§20.108.1Ἀντίγονος δὲ προκεχειρισμένος ἀγῶνα μέγαν καὶ πανήγυριν ἐν Ἀντιγονίᾳ συντελεῖν πάντοθεν ἀθλητάς τε καὶ τεχνίτας τοὺς ἐπιφανεστάτους ἐπὶ μεγάλοις ἄθλοις καὶ μισθοῖς ἠθροίκει.
안티고노스는 안티고니아에서 성대한 경기회와 축제를 거행할 예정이었기에, 막대한 상금과 보수를 제시하여 사방에서 가장 저명한 경기자들과 예술가들을 모아두고 있었다.
ὡς δʼ ἤκουσε τὴν Λυσιμάχου διάβασιν καὶ τῶν στρατηγῶν τὴν ἀπόστασιν, τὸν μὲν ἀγῶνα διέλυσε, τοῖς δʼ ἀθληταῖς καὶ τοῖς τεχνίταις ἀπέδωκε μισθοὺς οὐκ ἐλάττους διακοσίων ταλάντων.
그러나 리시마코스의 도하와 장군들의 반란 소식을 듣자, 그는 경기회를 취소하고 경기자들과 예술가들에게 이백 탈란톤을 하회하지 않는 보수를 지급했다.
§20.108.2αὐτὸς δὲ τὴν δύναμιν ἀναλαβὼν ὥρμησεν ἐκ τῆς Συρίας σύντομον τὴν πορείαν ποιούμενος ἐπὶ τοὺς πολεμίους.
자신은 군대를 이끌고 적들을 향해 급히 행군하며 시리아에서 출발했다.
εἰς δὲ Ταρσὸν τῆς Κιλικίας ἀφικόμενος ἐξ ὧν κατεκόμισε χρημάτων ἐκ τῶν Κουΐνδων τὸ στρατόπεδον εἰς τρεῖς μῆνας ἐμισθοδότησεν.
그리고 킬리키아의 타르소스에 도착하여, 퀸다에서 실어 내온 자금 중에서 군대에 3개월 치 급료를 지급했다.
§20.108.3χωρὶς δὲ τούτων τρισχίλια τάλαντα μετὰ τῆς δυνάμεως ἐκόμιζεν, ὅπως τοιαύτην ἔχῃ τὴν χορηγίαν, ὅταν αὐτῷ χρεία γένηται χρημάτων.
이와는 별도로 그는 군대와 함께 삼천 탈란톤을 휴대하고 있었는데, 이는 자금이 필요해질 때 이러한 예비책을 갖추기 위함이었다.
ἔπειτα τὸν Ταῦρον ὑπερβαλὼν προῆγεν ἐπὶ Καππαδοκίας καὶ τοὺς ἀφεστηκότας περὶ τὴν ἄνω Φρυγίαν καὶ Λυκαονίαν ἐπιπορευόμενος πάλιν εἰς τὴν προϋπάρχουσαν συμμαχίαν ἀποκατέστησεν.
이윽고 타우로스 산맥을 넘어 카파도키아로 진격했으며, 상 프리기아와 리카오니아 주변에서 반기를 들었던 자들을 순찰하며 다시 이전의 동맹 관계로 복귀시켰다.
§20.108.4καθʼ ὃν δὴ χρόνον οἱ περὶ τὸν Λυσίμαχον πυθόμενοι τὴν τῶν πολεμίων παρουσίαν συνήδρευον, βουλευόμενοι πῶς χρηστέον εἴη τοῖς ἐπιφερομένοις κινδύνοις.
바로 그 무렵, 리시마코스의 진영은 적의 도래를 전해 듣고 회의를 소집하여, 닥쳐오는 위험에 어떻게 대처해야 할지를 논의하고 있었다.
§20.108.5ἔδοξεν οὖν αὐτοῖς εἰς μὲν μάχην μὴ συγκαταβαίνειν, ἕως ἂν οἱ περὶ Σέλευκον ἐκ τῶν ἄνω σατραπειῶν καταβῶσι, τόπους δὲ ὀχυροὺς καταλαβέσθαι καὶ χάρακι καὶ τάφρῳ τὴν στρατοπεδείαν ἀσφαλισαμένους ὑπομένειν τῶν πολεμίων τὴν ἔφοδον.
그리하여 그들은 셀레우코스의 군세가 상부 사트라페이아에서 내려올 때까지는 결전에 임하지 않고, 견고한 지형을 확보하여 목책과 참호로 진영을 안전하게 다진 뒤 적의 내습을 기다리기로 결정했다.
οὗτοι μὲν οὖν τὸ δοχθὲν αὐτοῖς ἐπετέλουν κατὰ σπουδήν.
따라서 이들은 자신들이 결정한 바를 신속히 실행에 옮겼다.
ὁ δʼ Ἀντίγονος ἐπεὶ πλησίον ἐγένετο τῶν πολεμίων, ἐκτάξας τὴν δύναμιν προεκαλεῖτο εἰς μάχην.
한편 안티고노스는 적진 근처에 도달하자 군대를 정렬하고 전투를 도발했다.
§20.108.6οὐδενὸς δʼ ἐπεξιέναι τολμῶντος αὐτὸς μὲν κατελάβετο τόπους τινάς, διʼ ὧν ἀναγκαῖον ἦν τὰς τροφὰς τοῖς ἐναντίοις παρακομίζεσθαι·
그러나 아무도 맞아싸우려 나서지 않자, 그는 적들에게 식량이 수송되기 위해 반드시 통과해야 하는 몇몇 요지를 직접 점령했다.
οἱ δὲ περὶ τὸν Λυσίμαχον φοβηθέντες μήποτε τῆς ἀγορᾶς ἀποκοπείσης ὑποχείριοι γένωνται τοῖς πολεμίοις, νυκτὸς ἀνέζευξαν καὶ διατείναντες σταδίους τετρακοσίους κατεστρατοπέδευσαν περὶ Δορύλαιον·
리시마코스 일행은 식량 공급로가 차단되어 적의 손아귀에 떨어질 것을 두려워하여 밤중에 철수했고, 사백 스타디온을 이동하여 도릴라이온 부근에 진을 쳤다.
§20.108.7εἶχε γὰρ τὸ χωρίον σίτου τε καὶ τῆς ἄλλης χορηγίας πλῆθος καὶ ποταμὸν παραρρέοντα δυνάμενον ἀσφάλειαν παρέχεσθαι τοῖς παρʼ αὐτὸν στρατοπεδεύουσι.
그 지역에는 곡물 과 기타 물자가 풍부하게 있었고, 그 곁을 흐르는 강이 그 주위에 주둔하는 이들에게 안전을 제공할 수 있었기 때문이다.
βαλόμενοι δὲ στρατοπεδείαν ὠχύρωσαν τὴν παρεμβολὴν βαθείᾳ τάφρῳ καὶ τριπλῷ χάρακι.
그들은 진영을 구축하고 깊은 참호와 삼중 목책으로 진지를 견고히 요새화했다.