§1.1254aτὰ μὲν οὖν λεγόμενα ὄργανα ποιητικὰ ὄργανά ἐστι, τὸ δὲ κτῆμα πρακτικόν·
したがって、いわゆる道具は制作のための道具であり、一方で財物は行為のためのものである。
ἀπὸ μὲν γὰρ τῆς κερκίδος ἕτερόν τι γίνεται παρὰ τὴν χρῆσιν αὐτῆς, ἀπὸ δὲ τῆς ἐσθῆτος καὶ τῆς κλίνης ἡ χρῆσις μόνον.
なぜなら、織機の杼からは、それを使用することとは別の何かが生まれるが、衣服や寝台からは、その使用だけが得られるからである。
ἔτι δʼ ἐπεὶ διαφέρει ἡ ποίησις εἴδει καὶ ἡ πρᾶξις, καὶ δέονται ἀμφότεραι ὀργάνων, ἀνάγκη καὶ ταῦτα τὴν αὐτὴν ἔχειν διαφοράν.
さらに、制作と行為は種において異なっており、両者ともに道具を必要とするので、これらの道具もまた同じ差異を持つことが必然である。
ὁ δὲ βίος πρᾶξις, οὐ ποίησις, ἐστιν·
そして、生とは行為であり、制作ではない。
διὸ καὶ ὁ δοῦλος ὑπηρέτης τῶν πρὸς τὴν πρᾶξιν.
それゆえ、奴隷もまた行為に関する事柄の助手なのである。
τὸ δὲ κτῆμα λέγεται ὥσπερ καὶ τὸ μόριον.
また、財物は部分と同じように言われる。
τό γὰρ μόριον οὐ μόνον ἄλλου ἐστὶ μόριον, ἀλλὰ καὶ ἁπλῶς ἄλλου·
なぜなら、部分は単に他のものの部分であるだけでなく、端的に他のものに属するからである。
ὁμοίως δὲ καὶ τὸ κτῆμα.
財物についても同様である。
διὸ ὁ μὲν δεσπότης τοῦ δούλου δεσπότης μόνον, ἐκείνου δʼ οὐκ ἔστιν·
それゆえ、主人は奴隷の主人であるにすぎず、奴隷に属するものではない。
ὁ δὲ δοῦλος οὐ μόνον δεσπότου δοῦλός ἐστιν, ἀλλὰ καὶ ὅλως ἐκείνου.
しかし奴隷は、単に主人の奴隷であるだけでなく、全面的に主人に属するものである。
τίς μὲν οὖν ἡ φύσις τοῦ δούλου καὶ τίς ἡ δύναμις, ἐκ τούτων δῆλον·
したがって、奴隷の自然本性がいかなるものであり、その能力がいかなるものであるかは、これらのことから明らかである。
ὁ γὰρ μὴ αὑτοῦ φύσει ἀλλʼ ἄλλου ἄνθρωπος ὤν, οὗτος φύσει δοῦλός ἐστιν, ἄλλου δʼ ἐστὶν ἄνθρωπος ὃς ἂν κτῆμα ᾖ ἄνθρωπος ὤν, κτῆμα δὲ ὄργανον πρακτικὸν καὶ χωριστόν.
すなわち、自然において自分自身のものではなく他の人のものであるような人間、この者が自然本性上の奴隷である。 そして、人間でありながら財物である者が他の人の人間であり、財物とは、分離可能な、行為のための道具である。
πότερον δʼ ἔστι τις φύσει τοιοῦτος ἢ οὔ, καὶ πότερον βέλτιον καὶ δίκαιόν τινι δουλεύειν ἢ οὔ, ἀλλὰ πᾶσα δουλεία παρὰ φύσιν ἐστί, μετὰ ταῦτα σκεπτέον.
では、自然においてそのような者が存在するのか否か、また、誰かにとって隷属することがより良くかつ正しいことなのか、それともそうではなく、あらゆる隷属は自然に反するものであるのか、これらについて次に考察せねばならない。
οὐ χαλεπὸν δὲ καὶ τῷ λόγῳ θεωρῆσαι καὶ ἐκ τῶν γινομένων καταμαθεῖν.
