§1.29.1ὁμοίως δὲ τούτῳ καὶ τὸν Ἐρεχθέα λέγουσι τὸ γένος Αἰγύπτιον ὄντα βασιλεῦσαι τῶν Ἀθηνῶν, τοιαύτας τινὰς φέροντες ἀποδείξεις·
これと同様に彼らは、エレクテウスもまた出自がエジプト人でありながらアテナイの王となったと言っており、次のような証拠をいくつか提示している。
γενομένων γὰρ ὁμολογουμένως αὐχμῶν μεγάλων κατὰ πᾶσαν σχεδὸν τὴν οἰκουμένην πλὴν Αἰγύπτου διὰ τὴν ἰδιότητα τῆς χώρας, καὶ φθορᾶς ἐπιγενομένης τῶν τε καρπῶν καὶ πλήθους ἀνθρώπων, ἐξ Αἰγύπτου τὸν Ἐρεχθέα κομίσαι διὰ τὴν συγγένειαν σίτου πλῆθος εἰς τὰς Ἀθήνας·
というのも、エジプトを除くほぼ全世界に、その土地の特性ゆえに、誰もが認めるところの大干ばつが発生し、作物と多数の人々の死滅が続いて起こったとき、エレクテウスが親縁関係のゆえに、エジプトからアテナイへ大量の穀物を運んできたからである。
ἀνθʼ ὧν τοὺς εὖ παθόντας βασιλέα καταστῆσαι τὸν εὐεργέτην.
これに対して、恩恵を受けた人々が、その恩人を王に据えたのである。
§1.29.2τοῦτον δὲ παραλαβόντα τὴν ἡγεμονίαν καταδεῖξαι τὰς τελετὰς τῆς Δήμητρος ἐν Ἐλευσῖνι καὶ τὰ μυστήρια ποιῆσαι, μετενεγκόντα τὸ περὶ τούτων νόμιμον ἐξ Αἰγύπτου.
そして彼が支配権を引き継ぐと、エレウシスにおけるデメテルの儀礼を制定し、秘儀を創設したが、これはそれらに関する慣習をエジプトから移したものである。
καὶ τῆς θεοῦ δὲ παρουσίαν εἰς τὴν Ἀττικὴν γεγονυῖαν κατὰ τούτους τοὺς χρόνους παραδεδόσθαι κατὰ λόγον, ὡς ἂν τῶν ἐπωνύμων ταύτης καρπῶν τότε κομισθέντων εἰς τὰς Ἀθήνας, καὶ διὰ τοῦτο δόξαι πάλιν ἐξ ἀρχῆς τὴν εὕρεσιν γεγονέναι τοῦ σπέρματος, δωρησαμένης τῆς Δήμητρος.
また、この女神のアッティカへの到来がこれらの時期に起こったと伝えられているのももっともなことであり、それは彼女の名を冠する作物がそのときアテナイに運ばれたからであって、そのために、デメテルがそれを授けてくれたことで、その種子の発見が再び最初から起こったかのように思われたのである。
§1.29.3ὁμολογεῖν δὲ καὶ τοὺς Ἀθηναίους ὅτι βασιλεύοντος Ἐρεχθέως καὶ τῶν καρπῶν διὰ τὴν ἀνομβρίαν προηφανισμένων ἡ τῆς Δήμητρος ἐγένετο παρουσία πρὸς αὐτοὺς καὶ ἡ δωρεὰ τοῦ σίτου.
アテナイ人自身も、エレクテウスが王であり、雨不足のために作物が事前に消滅していたときに、デメテルの彼らのもとへの到来と穀物の贈り物がなされたということを認めている。
πρὸς δὲ τούτοις αἱ τελεταὶ καὶ τὰ μυστήρια ταύτης τῆς θεοῦ τότε κατεδείχθησαν ἐν Ἐλευσῖνι.
さらにこれらに加えて、この女神の儀礼と秘儀が、そのときエレウシスにおいて制定されたのである。
§1.29.4τά τε περὶ τὰς θυσίας καὶ τὰς ἀρχαιότητας ὡσαύτως ἔχειν Ἀθηναίους καὶ τοὺς Αἰγυπτίους·
また、犠牲式と古代の制度に関する事柄も、アテナイ人とエジプト人の間で同様である。
τοὺς μὲν γὰρ Εὐμολπίδας ἀπὸ τῶν κατʼ Αἴγυπτον ἱερέων μετενηνέχθαι, τοὺς δὲ Κήρυκας ἀπὸ τῶν παστοφόρων.
というのも、エウモルピダイはエジプトの神官たちに由来し、ケリュケスはパストポロイに由来するからである。
τήν τε Ἶσιν μόνους τῶν Ἑλλήνων ὀμνύειν, καὶ ταῖς ἰδέαις καὶ τοῖς ἤθεσιν ὁμοιοτάτους εἶναι τοῖς Αἰγυπτίοις.
また、ギリシア人の中で彼らだけがイシスにかけて誓い、その容姿においても習慣においてもエジプト人に酷似している。
§1.29.5πολλὰ δὲ καὶ ἄλλα τούτοις παραπλήσια λέγοντες φιλοτιμότερον ἤπερ ἀληθινώτερον, ὥς γʼ ἐμοὶ φαίνεται, τῆς ἀποικίας ταύτης ἀμφισβητοῦσι διὰ τὴν δόξαν τῆς πόλεως.
彼らは、これらに類似した多くの他のことも、私の見るところでは、真実性よりもむしろ虚栄心から語りつつ、この都市の名声のゆえに、この植民地の関係について主張しているのである。
καθόλου δὲ πλείστας ἀποικίας Αἰγύπτιοί φασιν ἐκπέμψαι τοὺς ἑαυτῶν προγόνους ἐπὶ πολλὰ μέρη τῆς οἰκουμένης διά τε τὴν ὑπεροχὴν τῶν βασιλευσάντων παρʼ αὐτοῖς καὶ διὰ τὴν ὑπερβολὴν τῆς πολυανθρωπίας·
総じて、エジプト人たちは、自らの祖先が、彼らのもとで君臨した王たちの卓越性のゆえに、また極度の人口過剰のゆえに、居住世界の多くの地域にきわめて多くの植民を送り出したと言っている。
§1.29.6ὑπὲρ ὧν μήτε ἀποδείξεως φερομένης μηδεμιᾶς ἀκριβοῦς μήτε συγγραφέως ἀξιοπίστου μαρτυροῦντος, οὐκ ἐκρίναμεν ὑπάρχειν τὰ λεγόμενα γραφῆς ἄξια.
これらについては、いかなる正確な証拠も提示されず、信頼に足る歴史家も証言していないため、私たちは語られている内容が記録に値するとは判断しなかった。
καὶ περὶ μὲν τῶν θεολογουμένων παρʼ Αἰγυπτίοις τοσαῦθʼ ἡμῖν εἰρήσθω, στοχαζομένοις τῆς συμμετρίας·
さて、エジプト人たちの間で神話的に語られている事柄については、全体の調和を考慮して、私たちとしてはこのくらいにしておこう。
περὶ δὲ τῆς χώρας καὶ τοῦ Νείλου καὶ τῶν ἄλλων τῶν ἀκοῆς ἀξίων ἐν κεφαλαίοις ἕκαστα διεξιέναι πειρασόμεθα.
そして、その土地、ナイル川、およびその他聞くに値する事柄について、私たちは要点ごとにそれぞれ詳細に述べることに努めよう。