§18.23.1μετὰ δὲ τὴν ἀπώλειαν τῶν πόλεων ἧκον δύο γυναῖκες εἰς συνοικισμὸν τῷ Περδίκκᾳ, Νίκαιά τε ἡ Ἀντιπάτρου θυγάτηρ, ἣν αὐτὸς ὁ Περδίκκας ἦν μεμνηστευκώς, καὶ Κλεοπάτρα ἡ Ἀλεξάνδρου μὲν ἀδελφὴ γνησία, θυγάτηρ δὲ Φιλίππου τοῦ Ἀμύντου.
これらの都市の破滅の後、ペルディッカスとの結婚のために二人の女性がやって来た。 すなわち、アンティパトロスの娘ニカイアであって、彼女はペルディッカス自身がかつて婚約していた相手であった。 そして、アレクサンドロスの同母妹であり、アミュンタスの子フィリッポスの娘であるクレオパトラである。
§18.23.2ὁ δὲ Περδίκκας πρότερον μὲν ἦν κεκρικὼς κοινοπραγίαν Ἀντιπάτρῳ καὶ διὰ τοῦτο τὴν μνηστείαν ἐπεποίητο, μήπω τῶν κατʼ αὐτὸν πραγμάτων βεβαίως ἐστερεωμένων·
ペルディッカスは以前、アンティパトロスとの協調を決意しており、そのために、自らの地位がまだ確固として確立されていなかった段階で婚約を交わしていたのである。
ὡς δὲ παρέλαβε τάς τε βασιλικὰς δυνάμεις καὶ τὴν τῶν βασιλέων προστασίαν, μετέπεσε τοῖς λογισμοῖς.
しかし、王軍と王たちの後見を引き受けると、彼は考えを一変させた。
§18.23.3ὀρεγόμενος γὰρ βασιλείας ἔσπευδε τὴν Κλεοπάτραν γῆμαι, νομίζων διὰ ταύτης προτρέψεσθαι τοὺς Μακεδόνας συγκατάσκευάζειν αὐτῷ τὴν τῶν ὅλων ἐξουσίαν.
というのも、彼は王位を熱望し、クレオパトラと結婚することに努めたからである。 彼女を通じて、マケドニア人たちを促し、自分に全体の支配権を確立させる手助けをさせることができると考えたのである。
οὔπω δὲ βουλόμενος ἀποκαλύψασθαι πρὸς τὴν ἐπιβολὴν κατὰ μὲν τὸ παρὸν ἦγε τὴν Νίκαιαν, ὅπως μὴ τὸν Ἀντίπατρον ἀλλότριον ἔχῃ ταῖς ἰδίαις ἐπιβολαῖς·
しかし、その計画をまだ明らかにしたくなかったため、当面はニカイアを妻として迎えた。 これは、彼自身の計画に対してアンティパトロスを敵に回さないようにするためであった。
μετὰ δὲ ταῦτα Ἀντιγόνου τὴν προαίρεσιν αὐτοῦ κατανοήσαντος καὶ φιλίαν ἔχοντος πρὸς Ἀντίπατρον, ἔτι δὲ ὄντος τοῦ ἀνδρὸς τούτου πρακτικωτάτου τῶν ἡγεμόνων ἔκρινεν αὐτὸν ἐκποδῶν ποιήσασθαι.
こののち、アンティゴノスが彼の意図を見抜き、かつアンティパトロスと友好関係にあり、さらにこの男が諸将の中で最も実行力のある人物であったため、ペルディッカスは彼を亡き者にすることを決意した。
ἐπιβαλὼν οὖν αὐτῷ διαβολὰς ψευδεῖς καὶ κατηγορίας ἀδίκους φανερὸς ἦν ἀναιρήσων αὐτόν ὁ δʼ Ἀντίγονος συνέσει καὶ τόλμῃ διαφέρων φανερῶς μὲν ἀπεφαίνετο βούλεσθαι περὶ τῶν ἐγκαλουμένων ἀπολογήσασθαι, λάθρᾳ δὲ παρασκευασάμενος τὰ πρὸς τὸν δρασμὸν ἔλαθε μετὰ τῶν ἰδίων φίλων καὶ τοῦ υἱοῦ Δημητρίου νυκτὸς εἰσβὰς εἰς τὰς Ἀττικὰς ναῦς.
そこで、彼に対して虚偽の中傷と不当な告発を浴びせ、彼を抹殺しようとしていることが明らかであった。 しかし、知性と大胆さにおいて傑出していたアンティゴノスは、表向きには、告発された事柄について弁明したいという意志を示しつつも、裏では逃亡の準備を整え、自身の友人たちや息子のデメトリオスとともに、夜間に密かにアッティカの船に乗り込むことで、気づかれずに逃れた。
ἐν δὲ ταύταις κομισθεὶς εἰς τὴν Εὐρώπην προῆγε συμμίξων Ἀντιπάτρῳ.
そして、これらの船でヨーロッパへと運ばれ、アンティパトロスと合流するために進んだ。