それは、理性によって考察することも、現に生じている事柄から学び知ることも困難ではない。
τὸ γὰρ ἄρχειν καὶ ἄρχεσθαι οὐ μόνον τῶν ἀναγκαίων ἀλλὰ καὶ τῶν συμφερόντων ἐστί, καὶ εὐθὺς ἐκ γενετῆς ἔνια διέστηκε τὰ μὲν ἐπὶ τὸ ἄρχεσθαι τὰ δʼ ἐπὶ τὸ ἄρχειν.
なぜなら、支配することと支配されることとは、不可避な事柄であるだけでなく、有益な事柄でもあり、生まれ落ちたそのときから直ちに、あるものは支配されるために、あるものは支配するために分かたれているからである。
καὶ εἴδη πολλὰ καὶ ἀρχόντων καὶ ἀρχομένων ἔστιν (καὶ ἀεὶ βελτίων ἡ ἀρχὴ ἡ τῶν βελτιόνων ἀρχομένων, οἷον ἀνθρώπου ἢ θηρίου·
そして、支配する側にも支配される側にも、多くの種類が存在する（そして、より優れた被支配者を支配する支配のほうが、常に、より優れた支配である。 例えば、獣に対する人間の支配がそうである。
τὸ γὰρ ἀποτελούμενον ὑπὸ τῶν βελτιόνων βέλτιον ἔργον·
なぜなら、より優れた者たちによって成し遂げられる仕事のほうが、より優れた仕事だからである。
ὅπου δὲ τὸ μὲν ἄρχει τὸ δʼ ἄρχεται, ἔστι τι τούτων ἔργον)·
一方が支配し、他方が支配されるところでは、それらの共同の仕事が存在するのである）。
ὅσα γὰρ ἐκ πλειόνων συνέστηκε καὶ γίνεται ἕν τι κοινόν, εἴτε ἐκ συνεχῶν εἴτε ἐκ διῃρημένων, ἐν ἅπασιν ἐμφαίνεται τὸ ἄρχον καὶ τὸ ἀρχόμενον, καὶ τοῦτο ἐκ τῆς ἁπάσης φύσεως ἐνυπάρχει τοῖς ἐμψύχοις·
なぜなら、複数のものから構成されて一つの共通のものを形成しているすべてにおいて、それが連続的なものであれ、あるいは分離したものであれ、支配するものと支配されるものがすべてのうちに見いだされるからである。 そしてこのことは、自然全体に由来して生命あるものどもに内在している。
καὶ γὰρ ἐν τοῖς μὴ μετέχουσι ζωῆς ἔστι τις ἀρχή, οἷον ἁρμονίας.
なぜなら、生命にあずからないものたちのうちにも、例えば和音のような、ある種の支配原理が存在するからである。
ἀλλὰ ταῦτα μὲν ἴσως ἐξωτερικωτέρας ἐστὶ σκέψεως·
しかし、これらは恐らく、より外的な考察に属することであろう。
τὸ δὲ ζῷον πρῶτον συνέστηκεν ἐκ ψυχῆς καὶ σώματος, ὧν τὸ μὲν ἄρχον ἐστὶ φύσει τὸ δʼ ἀρχόμενον.
他方、生物はまず魂と肉体から構成されており、これらのうち、一方が自然において支配するものであり、他方が支配されるものである。
δεῖ δὲ σκοπεῖν ἐν τοῖς κατὰ φύσιν ἔχουσι μᾶλλον τὸ φύσει, καὶ μὴ ἐν τοῖς διεφθαρμένοις·
しかし、自然にかなう状態にあるものにおいてこそ、自然のあり方を見るべきであり、損なわれたものにおいて見るべきではない。
διὸ καὶ τὸν βέλτιστα διακείμενον καὶ κατὰ σῶμα καὶ κατὰ ψυχὴν ἄνθρωπον θεωρητέον, ἐν ᾧ τοῦτο δῆλον·
それゆえ、肉体においても魂においても最善の状態にある人間を観察せねばならず、そのような人間において、このことは明らかである。