§1.1.1ἡ ῥητορική ἐστιν ἀντίστροφος τῇ διαλεκτικῇ·
弁論術は弁証術の対をなすものである。
ἀμφότεραι γὰρ περὶ τοιούτων τινῶν εἰσιν ἃ κοινὰ τρόπον τινὰ ἁπάντων ἐστὶ γνωρίζειν καὶ οὐδεμιᾶς ἐπιστήμης ἀφωρισμένης·
というのも、双方とも、ある意味で万人にとって認識することが共通であり、いかなる特定の科学にも区分されないような事柄に関するものだからである。
διὸ καὶ πάντες τρόπον τινὰ μετέχουσιν ἀμφοῖν·
それゆえに、万人が共にある意味でその双方にあずかっている。
πάντες γὰρ μέχρι τινὸς καὶ ἐξετάζειν καὶ ὑπέχειν λόγον καὶ ἀπολογεῖσθαι καὶ κατηγορεῖν ἐγχειροῦσιν.
なぜなら、万人はある程度までは、議論を吟味することと維持すること、また弁明することと告発することの双方を試みるからである。
§1.1.2τῶν μὲν οὖν πολλῶν οἱ μὲν εἰκῇ ταῦτα δρῶσιν, οἱ δὲ διὰ συνήθειαν ἀπὸ ἕξεως·
さて、多くの人のうち、ある人々はこれらをランダムに行い、他の人々は習慣による習性からそうする。
ἐπεὶ δʼ ἀμφοτέρως ἐνδέχεται, δῆλον ὅτι εἴη ἂν αὐτὰ καὶ ὁδῷ ποιεῖν·
しかし、双方が可能である以上、これらを筋道に従って行うことも可能であることは明らかである。
διʼ ὃ γὰρ ἐπιτυγχάνουσιν οἵ τε διὰ συνήθειαν καὶ οἱ ἀπὸ τοῦ αὐτομάτου τὴν αἰτίαν θεωρεῖν ἐνδέχεται, τὸ δὲ τοιοῦτον ἤδη πάντες ἂν ὁμολογήσαιεν τέχνης ἔργον εἶναι.
なぜなら、習慣によって成功する人々も、偶然によって成功する人々も、その原因を観察することは可能であり、そのようなことはすでに誰もが技術の働きであると認めるだろうからである。
§1.1.3νῦν μὲν οὖν οἱ τὰς τέχνας τῶν λόγων συντιθέντες οὐδὲν ὡς εἰπεῖν πεπορίκασιν αὐτῆς μόριον (αἱ γὰρ πίστεις ἔντεχνόν εἰσι μόνον, τὰ δʼ ἄλλα προσθῆκαι), οἱ δὲ περὶ μὲν ἐνθυμημάτων οὐδὲν λέγουσιν, ὅπερ ἐστὶ σῶμα τῆς πίστεως, περὶ δὲ τῶν ἔξω τοῦ πράγματος τὰ πλεῖστα πραγματεύονται·
ところが、現在、言論の技術を編纂している人々は、その一部分さえも、いわば何も提供していない。 というのも、説得手段だけが技術的なものであり、他のものは付加物にすぎないからである。 しかし彼らは、説得手段の核心である説得推論については何も語らず、事柄の外部にあることについてそのほとんどを論じている。
§1.1.4διαβολὴ γὰρ καὶ ἔλεος καὶ ὀργὴ καὶ τὰ τοιαῦτα πάθη τῆς ψυχῆς οὐ περὶ τοῦ πράγματός ἐστιν, ἀλλὰ πρὸς τὸν δικαστήν·
というのも、中傷や憐れみ、怒り、およびそうした魂の感情は、事柄に関するものではなく、裁判官に向けられたものだからである。
ὥστʼ εἰ περὶ πάσας ἦν τὰς κρίσεις καθάπερ ἐν ἐνίαις γε νῦν ἐστι τῶν πόλεων καὶ μάλιστα ταῖς εὐνομουμέναις, οὐδὲν ἂν εἶχον ὅ τι λέγωσιν·
したがって、もしすべての裁判において、現在いくつかの都市、特に秩序の整った都市で行われているような仕組みがあったなら、彼らは語るべきものを何も持たなかっただろう。
§1.1.5ἅπαντες γὰρ οἱ μὲν οἴονται δεῖν οὕτω τοὺς νόμους ἀγορεύειν, οἱ δὲ καὶ χρῶνται καὶ κωλύουσιν ἔξω τοῦ πράγματος λέγειν, καθάπερ καὶ ἐν Ἀρείῳ πάγῳ, ὀρθῶς τοῦτο νομίζοντες·
なぜなら、すべての人々は、ある人々は法律がそのように規定すべきだと考えており、また他の人々は実際にそれを運用し、アレイオス・パゴスにおけるのと同様に、事柄の外部にあることを語るのを禁じているからであり、これは正しい考えである。
οὐ γὰρ δεῖ τὸν δικαστὴν διαστρέφειν εἰς ὀργὴν προάγοντας ἢ φθόνον ἢ ἔλεον·
というのも、裁判官を怒りや嫉妬や憐れみに駆り立てて歪めるべきではないからである。
ὅμοιον γὰρ κἂν εἴ τις ᾧ μέλλει χρῆσθαι κανόνι, τοῦτον ποιήσειε στρεβλόν.
