§18.55.1ἅμα δὲ τούτοις πραττομένοις κατὰ μὲν τὴν Μακεδονίαν Πολυπέρχων ὁ τῶν βασιλέων ἐπιμελητὴς μετὰ τὴν ἀπαλλαγὴν τοῦ Κασάνδρου προεώρα μὲν τὸ μέγεθος τοῦ πρὸς Κάσανδρον ἐσομένου πολέμου, οὐδὲν δʼ ἄνευ τῆς τῶν φίλων γνώμης κρίνων πράττειν συνήγαγε τούς τε ἡγεμόνας ἅπαντας καὶ τῶν ἄλλων Μακεδόνων τοὺς ἀξιολογωτάτους.
これらがアジアで行われている間に、マケドニアにおいては、カサンドロスの逃亡の後、諸王の摂政であるポリペルコンが、カサンドロスに対して起こるであろう戦争の大きさを予見していたが、友たちの同意なしには何事も行うべきではないと判断し、すべての指揮官たち、および他のマケドニア人のうち最も有力な者たちを招集した。
§18.55.2φανεροῦ δʼ ὄντος ὅτι Κάσανδρος μὲν σωματοποιηθεὶς ὑπʼ Ἀντιγόνου τῶν κατὰ τὴν Ἑλλάδα πόλεων ἀνθέξεται διὰ τὸ τὰς μὲν αὐτῶν πατρικαῖς φρουραῖς φυλάττεσθαι, τὰς δʼ ὑπʼ ὀλιγαρχιῶν διοικεῖσθαι, κυριευομένας ὑπὸ τῶν Ἀντιπάτρου φίλων καὶ ξένων, πρὸς δὲ τούτοις συμμαχήσειν τῷ Κασάνδρῳ Πτολεμαῖόν τε τὸν Αἰγύπτου κρατοῦντα καὶ Ἀντίγονον τὸν φανερῶς ἤδη γενόμενον ἀποστάτην τῶν βασιλέων, ἀμφοτέρους δὲ καὶ δυνάμεις μεγάλας καὶ χρημάτων ἔχειν πλῆθος, ἔτι δὲ πολλῶν ἐθνῶν καὶ πόλεων ἀξιολόγων κυριεύειν — προτεθείσης οὖν βουλῆς πῶς τούτοις πολεμητέον ἐστὶ καὶ πολλῶν καὶ ποικίλων λόγων περὶ τοῦ πολέμου ῥηθέντων ἔδοξεν αὐτοῖς τὰς μὲν κατὰ τὴν Ἑλλάδα πόλεις ἐλευθεροῦν, τὰς δʼ ἐν αὐταῖς ὀλιγαρχίας καθεσταμένας ὑπʼ Ἀντιπάτρου καταλύειν·
そして、カサンドロスがアンティゴノスによって軍事力を強化され、ギリシアの諸都市を掌握しようとするだろうということは明らかであった。 なぜなら、それらの都市の幾つかは父の守備隊によって守られており、他の都市はアンティパトロスの友や賓客たちによって支配される寡頭制の下で管理されていたからである。 さらにこれらに加えて、エジプトを支配するプトレマイオスと、すでに公然と諸王に対する反逆者となっているアンティゴノスがカサンドロスと同盟するであろうこと、そして両者が強大な軍隊と多額の資金を有し、さらに多くの重要な民族や都市を支配していることも明らかであった。 そこで、いかにして彼らと戦うべきかという諮問が提出され、戦争について多くの様々な意見が述べられた後、ギリシアの諸都市を解放し、それらの都市においてアンティパトロスによって樹立された寡頭制を打破することが彼らに決定された。
§18.55.3οὕτως γὰρ ἂν μάλιστα τὸν μὲν Κάσανδρον ταπεινώσειν, ἑαυτοῖς δὲ μεγάλην δόξαν καὶ πολλὰς συμμαχίας ἀξιολόγους περιποιήσειν.
なぜなら、このようにしてこそ、カサンドロスを最も弱体化させ、自分たちには大いなる名声と多くの重要な同盟関係をもたらすことができると考えられたからである。
§18.55.4εὐθὺς οὖν τοὺς ἀπὸ τῶν πόλεων παρόντας πρεσβευτὰς προσκαλεσάμενοι καὶ θαρρεῖν παρακαλέσαντες ἐπηγγείλαντο τὰς δημοκρατίας ἀποκαταστήσειν ταῖς πόλεσι καὶ τὸ κυρωθὲν δόγμα γράψαντες ἔδωκαν τοῖς πρεσβευταῖς, ὅπως κατὰ τάχος εἰς τὰς πατρίδας ἐπανελθόντες ἀπαγγείλωσι τοῖς δήμοις τὴν τῶν βασιλέων καὶ τῶν ἡγεμόνων εἰς τοὺς Ἕλληνας εὔνοιαν.
それゆえ、ただちに諸都市から来ていた使節たちを呼び寄せ、安心するようにと励ました上で、諸都市に民主制を復活させることを約束した。 そして、承認された布告を文書に書き記して使節たちに与え、彼らが速やかに故郷へ戻って、民衆に対してギリシア人に対する諸王と指導者たちの好意を報告できるようにした。
ἦν δὲ τὸ διάγραμμα τοιοῦτον.
その布告は以下のようなものであった。