§3.46.1μετὰ δὲ τούτους ὑπάρχουσιν οἱ ὀνομαζόμενοι Κάρβαι, καὶ μετὰ τούτους Σαβαῖοι, πολυανθρωπότατοι τῶν Ἀραβικῶν ἐθνῶν ὄντες.
彼らの後にはカルバイと呼ばれる人々がおり、その次には、アラビアの諸部族の中で最も人口の多いサバイオイがそびえている。
νέμονται δὲ τὴν εὐδαίμονα λεγομένην Ἀραβίαν, φέρουσαν τὰ πλεῖστα τῶν παρʼ ἡμῖν ἀγαθῶν καὶ θρεμμάτων παντοδαπῶν ἐκτρέφουσαν πλῆθος ἀμύθητον.
彼らは「幸福な」と呼ばれるアラビアを占有しており、そこは我々のところにある良きもののほとんどをもたらし、あらゆる種類の家畜の数知れない群れを育んでいる。
εὐωδία τε αὐτὴν πᾶσαν ἐπέχει φυσικὴ διὰ τὸ πάντα σχεδὸν τὰ ταῖς ὀσμαῖς πρωτεύοντα φύεσθαι κατὰ τὴν χώραν ἀνέκλειπτα.
また、自然の芳香がそこ全体を満たしている。 なぜなら、香りにおいて第一位を占めるもののほぼすべてが、その地において絶えることなく生育しているからである。
§3.46.2κατὰ μὲν γὰρ τὴν παράλιον φύεται τὸ καλούμενον βάλσαμον καὶ κασία καὶ πόα τις ἄλλη ἰδιάζουσαν φύσιν ἔχουσα·
なぜなら、沿岸地域においては、いわゆるバルサムや、カシア、そして独特の性質を持つある別の草が生育しているからである。
αὕτη δὲ πρόσφατος μὲν οὖσα τοῖς ὄμμασι προσηνεστάτην παρέχεται τέρψιν, ἐγχρονισθεῖσα δὲ συντόμως γίνεται ἐξίτηλος.
この草は、新鮮なときには目に最も心地よい喜びを提供するが、時間が経つと速やかに消え去ってしまう。
§3.46.3κατὰ δὲ τὴν μεσόγειον ὑπάρχουσι δρυμοὶ συνηρεφεῖς, καθʼ οὕς ἐστι δένδρα μεγάλα λιβανωτοῦ καὶ σμύρνης, πρὸς δὲ τούτοις φοίνικος καὶ καλάμου καὶ κιναμώμου καὶ τῶν ἄλλων τῶν τούτοις ὁμοίαν ἐχόντων τὴν εὐωδίαν·
一方、内陸部には木々の生い茂る森があり、その中には乳香や没薬の大きな木々があり、さらにこれらに加えて、ナツメヤシ、香葦、肉桂、およびこれらと同様の芳香を持つその他の木々がある。
οὐδὲ γὰρ ἐξαριθμήσασθαι δυνατὸν τὰς ἑκάστων ἰδιότητάς τε καὶ φύσεις διὰ τὸ πλῆθος καὶ τὴν ὑπερβολὴν τῆς ἐκ πάντων ἀθροιζομένης ὀσμῆς.
なぜなら、すべてから集まる香りの多さと圧倒的な強さのゆえに、それぞれの特徴や性質を数え上げることは不可能だからである。
§3.46.4θεία γάρ τις φαίνεται καὶ λόγου κρείττων ἡ προσπίπτουσα καὶ κινοῦσα τὰς ἑκάστων αἰσθήσεις εὐωδία.
なぜなら、漂い至って個々の感覚を刺激するその芳香は、神聖なものであり、言葉で表現できないものと思われるからである。
καὶ γὰρ τοὺς παραπλέοντας, καίπερ πολὺ τῆς χέρσου κεχωρισμένους, οὐκ ἀμοίρους ποιεῖ τῆς τοιαύτης ἀπολαύσεως·
実際、沿岸を航海する人々も、陸地から遠く離れているにもかかわらず、そのような享受にあずかれないままにはしておかない。
κατὰ γὰρ τὴν θερινὴν ὥραν, ὅταν ἄνεμος ἀπόγειος γένηται, συμβαίνει τὰς ἀπὸ τῶν σμυρνοφόρων δένδρων καὶ τῶν ἄλλων τῶν τοιούτων ἀποπνεομένας εὐωδίας διικνεῖσθαι πρὸς τὰ πλησίον μέρη τῆς θαλάττης·
というのも、夏の季節、陸風が吹くときには、没薬を産する木々やそのような他の木々から吹き送られる芳香が、近海にまで到達することが起こるからである。
οὐ γὰρ ὥσπερ παρʼ ἡμῖν ἀποκειμένην καὶ παλαιὰν ἔχει τὴν τῶν ἀρωμάτων φύσιν, ἀλλὰ τὴν ἀκμάζουσαν ἐν ἄνθει νεαρὰν δύναμιν καὶ διικνουμένην πρὸς τὰ λεπτομερέστατα τῆς αἰσθήσεως.
なぜなら、それは我々のところのように、保管されて古くなった香料の性質を持つのではなく、花咲き誇る全盛期にある新鮮な力、そして感覚の最も微細な部分にまで浸透する力を持っているからである。
§3.46.5κομιζούσης γὰρ τῆς αὔρας τὴν ἀπόρροιαν τῶν εὐωδεστάτων, προσπίπτει τοῖς προσπλέουσι τὴν παράλιον προσηνὲς καὶ πολύ, πρὸς δὲ τούτοις ὑγιεινὸν καὶ παρηλλαγμένον ἐκ τῶν ἀρίστων μῖγμα, οὔτε τετμημένου τοῦ καρποῦ καὶ τὴν ἰδίαν ἀκμὴν ἐκπεπνευκότος, οὔτε τὴν ἀπόθεσιν ἔχοντος ἐν ἑτερογενέσιν ἀγγείοις, ἀλλʼ ἀπʼ αὐτῆς τῆς νεαρωτάτης ὥρας καὶ τὸν βλαστὸν ἀκέραιον παρεχομένης τῆς θείας φύσεως, ὥστε τοὺς μεταλαμβάνοντας τῆς ἰδιότητος δοκεῖν ἀπολαύειν τῆς μυθολογουμένης ἀμβροσίας διὰ τὸ τὴν ὑπερβολὴν τῆς εὐωδίας μηδεμίαν ἑτέραν εὑρίσκειν οἰκείαν προσηγορίαν.
そよ風が最も芳しい香りの放散物を運んでくるので、沿岸を航海して近づいてくる者たちには、心地よくて豊かな、さらにそれに加えて、最上のものからなる健康的で変化に富んだ混合が漂い至る。 それは、果実が切り刻まれてその特有の全盛を放出してしまったのでもなく、その果実が異種の容器の中に保管されているのでもなく、そうではなく、まさにその最も新鮮な時期から、そして神聖な自然が芽を損なわれていない状態のまま提供しているのであるから、その結果、その特徴的な香りを体験する人々は、神話に語られるアンブロシアを享受しているかのように思われるほどである。 それは、その芳香の圧倒的な素晴らしさが、他にふさわしいいかなる名称も見出せないためである。