§18.12.1Ἀντίπατρος δʼ ἀπολελειμμένος ὑπʼ Ἀλεξάνδρου στρατηγὸς τῆς Εὐρώπης ὡς ἐπύθετο τήν τε τοῦ βασιλέως ἐν Βαβυλῶνι τελευτὴν τήν τε τῶν σατραπειῶν διαίρεσιν, πρὸς μὲν Κρατερὸν εἰς Κιλικίαν διεπέμπετο παρακαλῶν τὴν ταχίστην βοηθῆσαι ʽοὗτος γὰρ προαπεσταλμένος εἰς Κιλικίαν ἤμελλε κατάγειν εἰς Μακεδονίαν τοὺς ἀπολελυμένους τῆς στρατείας Μακεδόνας, ὄντας ὑπὲρ τοὺς μυρίουσʼ, πρὸς δὲ Φιλώταν τὸν εἰληφότα σατραπείαν τὴν ἐφʼ Ἑλλησπόντῳ Φρυγίαν, ὁμοίως ἀξιῶν καὶ τοῦτον βοηθῆσαι καὶ μίαν τῶν ἑαυτοῦ θυγατέρων συνοικιεῖν ἐπαγγελλόμενος.
アレクサンドロスによってヨーロッパの将軍として残されていたアンティパトロスは、バビロンにおける王の死と、サトラペイアの分割について知ると、キリキアにいるクラテロスのもとへ使者を送り、一刻も早く援助に来るよう求めた（というのも、この者はあらかじめキリキアに派遣されており、軍務を解かれた一万人を超えるマケドニア兵たちをマケドニアへと連れ帰ることになっていたからである）。 他方、ヘレスポントスに臨むフリュギアのサトラペイアを受け取っていたフィロタスのもとへも、同様に彼にも援助することを求め、自らの娘の一人を妻として与えることを約束した。
§18.12.2πυθόμενος δὲ τὴν ὑπὸ τῶν Ἑλλήνων συνδρομὴν ἐπʼ αὐτὸν γεγενημένην, τῆς μὲν Μακεδονίας ἀπέλιπε στρατηγὸν Σίππαν, δοὺς στρατιώτας τοὺς ἱκανοὺς καὶ παραγγείλας στρατολογεῖν ὡς πλείστους·
ギリシア人たちによる自分に対する結集が起こったことを知ると、彼はマケドニアの将軍としてシッパスを残し、十分な兵力を与え、できるだけ多くの兵を募るよう命じた。
αὐτὸς δʼ ἀναλαβὼν Μακεδόνας μὲν μυρίους καὶ τρισχιλίους, ἱππεῖς δὲ ἑξακοσίους ʽἐσπάνιζε γὰρ ἡ Μακεδονία στρατιωτῶν πολιτικῶν διὰ τὸ πλῆθος τῶν ἀπεσταλμένων εἰς τὴν Ἀσίαν ἐπὶ διαδοχὴν τῆς στρατείασʼ ἀνέζευξεν ἐκ τῆς Μακεδονίας εἰς Θετταλίαν, συμπαραπλέοντος αὐτῷ τοῦ στόλου παντός, ὃν ἀπεσταλκὼς ἦν Ἀλέξανδρος παραπέμψοντα πλῆθος χρημάτων ἐκ τῶν βασιλικῶν θησαυρῶν εἰς τὴν Μακεδονίαν, οὐσῶν τῶν πασῶν τριήρων ἑκατὸν καὶ δέκα.
自らは、マケドニア人の歩兵一万三千人と、騎兵六百人を率いて（というのも、マケドニアは、遠征の交代要員としてアジアへと派遣された者の多さゆえに、市民兵を欠いていたからである）、マケドニアからテッサリアへと出発した。 その際、アレクサンドロスが王の財宝から多額の資金をマケドニアへ護送するために派遣していた全艦隊が、彼と並行して航行していた。 その艦隊は、全部で百十隻の三段橈船からなっていた。
§18.12.3οἱ δὲ Θετταλοὶ τὸ μὲν πρῶτον συμμαχοῦντες τῷ Ἀντιπάτρῳ πολλοὺς καὶ ἀγαθοὺς ἱππεῖς ἐξέπεμψαν αὐτῷ·
テッサリア人は、最初はアンティパトロスと同盟を結んでおり、彼のために多くの優秀な騎兵を派遣した。
ὕστερον δʼ ὑπὸ τῶν Ἀθηναίων μεταπεισθέντες ἀφίππευσαν πρὸς Λεωσθένην καὶ μετὰ τῶν Ἀθηναίων ταχθέντες διεπολέμουν ὑπὲρ τῆς τῶν Ἑλλήνων ἐλευθερίας.
しかし後になって、アテナイ人たちに説得されて、アンティパトロスのもとを去ってレオステネスのもとへと馳せ参じ、アテナイ人と共に陣を敷いて、ギリシア人の自由のために戦い抜いた。
§18.12.4μεγάλης δὲ δυνάμεως ταύτης τοῖς Ἀθηναίοις προσγεγενημένης οἱ μὲν Ἕλληνες ἐκράτουν πολὺ τῶν Μακεδόνων ὑπερέχοντες, ὁ δὲ Ἀντίπατρος μάχῃ λειφθεὶς καὶ τὸ λοιπὸν οὔτε παρατάξασθαι τολμῶν οὔτʼ εἰς τὴν Μακεδονίαν ἐπανελθεῖν ἀσφαλῶς δυνάμενος κατέφυγεν εἰς πόλιν Λάμιαν.
この強大な軍勢がアテナイ人に加わったことで、ギリシア人たちは大いに優勢となり、マケドニア人を圧倒した。 一方、アンティパトロスは戦闘に敗れ、その後は対陣する勇気もなく、安全にマケドニアに帰還することもできなかったため、ラミアの町に逃げ込んだ。
ἐν ταύτῃ δὲ τὴν δύναμιν συνέχων καὶ τὰ τείχη κατασκευάζων, ἔτι δὲ παρασκευὰς ὅπλων καὶ καταπελτῶν καὶ σίτου ποιούμενος ἐκαραδόκει τοὺς ἀπὸ τῆς Ἀσίας συμμάχους.
そしてこの町において、彼は軍勢を維持しつつ、城壁を補強し、さらに武器やカタパルトや食糧の準備を進めながら、アジアからの同盟軍を待ち望んでいた。