§5.19.1ἐπεὶ δὲ περὶ τῶν ἐντὸς Ἡρακλείων στηλῶν κειμένων νήσων διεληλύθαμεν, περὶ τῶν κατὰ τὸν ὠκεανὸν οὐσῶν διέξιμεν.
ヘラクレスの柱の内側に位置する島々についての説明を終えたので、今度は大洋の中にある島々について論じることにしよう。
κατὰ γὰρ τὴν Λιβύην κεῖται πελαγία νῆσος ἀξιόλογος μὲν τῷ μεγέθει, κειμένη δὲ κατὰ τὸν ὠκεανὸν ἀπέχει πλοῦν ἀπὸ τῆς Λιβύης ἡμερῶν πλειόνων, κεκλιμένη πρὸς τὴν δύσιν.
リビアの沖合には、大きさが注目に値する外洋の島が横たわっており、大洋の中に位置し、リビアからは数日間の航路の距離にあり、西に傾いている。
ἔχει δὲ χώραν καρποφόρον, πολλὴν μὲν ὀρεινήν, οὐκ ὀλίγην δὲ πεδιάδα κάλλει διαφέρουσαν.
この島は肥沃な土地を持っており、その大部分は山地であるが、少なくない平原もあり、それは美しさにおいて傑出している。
§5.19.2διαρρεομένη γὰρ ποταμοῖς πλωτοῖς ἐκ τούτων ἀρδεύεται, καὶ πολλοὺς μὲν ἔχει παραδείσους καταφύτους παντοίοις δένδρεσι, παμπληθεῖς δὲ κηπείας διειλημμένας ὕδασι γλυκέσιν·
なぜなら、島には航行可能な川が流れ、それらの川によって潤されており、あらゆる種類の樹木が植えられた多くの庭園や、真水によって区切られた非常に多くの菜園があるからである。
ἐπαύλεις τε πολυτελεῖς ταῖς κατασκευαῖς ὑπάρχουσιν ἐν αὐτῇ καὶ κατὰ τὰς κηπείας κατεσκευασμένα κωθωνιστήρια τὴν διάθεσιν ἀνθηρὰν ἔχοντα, ἐν οἷς οἱ κατοικοῦντες κατὰ τὴν θερινὴν ὥραν ἐνδιατρίβουσι, δαψιλῶς τῆς χώρας χορηγούσης τὰ πρὸς τὴν ἀπόλαυσιν καὶ τρυφήν.
また、豪華な造りの別荘が島に存在し、菜園のそばには、華麗な配置を持つ宴会場が築かれており、そこに住む人々は夏の季節にそこで時を過ごす。 土地が享楽と贅沢のためのものを豊かに供給してくれるからである。
§5.19.3ἥ τε ὀρεινὴ δρυμοὺς ἔχει πυκνοὺς καὶ μεγάλους καὶ δένδρα παντοδαπὰ καρποφόρα καὶ πρὸς τὰς ἐν τοῖς ὄρεσι διαίτας ἔχοντα συναγκείας καὶ πηγὰς πολλάς.
また山地には、うっそうとした大きな森や、あらゆる種類の果樹があり、山での滞在に適した、多くの谷間や多くの泉がある。
καθόλου δʼ ἡ νῆσος αὕτη κατάρρυτός ἐστι ναματιαίοις καὶ γλυκέσιν ὕδασι, διʼ ὧν οὐ μόνον ἀπόλαυσις ἐπιτερπὴς γίνεται τοῖς ἐμβιοῦσιν ἐν αὐτῇ, ἀλλὰ καὶ πρὸς ὑγίειαν σωμάτων καὶ ῥώμην συμβάλλεται.
総じて、この島は流れ落ちる真水が豊富であり、これらによって、そこに暮らす人々にとって楽しい享受がもたらされるだけでなく、身体の健康と強健さにも寄与している。
§5.19.4κυνήγιά τε δαψιλῆ παντοίων ζῴων καὶ θηρίων ὑπάρχει, καὶ τούτων ἐν ταῖς εὐωχίαις εὐποροῦντες οὐδὲν ἐλλιπὲς ἔχουσι τῶν πρὸς τρυφὴν καὶ πολυτέλειαν ἀνηκόντων·
あらゆる種類の動物や野獣の獲物も豊富に存在し、祝宴においてこれらに恵まれているため、彼らは贅沢と豪奢に属するものに何一つ事欠くことがない。
καὶ γὰρ ἰχθύων ἔχει πλῆθος ἡ προσκλύζουσα τῇ νήσῳ θάλαττα διὰ τὸ φύσει τὸν ὠκεανὸν πανταχῇ πλήθειν παντοδαπῶν ἰχθύων.
というのも、島に打ち寄せる海は魚が豊富だからである。 それは、大洋がその性質上、いたるところであらゆる種類の魚に満ちているからである。
§5.19.5καθόλου δʼ ἡ νῆσος αὕτη τὸν περικείμενον ἀέρα παντελῶς εὔκρατον ἔχουσα τὸ πλέον μέρος τοῦ ἐνιαυτοῦ φέρει πλῆθος ἀκροδρύων καὶ τῶν ἄλλων τῶν ὡραίων, ὥστε δοκεῖν αὐτὴν ὡσεὶ θεῶν τινων, οὐκ ἀνθρώπων ὑπάρχειν ἐμβιωτήριον διὰ τὴν ὑπερβολὴν τῆς εὐδαιμονίας.
総じて、この島は周囲の空気が完全に温和であるため、一年の大半において多くの果実やその他の季節の恵みをもたらし、その恵みの並外れた豊かさゆえに、そこは人間ではなく、まるで神々の住処であるかのように思われるほどである。