§319τὴν πόλιν κληθῆναι.
都市へと召喚されることは[なかったであろうから]。
ἔπειθʼ ὅπως μὴ δοκοίην δημοκοπικός τις εἶναι, ἐπέσχον, πρὸς δὲ τοὺς συνόντας διεμαρτυράμην, ὅπως ἀδείας ἔχοιμι, αὐτοὺς δὴ τούτους τοὺς λόγους εἰπών.
その後、大衆に阿ねる者のように思われないために、私は差し控え、一緒にいた人々に対して、身の安全を確保できるよう、まさにこれらの言葉を言って断言した。
τὰ μὲν δὴ περὶ τῶν σεισμῶν καὶ ὡς βοῦν θύειν αὐτοῖς ἠρξάμεθα εἴρηται.
さて、地震に関する事柄、および私たちがそれらに対して雄牛を捧げ始めた経緯については語り終えた。
ᾠὸν δή ποτε χήνειον ἐζητοῦμεν, τοῦ θεοῦ σημήναντος ἐπὶ τῆς ἐν Περγάμῳ καθέδρας, καὶ εὑρίσκετο οὐδαμοῦ τῆς ἀγορᾶς, ἀλλʼ ἦν Μειλάτης ἐξ ἀκροπόλεως, παρὰ τοῦτον ἔρχονται τελευτῶντες οἱ πρὸς τῇ ζητήσει, κατὰ δὴ τύχην ἅμα καὶ μήνυσιν.
ある時、神がペルガモンでの滞在中に兆候をお示しになったので、私たちはガチョウの卵を探していたが、市場のどこにも見つからなかった。 しかしアクロポリス出身のメイラテスという者がそれを持っており、捜索に当たっていた者たちは、偶然と、また情報とが重なって、最後には彼のところへ行った。
καὶ λέγει πρὸς αὐτοὺς ὁ Μειλάτης ἔχειν ᾠὸν, φυλάττειν δὲ ἰάματος ἕνεκα·
するとメイラテスは彼らに、自分は卵を持っているが、治療のために取っておいているのだと言った。
οὕτω γὰρ αὐτῷ προειρηκέναι τὸν θεόν.
神が彼にそのようにあらかじめ命じられていたからである。
οὐκοῦν ἡμεῖς γε ἐκεῖθεν, ἔφασαν οἱ ζητοῦντες, καὶ ὃς προσκυνήσας δίδωσιν.
「それなら、私たちはまさにそこから遣わされたのです」と捜索者たちは言った。 すると彼は礼拝してそれを与えた。
ὅ τι δʼ ἐχρησάμην λαβὼν οὐκ οἶδα ὑπό γε πλήθους ἐτῶν.
それを受け取って私がどう使ったかは、あまりにも年月が経ちすぎているため覚えていない。
παραπλήσιον δὲ τούτῳ τὸ ἐκ τῆς Ἴσιδος, κατʼ ἀρχὰς ἔτι τῆς ἀσθενείας περὶ χηνῶν αὐτῶν γενόμενον.
これとよく似たのが、病気のまだ初期の頃に、ガチョウ自体について起こったイシス神に由来する出来事である。
διέτριβον ἐν τοῖς ὕδασι τοῖς θερμοῖς καὶ ἡ θεὸς κελεύει θῦσαι ἑαυτῇ χῆνας δύο.
私は温泉に滞在していたが、女神がご自身に二羽のガチョウを犠牲に捧げるよう命じられた。
ᾔειν εἰς τὴν πόλιν προπέμψας τοὺς σκεψομένους, καὶ προειπὼν ἀπαντᾶν εἰς τὸ ἱερὸν τῆς Ἴσιδος τοὺς χῆνας ἔχοντας.
私は、調べる者たちを先に行かせ、ガチョウを手に入れてイシスの神殿で私を待つようにとあらかじめ命じておいて、都市へと向かった。
ἄλλοι μὲν οὖν χῆνες οὐκ ἦσαν ἐκείνην τὴν ἡμέραν, δύο δʼ ἤστην μόνω.
さて、その日は他にガチョウはおらず、ただ二羽だけがいた。
προσελθοῦσι δʼ αὐτοῖς καὶ ὠνουμένοις ἔφη ὁ τρέφων τοὺς χῆνας ὡς οὐχ οἷός τʼ εἴη πωλῆσαι·
彼らが近づいて買い求めようとすると、ガチョウの飼育係は売るわけにはいかないと言った。
προειρῆσθαι γὰρ αὐτῷ ὑπὸ τῆς Ἴσιδος φυλάττειν Ἀριστείδῃ·
というのも、アリステイデスのために取っておくようにと、イシスからあらかじめ命じられていたからである。
πάντως δʼ ἥξειν καὶ θύσειν.
