§5.13.1τῆς γὰρ Τυρρηνίας κατὰ τὴν ὀνομαζομένην πόλιν Ποπλώνιον νῆσός ἐστιν, ἣν ὀνομάζουσιν Αἰθάλειαν.
ティレニアの、ポプロニオンと呼ばれる都市の近くに、アイタレイアと人々が呼ぶ島がある。
αὕτη δὲ τῆς παραλίας ἀπέχουσα σταδίους ὡς ἑκατὸν τὴν μὲν προσηγορίαν εἴληφεν ἀπὸ τοῦ πλήθους τοῦ κατʼ αὐτὴν αἰθάλου.
この島は、海岸から約百スタディオン離れており、そこから立ち上る大量の煤に由来してその名称を得た。
πέτραν γὰρ ἔχει πολλὴν σιδηρῖτιν, ἣν τέμνουσιν ἐπὶ τὴν χωνείαν καὶ κατασκευὴν τοῦ σιδήρου, πολλὴν ἔχοντες τοῦ μετάλλου δαψίλειαν.
というのも、この島には多くの鉄鉱石があり、人々は鉄の溶融と製造のためにそれを切り出しており、その鉱石を非常に豊富に持っているからである。
οἱ γὰρ ταῖς ἐργασίαις προσεδρεύοντες κόπτουσι τὴν πέτραν καὶ τοὺς τμηθέντας λίθους κάουσιν ἔν τισι φιλοτέχνοις καμίνοις·
なぜなら、その作業に従事する者たちは、岩石を砕き、切り出された石をいくつかの巧みに作られた炉で焼くからである。
ἐν δὲ ταύταις τῷ πλήθει τοῦ πυρὸς τήκοντες τοὺς λίθους καταμερίζουσιν εἰς μεγέθη σύμμετρα, παραπλήσια ταῖς ἰδέαις μεγάλοις σπόγγοις.
そしてこれらの炉の中で、火の勢いによって石を溶かし、適度な大きさに分割するが、それはその外観において大きな海綿に似ている。
§5.13.2ταῦτα συναγοράζοντες ἔμποροι καὶ μεταβαλλόμενοι κομίζουσιν εἴς τε Δικαιάρχειαν καὶ εἰς τἄλλα ἐμπόρια.
商人たちはこれらを買い集め、転売してディカイアルケイアや他の交易港へと運ぶ。
ταῦτα δὲ τὰ φορτία τινὲς ὠνούμενοι καὶ τεχνιτῶν χαλκέων πλῆθος ἀθροίζοντες κατεργάζονται, καὶ ποιοῦσι σιδήρου πλάσματα παντοδαπὰ.
ある人々がこれらの貨物を買い取り、多数の鍛冶職人を集めて加工し、あらゆる種類の鉄製品を作り出す。
τούτων δὲ τὰ μὲν εἰς ὅπλων τύπους χαλκεύουσι, τὰ δὲ πρὸς δικελλῶν καὶ δρεπάνων καὶ τῶν ἄλλων ἐργαλείων εὐθέτους τύπους φιλοτεχνοῦσιν·
彼らはこれらの一方について、武器の形に鍛え、他方については、つるはしや大鎌、その他の道具に都合の良い形に巧みに加工する。
ὧν κομιζομένων ὑπὸ τῶν ἐμπόρων εἰς πάντα τόπον πολλὰ μέρη τῆς οἰκουμένης μεταλαμβάνει τῆς ἐκ τούτων εὐχρηστίας.
これらが商人たちによってあらゆる場所に運ばれることで、人が住む世界の多くの地域が、これらから生じる利便性を享受している。
§5.13.3μετὰ δὲ τὴν Αἰθάλειαν νῆσός ἐστιν ἀπέχουσα μὲν ταύτης ὡς τριακοσίους σταδίους, ὀνομάζεται δὲ ὑπὸ μὲν τῶν Ἑλλήνων Κύρνος, ὑπὸ δὲ τῶν Ῥωμαίων καὶ τῶν ἐγχωρίων Κόρσικα.
アイタレイアの次には、そこから約三百スタディオン離れた島があり、ギリシア人からはキュルノスと呼ばれ、ローマ人や現地の住民からはコルシカと呼ばれている。
αὕτη δʼ ἡ νῆσος εὐπροσόρμιστος οὖσα κάλλιστον ἔχει λιμένα τὸν ὀνομαζόμενον Συρακόσιον.
この島は船が近づきやすく、シュラコシオスと呼ばれるきわめて美しい港を持っている。
ὑπάρχουσι δʼ ἐν αὐτῇ καὶ πόλεις ἀξιόλογοι δύο, καὶ τούτων ἡ μὲν Κάλαρις, ἡ δὲ Νίκαια προσαγορεύεται.
島には注目べき二つの都市も存在しており、その一方はカラリス、他方はニカイアと呼ばれている。
§5.13.4τούτων δὲ τὴν μὲν Κάλαριν Φωκαεῖς ἔκτισαν, καὶ χρόνον τινὰ κατοικήσαντες ὑπὸ Τυρρηνῶν ἐξεβλήθησαν ἐκ τῆς νήσου.
これらのうち、カラリスはフォカイア人が創建したが、しばらくの間居住したのち、ティレニア人によって島から追い出された。
τὴν δὲ Νίκαιαν ἔκτισαν Τυρρηνοὶ θαλαττοκρατοῦντες καὶ τὰς κατὰ τὴν Τυρρηνίαν κειμένας νήσους ἰδιοποιούμενοι.
一方、ニカイアは、制海権を握り、ティレニア近海に位置する島々を自らの支配下に置いていたティレニア人が創建した。
ἐπὶ δέ τινας χρόνους τῶν ἐν τῇ Κύρνῳ πόλεων κυριεύοντες ἐλάμβανον παρὰ τῶν ἐγχωρίων φόρους ῥητίνην καὶ κηρὸν καὶ μέλι, φυομένων τούτων δαψιλῶν ἐν τῇ νήσῳ.
彼らはしばらくの間、キュルノスの諸都市を支配し、現地の住民から貢納として松脂、蜜蝋、蜂蜜を受け取っていた。 これらは島で豊富に産出されるからである。
§5.13.5τὰ δʼ ἀνδράποδα τὰ Κύρνια διαφέρειν δοκεῖ τῶν ἄλλων δούλων εἰς τὰς κατὰ τὸν βίον χρείας, φυσικῆς ταύτης τῆς ἰδιότητος παρακολουθούσης.
コルシカの奴隷たちは、日常生活における用務に関して、他の奴隷たちよりも優れているとみなされているが、これは自然な特性が彼らに伴っているからである。
ἡ δʼ ὅλη νῆσος εὐμεγέθης οὖσα πολλὴν τῆς χώρας ὀρεινὴν ἔχει, πεπυκασμένην δρυμοῖς συνεχέσι καὶ ποταμοῖς διαρρεομένην μικροῖς.
この島全体は、かなり大きな大きさであり、その土地の多くは山がちで、鬱蒼とした森林で覆われ、小さな川が流れている。