それは、自分が使おうとする物差しを曲げてしまうのと同様である。
§1.1.6ἔτι δὲ φανερὸν ὅτι τοῦ μὲν ἀμφισβητοῦντος οὐδέν ἐστιν ἔξω τοῦ δεῖξαι τὸ πρᾶγμα ὅτι ἔστιν ἢ οὐκ ἔστιν, ἢ γέγονεν ἢ οὐ γέγονεν·
さらに、争う当事者の役割は、事柄が事実であるか否か、あるいはそれが起こったか起こらなかったかを示すこと以外には何もないことも明らかである。
εἰ δὲ μέγα ἢ μικρόν, ἢ δίκαιον ἢ ἄδικον, ὅσα μὴ ὁ νομοθέτης διώρικεν, αὐτὸν δή που τὸν δικαστὴν δεῖ γιγνώσκειν καὶ οὐ μανθάνειν παρὰ τῶν ἀμφισβητούντων.
しかし、それが重大であるか些細であるか、あるいは正しいか不正であるかという、立法者が規定していない事柄については、裁判官自らが判断すべきであり、争う当事者から教わるべきではない。
§1.1.7μάλιστα μὲν οὖν προσήκει τοὺς ὀρθῶς κειμένους νόμους, ὅσα ἐνδέχεται, πάντα διορίζειν αὐτούς, καὶ ὅτι ἐλάχιστα καταλείπειν ἐπὶ τοῖς κρίνουσι, πρῶτον μὲν ὅτι ἕνα λαβεῖν καὶ ὀλίγους ῥᾷον ἢ πολλοὺς εὖ φρονοῦντας καὶ δυναμένους νομοθετεῖν καὶ δικάζειν·
それゆえ、正しく制定された法律は、可能な限りすべてのことを自ら規定し、裁判を行う者に委ねることを極めて最小限にするのが最も適切である。
ἔπειθʼ αἱ μὲν νομοθεσίαι ἐκ πολλοῦ χρόνου σκεψαμένων γίνονται, αἱ δὲ κρίσεις ἐξ ὑπογυίου, ὥστε χαλεπὸν ἀποδιδόναι τὸ δίκαιον καὶ τὸ συμφέρον καλῶς τοὺς κρίνοντας.
その理由は、第一に、賢明であり立法や裁判を行う能力のある一人または少数の人々を見出す方が、多くの人々を見出すよりも容易だからであり、第二に、立法の作業は長い時間をかけて熟考した人々によってなされるのに対し、裁判は即座になされるため、裁判を行う者が正義や便益を正しく適用することは困難だからである。
τὸ δὲ πάντων μέγιστον, ὅτι ἡ μὲν τοῦ νομοθέτου κρίσις οὐ κατὰ μέρος, ἀλλὰ περὶ μελλόντων τε καὶ καθόλου ἐστίν, ὁ δʼ ἐκκλησιαστὴς καὶ δικαστὴς ἤδη περὶ παρόντων καὶ ἀφωρισμένων κρίνουσιν·
そして最も重大なことは、立法者の判断は個別の事例についてではなく、未来のことかつ普遍的なことについてであるのに対し、民会構成員や裁判官は、今や目の前にある、限定された個別のことについて判断を下すからである。
πρὸς οὓς καὶ τὸ φιλεῖν ἤδη καὶ τὸ μισεῖν καὶ τὸ ἴδιον συμφέρον συνήρτηται πολλάκις, ὥστε μηκέτι δύνασθαι θεωρεῖν ἱκανῶς τὸ ἀληθές, ἀλλʼ ἐπισκοτεῖν τῇ κρίσει τὸ ἴδιον ἡδὺ ἢ λυπηρόν.
彼らには、愛することや憎むこと、あるいは自己の個人的な利益がすでにしばしば結びついており、その結果、もはや真理を十分に観察することができず、個人的な快や不快が判断を曇らせてしまうのである。
§1.1.8περὶ μὲν οὖν τῶν ἄλλων, ὥσπερ λέγομεν, δεῖ ὡς ἐλαχίστων ποιεῖν κύριον τὸν κριτήν, περὶ δὲ τοῦ γεγονέναι ἢ μὴ γεγονέναι, ἢ ἔσεσθαι ἢ μὴ ἔσεσθαι, ἢ εἶναι ἢ μὴ εἶναι, ἀνάγκη ἐπὶ τοῖς κριταῖς καταλείπειν·
したがって、すでに述べたように、他の事柄については、裁判官を極めて最小限の事柄の決定権者とすべきであるが、過去に起こったか起こらなかったか、未来に起こるか起こらないか、あるいは現在存在するか存在しないかについては、裁判官に委ねることが不可欠である。
οὐ γὰρ δυνατὸν ταῦτα τὸν νομοθέτην προϊδεῖν.