彼は必ずやって来て犠牲を捧げるだろう、と。
ὡς δʼ ἔγνω τὸ πᾶν, ἐξεπλάγη τε καὶ προσκυνήσας δίδωσι·
そして事情のすべてを知ると、彼は驚愕し、礼拝してそれらを与えた。
καὶ ταῦτα ἐπʼ αὐτῆς τῆς θυσίας ἔγνων ἐγώ.
私はこのことを、犠牲式そのものの際に知った。
ἐγένετο δὲ καὶ φῶς παρὰ τῆς Ἴσιδος καὶ ἕτερα ἀμύθητα φέροντα εἰς σωτηρίαν.
また、イシスから光が発せられ、その他にも救いへと導く言葉に尽くせぬ奇跡が起こった。
ἐφάνη δὲ καὶ ὁ Σάραπις τῆς αὐτῆς νυκτὸς, ἅμα αὐτός τε καὶ ὁ Ἀσκληπιὸς, θαυμαστοὶ τὸ κάλλος καὶ τὸ μέγεθος καί τινα τρόπον ἀλλήλοις ἐμφερεῖς.
同じ夜、サラピスも現れたが、彼自身とアスクレピオスが同時に現れ、その美しさと大きさは驚くべきものであり、どこか互いに似通っていた。
γενομένης δὲ τῆς περὶ Ζώσιμον συμφορᾶς, ἃ γὰρ μελλούσης προεῖπε καὶ παρεμυθήσατο ὁ θεὸς παρίημι, ἀλλʼ ἐπειδὴ ἐγένετο καὶ χαλεπῶς εἶχον ἀπὸ τῆς λύπης, ἐδόκει μοι σμίλην τινʼ ἔχων ὁ Σάραπις, ὥσπερ κάθηται τῷ σχήματι, περιτέμνειν μου τὰ κύκλῳ τοῦ προσώπου ὑπʼ αὐτό πως
ゾシモスにまつわる不幸が起こった時――それが起ころうとしていた時に神があらかじめ告げ、慰めてくださった事柄については省略するが――それが起こり、私が悲しみのあまりひどい状態にあった時、サラピスが、彫刻で座っているその姿勢のままで、小さな小刀を持って、私のおおよそ眉のすぐ下あたり、顔の周囲を削り取っているように思われた。
§320τὸ ὁρίζηλον, οἷον λύματʼ ἀφαιρῶν καὶ καθαίρων, καὶ μεταβάλλων εἰς τὸ προσῆκον.
汚れを払い清め、ふさわしい状態へと変えてくれているかのようであった。
ὥστε καὶ ὕστερον ὄψις μοι γίγνεται παρὰ τῶν χθονίων θεῶν, εἰ τὸ σφόδρα τοῦτο λυπεῖσθαι ἐπὶ τοῖς τελευτῶσιν ἀνίην, συνοίσειν μοι ἐπὶ τὸ βέλτιον.
そのため、後に冥界の神々からも私に幻影があり、もし私が死者たちに対してこれほど激しく悲しむのをやめるなら、より良い結果をもたらすだろうということであった。
πολὺ δέ τι τούτων φρικωδέστερον εἶχε τὰ χρόνῳ ὕστερον φανθέντα, ἐν οἷς αἵ τε δὴ κλίμακες ἦσαν αἱ τὸ ὑπὲρ γῆς τε καὶ ὑπὸ γῆς ἀφορίζουσαι, καὶ τὸ ἑκατέρωθι κράτος τοῦ θεοῦ, καὶ ἕτερα ἔκπληξιν θαυμαστὴν φέροντα, καὶ οὐδὲ ῥητὰ ἴσως εἰς ἅπαντας, ὥστε ἀσμένῳ μοι φανῆναι σύμβολα τοῦ Ἀσκληπιοῦ.
しかし、これらよりもはるかに恐ろしいものが、しばらく後に示された。 そこには地上と地下を画定するあのはしごがあり、また両界における神の支配力があり、その他にも驚くべき恐れを抱かせるような、おそらくすべての人に語るべきではない事柄があって、私にとってはアスクレピオスの象徴が嬉しく現れたように思われた。
κεφάλαιον δʼ ἦν περὶ τῆς τοῦ θεοῦ δυνάμεως ὅτι καὶ χωρὶς ὀχημάτων καὶ χωρὶς σωμάτων ὁ Σάραπις οἷός τʼ εἴη κομίζειν ἀνθρώπους ὅπη βούλοιτο.
