸς πεμφθῆναι πράξασα·
なぜなら、これほどまでに母親から憎まれた王を我々は他に知らないからである。 彼女は、彼が子供たちのうちで最年長であったにもかかわらず、支配権へと召し出すことを許さず、それより前には、彼が父親によってキプロスへと送られるよう画策した。
τῆς δὲ ἐς τὸν παῖδα τῇ Κλεοπάτρᾳ δυσνοίας λέγουσιν ἄλλας τε αἰτίας καὶ ὅτι Ἀλέξανδρον τὸν νεώτερον τῶν παίδων κατήκοον ἔσεσθαι μᾶλλον ἤλπιζε.
クレオパトラの息子に対するこの敵意については、他の原因とともに、子供たちのうちでより若いアレクサンドロスの方がより従順になるだろうと彼女が期待していたことが語られている。
καὶ διὰ τοῦτο ἑλέσθαι βασιλέα Ἀλέξανδρον ἔπειθεν Αἰγυπτίους·
そしてこのために、彼女はエジプト人たちに、アレクサンドロスを王として選ぶよう説得したのである。
§1.9.2ἐναντιουμένου δέ οἱ τοῦ πλήθους, δεύτερα ἐς τὴν Κύπρον ἔστειλεν Ἀλέξανδρον, στρατηγὸν μὲν τῷ λόγῳ, τῷ δὲ ἔργῳ διʼ αὐτοῦ Πτολεμαίῳ θέλουσα εἶναι φοβερωτέρα, τέλος δὲ κατατρώσασα οὓς μάλιστα τῶν εὐνούχων ἐνόμιζεν εὔνους, ἐπήγετο σφᾶς ἐς τὸ πλῆθος ὡς αὐτή τε ἐπιβουλευθεῖσα ὑπὸ Πτολεμαίου καὶ τοὺς εὐνούχους τοιαῦτα ὑπʼ ἐκείνου παθόντας.
しかし民衆が彼女に反対したため、彼女はアレクサンドロスを二度目にキプロスへと送った。 これは名目的には将軍としてであったが、実際には彼を通じてプトレマイオスに対してより恐るべき存在になることを望んでのことであった。 そして最後には、宦官たちのうちで最も忠実であると自分がみなしていた者たちを傷つけ、自分がプトレマイオスによって陰謀を企てられ、宦官たちも彼によってこのような目にあわされたと主張して、彼らを民衆の前に連れ出した。
οἱ δὲ Ἀλεξανδρεῖς ὥρμησαν μὲν ὡς ἀποκτενοῦντες τὸν Πτολεμαῖον, ὡς δὲ σφᾶς ἔφθασεν ἐπιβὰς νεώς, Ἀλέξανδρον ἥκοντα ἐκ Κύπρου ποιοῦνται βασιλέα.
アレクサンドリアの人々はプトレマイオスを殺そうと襲いかかったが、彼が船に乗り込んで彼らの先手を打って逃げ去ったので、キプロスからやって来たアレクサンドロスを王とした。
§1.9.3Κλεοπάτραν δὲ περιῆλθεν ἡ δίκη τῆς Πτολεμαίου φυγῆς ἀποθανοῦσαν ὑπὸ Ἀλεξάνδρου, ὃν αὐτὴ βασιλεύειν ἔπραξεν Αἰγυπτίων.
しかしクレオパトラには、プトレマイオスを逃亡させたことに対する報いが降りかかり、彼女自身がエジプト人の王となるよう取り計らったアレクサンドロスによって殺された。
τοῦ δὲ ἔργου φωραθέντος καὶ Ἀλεξάνδρου φόβῳ τῶν πολιτῶν φεύγοντος, οὕτω Πτολεμαῖος κατῆλθε καὶ τὸ δεύτερον ἔσχεν Αἴγυπτον·
その行為が露見し、アレクサンドロスが市民への恐れから逃亡すると、このようにしてプトレマイオスは帰還し、二度目にエジプトを手に入れた。
καὶ Θηβαίοις ἐπολέμησεν ἀποστᾶσι, παραστησάμενος δὲ ἔτει τρίτῳ μετὰ τὴν ἀπόστασιν ἐκάκωσεν, ὡς μηδὲ ὑπόμνημα λειφθῆναι Θηβαίοις τῆς ποτε εὐδαιμονίας προελθούσης ἐς τοσοῦτον ὡς ὑπερβαλέσθαι πλούτῳ τοὺς Ἑλλήνων πολυχρημάτους, τό τε ἱερὸν τὸ ἐν Δελφοῖς καὶ Ὀρχομενίους.
また、彼は反乱を起こしたテーバイ人たちと戦い、反乱から三年目に彼らを降伏させて打ちのめし、かつての繁栄の記憶さえテーバイ人たちに残らないほどにした。 その繁栄は、富においてギリシアの極めて裕福な人々、すなわちデルポイの神殿やオルコメノスをも凌駕するほどに達していたのである。
Πτολεμαῖον μὲν οὖν ὀλίγῳ τούτων ὕστερον ἐπέλαβε μοῖρα ἡ καθήκουσα·
さて、プトレマイオスにはこれらのことの少し後に定められた運命が訪れた。
Ἀθηναῖοι δὲ ὑπʼ αὐτοῦ παθόντες εὖ πολλά τε καὶ οὐκ ἄξια ἐξηγήσεως χαλκοῦν καὶ αὐτὸν καὶ Βερενίκην ἀνέθηκαν, ἣ μόνη γνησία οἱ τῶν παίδων ἦν.
