§18.55.1ἅμα δὲ τούτοις πραττομένοις κατὰ μὲν τὴν Μακεδονίαν Πολυπέρχων ὁ τῶν βασιλέων ἐπιμελητὴς μετὰ τὴν ἀπαλλαγὴν τοῦ Κασάνδρου προεώρα μὲν τὸ μέγεθος τοῦ πρὸς Κάσανδρον ἐσομένου πολέμου, οὐδὲν δʼ ἄνευ τῆς τῶν φίλων γνώμης κρίνων πράττειν συνήγαγε τούς τε ἡγεμόνας ἅπαντας καὶ τῶν ἄλλων Μακεδόνων τοὺς ἀξιολογωτάτους.
이 일들이 진행되는 동안, 마케도니아에서는 왕들의 후견인인 폴리페르콘이 카산드로스의 도망 이후 그와 치러야 할 전쟁의 규모를 예견하고 있었으나, 동지들의 의견 없이는 아무것도 결정하지 않기로 판단하여 모든 지휘관들과 다른 마케도니아인들 중 가장 유력한 자들을 소집했다.
§18.55.2φανεροῦ δʼ ὄντος ὅτι Κάσανδρος μὲν σωματοποιηθεὶς ὑπʼ Ἀντιγόνου τῶν κατὰ τὴν Ἑλλάδα πόλεων ἀνθέξεται διὰ τὸ τὰς μὲν αὐτῶν πατρικαῖς φρουραῖς φυλάττεσθαι, τὰς δʼ ὑπʼ ὀλιγαρχιῶν διοικεῖσθαι, κυριευομένας ὑπὸ τῶν Ἀντιπάτρου φίλων καὶ ξένων, πρὸς δὲ τούτοις συμμαχήσειν τῷ Κασάνδρῳ Πτολεμαῖόν τε τὸν Αἰγύπτου κρατοῦντα καὶ Ἀντίγονον τὸν φανερῶς ἤδη γενόμενον ἀποστάτην τῶν βασιλέων, ἀμφοτέρους δὲ καὶ δυνάμεις μεγάλας καὶ χρημάτων ἔχειν πλῆθος, ἔτι δὲ πολλῶν ἐθνῶν καὶ πόλεων ἀξιολόγων κυριεύειν — προτεθείσης οὖν βουλῆς πῶς τούτοις πολεμητέον ἐστὶ καὶ πολλῶν καὶ ποικίλων λόγων περὶ τοῦ πολέμου ῥηθέντων ἔδοξεν αὐτοῖς τὰς μὲν κατὰ τὴν Ἑλλάδα πόλεις ἐλευθεροῦν, τὰς δʼ ἐν αὐταῖς ὀλιγαρχίας καθεσταμένας ὑπʼ Ἀντιπάτρου καταλύειν·
그리고 카산드로스가 안티고노스로부터 군사적 지원을 받아 세력을 얻어 그리스의 도시들을 장악하려 할 것임이 명백했다. 왜냐하면 그 도시들 중 일부는 그의 아버지의 수비대에 의해 지켜지고 있었고, 다른 도시들은 안티파트로스의 동지들과 식객들에 의해 통제되는 과두정에 의해 통치되고 있었기 때문이다. 게다가 이들에 더하여, 이집트를 지배하는 프톨레마이오스와 이미 공개적으로 왕들에 대한 반역자가 된 안티고노스가 카산드로스와 동맹할 것이며, 두 사람 모두 강력한 군대와 막대한 자금을 가지고 있을 뿐만 아니라 많은 중요한 민족들과 도시들을 지배하고 있다는 점도 명백했다. 그리하여 이들과 어떻게 전쟁을 치러야 할지에 대한 자문이 제출되고 전쟁에 관한 많고 다양한 의견들이 개진된 후, 그리스의 도시들을 해방하고 그 도시들에 안티파트로스에 의해 수립된 과두정을 타파하기로 그들은 결정했다.
§18.55.3οὕτως γὰρ ἂν μάλιστα τὸν μὲν Κάσανδρον ταπεινώσειν, ἑαυτοῖς δὲ μεγάλην δόξαν καὶ πολλὰς συμμαχίας ἀξιολόγους περιποιήσειν.
왜냐하면 이렇게 해야만 카산드로스를 가장 약화시키고, 자신들에게는 큰 명성과 많은 중요한 동맹을 안겨줄 수 있다고 판단했기 때문이다.
§18.55.4εὐθὺς οὖν τοὺς ἀπὸ τῶν πόλεων παρόντας πρεσβευτὰς προσκαλεσάμενοι καὶ θαρρεῖν παρακαλέσαντες ἐπηγγείλαντο τὰς δημοκρατίας ἀποκαταστήσειν ταῖς πόλεσι καὶ τὸ κυρωθὲν δόγμα γράψαντες ἔδωκαν τοῖς πρεσβευταῖς, ὅπως κατὰ τάχος εἰς τὰς πατρίδας ἐπανελθόντες ἀπαγγείλωσι τοῖς δήμοις τὴν τῶν βασιλέων καὶ τῶν ἡγεμόνων εἰς τοὺς Ἕλληνας εὔνοιαν.
그리하여 그들은 즉시 각 도시에서 온 사절들을 불러 모아 안심하라고 격려한 뒤, 도시들에 민주정을 회복시켜 줄 것을 약속했다. 그리고 승인된 법령을 문서로 작성하여 사절들에게 주었으니, 이는 그들이 신속히 고국으로 돌아가 민중에게 그리스인들에 대한 왕들과 지휘관들의 호의를 전할 수 있도록 하기 위함이었다.
ἦν δὲ τὸ διάγραμμα τοιοῦτον.
그 법령은 다음과 같았다.