§16.94.1ὁ δὲ Παυσανίας ἀμετάθετον φυλάττων τὴν ὀργὴν ἔσπευδε μὴ μόνον παρὰ τοῦ πράξαντος λαβεῖν τιμωρίαν, ἀλλὰ καὶ παρὰ τοῦ μὴ τιμωροῦντος αὐτῷ.
しかしパウサニアスは、自らの怒りを変わることなく抱き続け、その行いをした者からだけでなく、自分のために復讐をしてくれない者からも報復を得ようと躍起になっていた。
συνεπελάβετο δὲ ταύτης τῆς προαιρέσεως μάλιστα ὁ σοφιστὴς Ἑρμοκράτης.
この決意を最も後押ししたのは、ソフィストのヘルモクラテスであった。
τοῦ γὰρ Παυσανίου σχολάζοντος αὐτῷ καὶ κατὰ τὴν διατριβὴν πυθομένου πῶς ἄν τις γένοιτο ἐπιφανέστατος, ὁ σοφιστὴς ἀπεκρίθη εἰ τὸν τὰ μέγιστα πράξαντα ἀνέλοι·
というのも、パウサニアスが彼に師事し、学問的対話のなかで、どうすれば人が最も有名になれるかと尋ねたとき、そのソフィストは、最も偉大な業績を成し遂げた者を殺害すればよい、と答えたからである。
τῇ γὰρ περὶ τούτου μνήμῃ συμπεριληφθήσεσθαι καὶ τὸν τὴν ἀναίρεσιν αὐτοῦ ποιησάμενον.
その者に関する記憶に、彼を殺害した者も一緒に包み込まれることになるからだ、というのである。
§16.94.2ἀνενέγκας δὲ πρὸς τὴν ἰδίαν ὀργὴν τὸν λόγον καὶ διὰ τὸν θυμὸν οὐδεμίαν τῆς γνώμης ὑπέρθεσιν ποιησάμενος ἐν αὐτοῖς τοῖς ὑποκειμένοις ἀγῶσι τὴν ἐπιβουλὴν συνεστήσατο τοιῷδέ τινι τρόπῳ.
パウサニアスはこの言葉を自分自身の怒りへと結びつけ、その憤りのために決意の延期をまったくすることなく、現に行われている競技そのものの最中に、次のような方法で陰謀を企てた。
§16.94.3ἵππους παραστησάμενος ταῖς πύλαις παρῆλθε πρὸς τὰς εἰς τὸ θέατρον εἰσόδους ἔχων κεκρυμμένην Κελτικὴν μάχαιραν.
彼は門のそばに馬を用意しておき、ケルト風の短剣を隠し持って、劇場への入り口へと進んだ。
τοῦ δὲ Φιλίππου τοὺς παρακολουθοῦντας φίλους κελεύσαντος προεισελθεῖν εἰς τὸ θέατρον καὶ τῶν δορυφόρων διεστώτων, ὁρῶν τὸν βασιλέα μεμονωμένον προσέδραμε καὶ διὰ τῶν πλευρῶν διανταίαν ἐνέγκας πληγὴν τὸν μὲν βασιλέα νεκρὸν ἐξέτεινεν, αὐτὸς δʼ ἐπὶ τὰς πύλας καὶ τοὺς ἡτοιμασμένους πρὸς τὴν φυγὴν ἔθεεν ἵππους.
フィリッポスが、同行していた友人たちに先に劇場内へ入るよう命じ、護衛たちも離れて立っていたので、王が一人になったのを見て、彼は駆け寄り、その脇腹を貫く一撃を加えて王を骸として倒すと、自らは門と逃走用に用意していた馬たちに向かって走った。
§16.94.4εὐθὺς δὲ τῶν σωματοφυλάκων οἱ μὲν πρὸς τὸ σῶμα τοῦ βασιλέως ὥρμησαν, οἱ δʼ ἐπὶ τὸν τοῦ σφαγέως διωγμὸν ἐξεχύθησαν, ἐν οἷς ὑπῆρχον καὶ Λεόννατος καὶ Περδίκκας καὶ Ἄτταλος.
すぐに護衛官たちのうち、ある者は王の遺体へと駆け寄り、他の者は暗殺者の追跡へと一斉に飛び出したが、その中にはレオンナトスやペルディッカス、アッタロスも含まれていた。
ὁ δὲ Παυσανίας προλαβὼν τῆς διώξεως ἔφθασεν ἂν ἐπὶ τὸν ἵππον ἀναπηδήσας, εἰ μὴ τῆς ὑποδέσεως περὶ ἄμπελόν τινα περιπλακείσης ἔπεσεν.
パウサニアスは追跡をリードしていたので、もし履き物がブドウの木に絡まって転倒していなければ、馬に飛び乗って逃げ切っていただろう。
διόπερ οἱ περὶ τὸν Περδίκκαν καταλαβόντες αὐτὸν ἐκ τῆς γῆς ἀνιστάμενον καὶ συγκεντήσαντες ἀνεῖλον.
そのため、ペルディッカスらの一行は、彼が地面から起き上がろうとするところを追いつき、何度も突き刺して彼を殺害した。