§20.108.1Ἀντίγονος δὲ προκεχειρισμένος ἀγῶνα μέγαν καὶ πανήγυριν ἐν Ἀντιγονίᾳ συντελεῖν πάντοθεν ἀθλητάς τε καὶ τεχνίτας τοὺς ἐπιφανεστάτους ἐπὶ μεγάλοις ἄθλοις καὶ μισθοῖς ἠθροίκει.
アンティゴノスは、アンティゴニアにおいて盛大な競技会と祭典を挙行することを予定しており、多大な賞品と報酬を提示して、あらゆる場所から最も著名な競技者や芸術家を集めていた。
ὡς δʼ ἤκουσε τὴν Λυσιμάχου διάβασιν καὶ τῶν στρατηγῶν τὴν ἀπόστασιν, τὸν μὲν ἀγῶνα διέλυσε, τοῖς δʼ ἀθληταῖς καὶ τοῖς τεχνίταις ἀπέδωκε μισθοὺς οὐκ ἐλάττους διακοσίων ταλάντων.
しかし、リュシマコスの（アジアへの）渡海と将軍たちの離反を聞くと、彼はその競技会を中止し、競技者や芸術家たちには二百タラントンを下回らない報酬を支払った。
§20.108.2αὐτὸς δὲ τὴν δύναμιν ἀναλαβὼν ὥρμησεν ἐκ τῆς Συρίας σύντομον τὴν πορείαν ποιούμενος ἐπὶ τοὺς πολεμίους.
自身は軍勢を引き連れて、敵に向けて強行軍を行いながらシリアを出発した。
εἰς δὲ Ταρσὸν τῆς Κιλικίας ἀφικόμενος ἐξ ὧν κατεκόμισε χρημάτων ἐκ τῶν Κουΐνδων τὸ στρατόπεδον εἰς τρεῖς μῆνας ἐμισθοδότησεν.
そしてキリキアのタルソスに到着すると、クインダから運び下ろした資金の中から、軍勢に三ヶ月分の給与を支払った。
§20.108.3χωρὶς δὲ τούτων τρισχίλια τάλαντα μετὰ τῆς δυνάμεως ἐκόμιζεν, ὅπως τοιαύτην ἔχῃ τὴν χορηγίαν, ὅταν αὐτῷ χρεία γένηται χρημάτων.
これらとは別に、彼は軍勢とともに三千タラントンを携行していた。 それは、資金が必要となった時に、このような備えを持おいておくためであった。
ἔπειτα τὸν Ταῦρον ὑπερβαλὼν προῆγεν ἐπὶ Καππαδοκίας καὶ τοὺς ἀφεστηκότας περὶ τὴν ἄνω Φρυγίαν καὶ Λυκαονίαν ἐπιπορευόμενος πάλιν εἰς τὴν προϋπάρχουσαν συμμαχίαν ἀποκατέστησεν.
その後、タウロス山脈を越えてカッパドキアへ進軍し、上フリュギアおよびリュカオニア周辺で離反していた者たちを巡回して、再び以前の同盟関係へと復帰させた。
§20.108.4καθʼ ὃν δὴ χρόνον οἱ περὶ τὸν Λυσίμαχον πυθόμενοι τὴν τῶν πολεμίων παρουσίαν συνήδρευον, βουλευόμενοι πῶς χρηστέον εἴη τοῖς ἐπιφερομένοις κινδύνοις.
まさにその時、リュシマコスの陣営は敵の到来を知り、会議を開いて、迫り来る危機にどのように対処すべきかを協議していた。
§20.108.5ἔδοξεν οὖν αὐτοῖς εἰς μὲν μάχην μὴ συγκαταβαίνειν, ἕως ἂν οἱ περὶ Σέλευκον ἐκ τῶν ἄνω σατραπειῶν καταβῶσι, τόπους δὲ ὀχυροὺς καταλαβέσθαι καὶ χάρακι καὶ τάφρῳ τὴν στρατοπεδείαν ἀσφαλισαμένους ὑπομένειν τῶν πολεμίων τὴν ἔφοδον.
そこで彼らは、セレウコスの一行が上方のサトラペイアから下って来るまでは決戦を交えず、堅固な場所を確保し、柵と堀で陣営を防御した上で敵の来襲を待ち受けることを決定した。
οὗτοι μὲν οὖν τὸ δοχθὲν αὐτοῖς ἐπετέλουν κατὰ σπουδήν.
それゆえ、彼らは決定したことを急いで実行に移した。
ὁ δʼ Ἀντίγονος ἐπεὶ πλησίον ἐγένετο τῶν πολεμίων, ἐκτάξας τὴν δύναμιν προεκαλεῖτο εἰς μάχην.
一方、アンティゴノスは敵の近くに達すると、軍勢を整列させて戦闘を挑んだ。
§20.108.6οὐδενὸς δʼ ἐπεξιέναι τολμῶντος αὐτὸς μὲν κατελάβετο τόπους τινάς, διʼ ὧν ἀναγκαῖον ἦν τὰς τροφὰς τοῖς ἐναντίοις παρακομίζεσθαι·
しかし、誰も打って出ようとしなかったため、彼は敵に食糧が輸送されるために通過せざるを得ないいくつかの場所を自ら占領した。
οἱ δὲ περὶ τὸν Λυσίμαχον φοβηθέντες μήποτε τῆς ἀγορᾶς ἀποκοπείσης ὑποχείριοι γένωνται τοῖς πολεμίοις, νυκτὸς ἀνέζευξαν καὶ διατείναντες σταδίους τετρακοσίους κατεστρατοπέδευσαν περὶ Δορύλαιον·
リュシマコスの陣営は、食糧供給が遮断されて敵の手中に落ちることを恐れ、夜間に撤退し、四百スタディオンの距離を移動してドリュライオンの周辺に陣を張った。
§20.108.7εἶχε γὰρ τὸ χωρίον σίτου τε καὶ τῆς ἄλλης χορηγίας πλῆθος καὶ ποταμὸν παραρρέοντα δυνάμενον ἀσφάλειαν παρέχεσθαι τοῖς παρʼ αὐτὸν στρατοπεδεύουσι.
というのも、その土地には穀物やその他の物資が豊富にあり、その傍らを流れる川が、その傍らに宿営する者たちに安全を提供することができたからである。
βαλόμενοι δὲ στρατοπεδείαν ὠχύρωσαν τὴν παρεμβολὴν βαθείᾳ τάφρῳ καὶ τριπλῷ χάρακι.
彼らは陣を構えると、深い堀と三重の柵でその陣地を補強した。