アテナイ人は、彼から多くの、また説明するに及ばないほどの恩恵を受けたので、彼自身と、彼の子供たちのうちで唯一の嫡出であったベレニケの青銅像を奉納した。
§1.9.4μετὰ δὲ τοὺς Αἰγυπτίους Φίλιππός τε καὶ Ἀλέξανδρος ὁ Φιλίππου κεῖνται·
エジプトの王たちの後には、フィリッポスと、フィリッポスの子アレクサンドロスが置かれている。
τούτοις μείζονα ὑπῆρχέ πως ἢ ἄλλου πάρεργα εἶναι λόγου.
彼らの業績は、他の話の付け足しにされるにはいささか大きすぎるものであった。
τοῖς μὲν οὖν ἀπʼ Αἰγύπτου τιμῇ τε ἀληθεῖ καὶ εὐεργέταις οὖσι γεγόνασιν αἱ δωρεαί, Φιλίππῳ δὲ καὶ Ἀλεξάνδρῳ κολακείᾳ μᾶλλον ἐς αὐτοὺς τοῦ πλήθους, ἐπεὶ καὶ Λυσίμαχον οὐκ εὐνοίᾳ τοσοῦτον ὡς ἐς τὰ παρόντα χρήσιμον νομίζοντες ἀνέθηκαν.
さて、エジプトからの者たちに対しては、真の敬意によるものであり、彼らが恩人であったがゆえにこれらの贈り物がなされたのであるが、フィリッポスとアレクサンドロスに対しては、むしろ彼らに対する民衆のへつらいによるものであった。 なぜなら、彼らはリュシマコスをも、好意からというよりは、当面役立つ人物とみなして奉納したからである。
§1.9.5ὁ δὲ Λυσίμαχος οὗτος γένος τε ἦν Μακεδὼν καὶ Ἀλεξάνδρου δορυφόρος, ὃν Ἀλέξανδρός ποτε ὑπʼ ὀργῆς λέοντι ὁμοῦ καθείρξας ἐς οἴκημα κεκρατηκότα εὗρε τοῦ θηρίου·
このリュシマコスは、家系としてはマケドニア人であり、アレクサンドロスの護衛兵であった。 彼をアレクサンドロスはあるとき怒りのあまり、ライオンとともに一つの部屋に閉じ込めたが、彼がその猛獣をねじ伏せているのを発見した。
τά τε οὖν ἄλλα ἤδη διετέλει θαυμάζων καὶ Μακεδόνων ὁμοίως τοῖς ἀρίστοις ἦγεν ἐν τιμῇ.
それゆえ、アレクサンドロスは他の点でもすでに彼を感嘆し続け、マケドニア人の最も優れた者たちと同様に彼を重んじた。
τελευτήσαντος δὲ Ἀλεξάνδρου Θρᾳκῶν ἐβασίλευεν ὁ Λυσίμαχος τῶν προσοίκων Μακεδόσιν, ὅσων ἦρχεν Ἀλέξανδρος καὶ ἔτι πρότερον Φίλιππος·
アレクサンドロスの死後、リュシマコスは、マケドニアに隣接するトラキア人のうち、アレクサンドロスが、またそれ以前にフィリッポスが支配していた者たちを支配した。
εἶεν δʼ ἂν οὗτοι τοῦ Θρᾳκίου μοῖρα οὐ μεγάλη.
これらはトラキアの領土全体からすれば大きな部分ではないだろう。
Θρᾳκῶν δὲ τῶν πάντων οὐδένες πλείους εἰσὶ τῶν ἀνθρώπων ὅτι μὴ Κελτοὶ πρὸς ἄλλο ἔθνος ἓν ἀντεξετάζοντι, καὶ διὰ τοῦτο οὐδείς πω πρότερος Θρᾷκας Ῥωμαίων κατεστρέψατο ἀθρόους·
もし他の一つの民族と比較するならば、全人類の中で、すべてのトラキア人よりも多数の者はケルト人を除いて存在しない。 このため、ローマ人より前には誰もトラキア人全体を服従させることができなかった。
Ῥωμαίοις δὲ Θρᾴκη τε πᾶσά ἐστιν ὑποχείριος, καὶ Κελτῶν ὅσον μὲν ἀχρεῖον νομίζουσι διά τε ὑπερβάλλον ψῦχος καὶ γῆς φαυλότητα, ἑκουσίως παρῶπταί σφισι, τὰ δὲ ἀξιόκτητα ἔχουσι καὶ τούτων.
しかしローマ人にとっては、トラキア全土が支配下にあり、またケルト人のうち、極度の寒さと土地の貧しさゆえに役に立たないとみなす地域については、意図的に放置しているが、彼らのうちでも獲得する価値のある部分は所有している。