なぜなら、立法者がこれらをあらかじめ予見することは不可能だからである。
§1.1.9εἰ δὲ ταῦθʼ οὕτως ἔχει, φανερὸν ὅτι τὰ ἔξω τοῦ πράγματος τεχνολογοῦσιν ὅσοι τἆλλα διορίζουσιν, οἷον τί δεῖ τὸ προοίμιον ἢ τὴν διήγησιν ἔχειν, καὶ τῶν ἄλλων ἕκαστον μορίων·
もしこれらのことがこのようであるならば、他の事柄、例えば序論や陳述、その他の各部分が何を含むべきかを規定する人々は、事柄の外部にあることを技術化していることが明らかである。
οὐδὲν γὰρ ἐν αὐτοῖς ἄλλο πραγματεύονται πλὴν ὅπως τὸν κριτὴν ποιόν τινα ποιήσωσιν, περὶ δὲ τῶν ἐντέχνων πίστεων οὐδὲν δεικνύουσιν, τοῦτο δʼ ἐστὶν ὅθεν ἄν τις γένοιτο ἐνθυμηματικός.
なぜなら、彼らはそれらにおいて、裁判官をいかにある種の状態にするかということ以外には何も論じておらず、技術的な説得手段については何も示していないからである。 しかし、これこそが、人を説得推論の扱いに長けた者にさせるものなのである。
§1.1.10διὰ γὰρ τοῦτο τῆς αὐτῆς οὔσης μεθόδου περὶ τὰ δημηγορικὰ καὶ δικανικά, καὶ καλλίονος καὶ πολιτικωτέρας τῆς δημηγορικῆς πραγματείας οὔσης ἢ τῆς περὶ τὰ συναλλάγματα, περὶ μὲν ἐκείνης οὐδὲν λέγουσι, περὶ δὲ τοῦ δικάζεσθαι πάντες πειρῶνται τεχνολογεῖν, ὅτι ἧττόν ἐστι πρὸ ἔργου τὰ ἔξω τοῦ πράγματος λέγειν ἐν τοῖς δημηγορικοῖς καὶ ἧττόν ἐστι κακοῦργον ἡ δημηγορία δικολογίας, ὅτι κοινότερον.
なぜなら、民衆演説と法廷演説に関する方法は同一であり、民衆演説の扱いの方が、契約に関するものよりも美しく、より市民社会（ポリス）的であるにもかかわらず、人々は前者については何も語らず、全員が法廷で争うことについて技術を構築しようと試みているからである。 その理由は、民衆演説においては、事柄の外部にあることを語ることはあまり役立たず、民衆演説は法廷演説よりも害が少ないからである。 それは、より共通の関心事だからである。
ἐνταῦθα μὲν γὰρ ὁ κριτὴς περὶ οἰκείων κρίνει, ὥστʼ οὐδὲν ἄλλο δεῖ πλὴν ἀποδεῖξαι ὅτι οὕτως ἔχει ὥς φησιν ὁ συμβουλεύων·
そこでは、裁判者は自らに直接関わる事柄について判断するので、勧告する者が言う通りであることを証明する以外には何も必要ない。
ἐν δὲ τοῖς δικανικοῖς οὐχ ἱκανὸν τοῦτο, ἀλλὰ πρὸ ἔργου ἐστὶν ἀναλαβεῖν τὸν ἀκροατήν·
しかし、法廷演説においてはこれだけでは十分ではなく、聞き手を味方に引き入れることが役立つ。
περὶ ἀλλοτρίων γὰρ ἡ κρίσις, ὥστε πρὸς τὸ αὑτῶν σκοπούμενοι καὶ πρὸς χάριν ἀκροώμενοι διδόασι τοῖς ἀμφισβητοῦσιν, ἀλλʼ οὐ κρίνουσιν.
なぜなら、判断が他人の事柄に関するものであるため、彼らは自分たちの利益に照らして考え、歓心を買われながら聞き、争う当事者たちに譲歩してしまうのであって、真に裁いているのではないからである。
διὸ καὶ πολλαχοῦ, ὥσπερ πρότερον εἶπον, ὁ νόμος κωλύει λέγειν ἔξω τοῦ πράγματος·
それゆえ、前に言ったように、多くの場所で法律は事柄の外部にあることを語るのを禁じている。
ἐκεῖ δʼ αὐτοὶ οἱ κριταὶ τοῦτο τηροῦσιν ἱκανῶς.
しかし、あそこでは、裁判者たち自身がこのことを十分に自律的に守っているのである。