その要点は、神の力に関するものであり、すなわちサラピスは乗り物も肉体もなくしても、人々を自分の望むところへどこへでも運ぶことができるということであった。
τοιαῦτα ἦν τὰ τῆς τελετῆς·
秘儀の事柄はこのようなものであった。
καὶ ἀνέστην οὐ ῥᾴδιος γνωρίσαι καὶ πρὸς τούτοις θυσία τις ἐδηλοῦτο, ὀφειλομένη μὲν Διὶ καὶ πρόρρησιν μένουσα, ἀποδοθεῖσα δὲ ὡς τοῦ Σαράπιδος οὖσα, ἀπεδόθη δὲ καὶ ὡς τῷ Διὶ, ἔχω δὲ λέγειν κἀν ταῖς ἱεραῖς ἡμέραις, ἃς ἡ πόλις ἡ τῶν Ἀλεξανδρέων ποιεῖ τῷ θεῷ, πολλὰ δὴ πολλάκις αὐτὸν ἐπισημήναντα, καὶ κατʼ αὐτὴν ἑκάστην, καὶ προσαγαγούσης ἔτι.
そして私は、容易には見分けがつかないような状態で起き上がった。 さらにこれに加えて、ある犠牲が示された。 それはゼウスに負うており、約束の履行を待っていたものであったが、サラピスのものであるとして捧げられ、またゼウスに対しても捧げられた。 また、アレクサンドリアの市民たちがその神のために行う聖なる日々において、神が何度も何度も、その日その日において、またさらにその日を迎えるにあたっても、多くの兆候をお示しになったことを語ることができる。
εἰ δὲ δεῖ τι καὶ φοβερώτερον διηγήσασθαι, ἐτεθύκειν τῇ Ἴσιδι καὶ τῷ Σαράπιδι ἐν τῷ τῆς Ἴσιδος ἱερῷ, λέγω τοῦτο ἐν Σμύρνῃ γενόμενον.
さらにもし、何かより畏るべきことを語らねばならぬとするなら、私はイシスの神殿（スミュルナでの出来事であるが）で、イシスとサラピスに犠牲を捧げた時のことである。
ἐξιόντι δέ μοι τὰ προπύλαια προσερρύησαν χῆνες δύο τῶν ἱερῶν, καὶ παρελθόντες εἰς τὸ πρόσθεν ἡγοῦντο οὕτως ἀκριβῶς κατʼ αὐτὸ ὃ βαίνειν ἔμελλον ὥστε ἐπίδηλον εἶναί μοι.
私が神門を出て行こうとすると、聖なるガチョウのうちの二羽が私のもとに近寄ってきた。 そして前へと進み出て、私が歩もうとするまさにその道に沿って、あまりにも正確に先導したので、それは私にとって明白なことであった。
κἀγὼ νῷ τε ἔλαβον τὸ πρᾶγμα καὶ πρὸς τοὺς φίλους καὶ τοὺς παραπέμποντας, ἰδοὺ καὶ οἵδε, ἔφην, παραπέμπουσιν ἐν τῷ τῶν φίλων δὴ χορῷ·
そこで私はその事の意味を理解し、友人たちや見送りの人々に対して言った。 「見よ、彼らもまた、友人たちの列の中に交じって見送ってくれているぞ。
καὶ ἅμα ἔλεγον περὶ τῆς τοῦ θεοῦ γοργότητος καὶ δυνάμεως πόση τις εἴη καὶ κατὰ φήμας καὶ κατὰ συμβόλους, καὶ ὅτι πολλάκις ἤδη μοι ἐπὶ τῆς εὐχῆς ἦλθεν ἡ ἀπόκρισις·
」そして同時に、神の俊敏さと力が、お告げにおいても兆候においてもいかに偉大であるか、また祈りの最中にすでに何度も私に答えが届いたことなどを語った。
καὶ νῦν, ἔφην, ἡγεμόνας τινὰς ἡμῖν τῆς ὁδοῦ τούσδε ἀπέσταλκε.
「そして今や」と私は言った。 「神は私たちの道の先導者として、これらを送ってくださったのだ。
τοιαυτὶ διελεγόμεθα καὶ ἅμα ἐτηροῦμεν τί ἄρα δράσουσιν·
」私たちはこのようなことを話し合いながら、同時に彼らが一体何をするかを見守っていた。
ἄπιμέν τε δὴ τοῦ ἱεροῦ, οὐκ οἶδʼ ὁπόσον τι, κἀγὼ τοῖς φίλοις ἐνδεικνύμενος προσπαίζω τοὺς χῆνας καὶ λέγω, ἱκανῶς ὑμῖν, ὦ οὗτοι, λελειτούργηται, πορεύεσθε.
そして私たちは神殿から、どれほどの距離だったか立ち去り、私は友人たちに見せるためにガチョウたちに戯れかけて言った。 「お前たち、務めは十分に果たされた。 さあ、行きなさい。
οὐκ ἔφθην εἰπεῖν, καὶ οἱ μεταστραφέντες ἀπῄεσαν.
」私が言い終えるか終えないかのうちに、彼らはきびすを返して去っていった。