§16.94.1ὁ δὲ Παυσανίας ἀμετάθετον φυλάττων τὴν ὀργὴν ἔσπευδε μὴ μόνον παρὰ τοῦ πράξαντος λαβεῖν τιμωρίαν, ἀλλὰ καὶ παρὰ τοῦ μὴ τιμωροῦντος αὐτῷ.
그러나 파우사니아스는 분노를 굽히지 않고 마음속에 간직한 채, 그 짓을 저지른 자뿐만 아니라 자신을 위해 복수해 주지 않는 자에게서도 보복을 취하고자 서둘렀다.
συνεπελάβετο δὲ ταύτης τῆς προαιρέσεως μάλιστα ὁ σοφιστὴς Ἑρμοκράτης.
그리고 이러한 결심에 가장 큰 영향을 준 것은 소피스트 헤르모크라테스였다.
τοῦ γὰρ Παυσανίου σχολάζοντος αὐτῷ καὶ κατὰ τὴν διατριβὴν πυθομένου πῶς ἄν τις γένοιτο ἐπιφανέστατος, ὁ σοφιστὴς ἀπεκρίθη εἰ τὸν τὰ μέγιστα πράξαντα ἀνέλοι·
파우사니아스가 그에게 배우며 담론 중에 어떻게 하면 가장 유명해질 수 있는지 묻자, 그 소피스트는 가장 위대한 업적을 이룬 자를 죽인다면 그렇게 될 수 있을 것이라고 대답했기 때문이다.
τῇ γὰρ περὶ τούτου μνήμῃ συμπεριληφθήσεσθαι καὶ τὸν τὴν ἀναίρεσιν αὐτοῦ ποιησάμενον.
그 사람에 대한 기억에 그를 죽인 자도 함께 포함될 것이기 때문이라는 것이었다.
§16.94.2ἀνενέγκας δὲ πρὸς τὴν ἰδίαν ὀργὴν τὸν λόγον καὶ διὰ τὸν θυμὸν οὐδεμίαν τῆς γνώμης ὑπέρθεσιν ποιησάμενος ἐν αὐτοῖς τοῖς ὑποκειμένοις ἀγῶσι τὴν ἐπιβουλὴν συνεστήσατο τοιῷδέ τινι τρόπῳ.
파우사니아스는 이 말을 자신의 분노에 적용했고, 그 격분으로 인해 결심을 조금도 미루지 않은 채, 바로 진행 중이던 경기 중에 다음과 같은 방식으로 음모를 실행에 옮겼다.
§16.94.3ἵππους παραστησάμενος ταῖς πύλαις παρῆλθε πρὸς τὰς εἰς τὸ θέατρον εἰσόδους ἔχων κεκρυμμένην Κελτικὴν μάχαιραν.
그는 성문 옆에 말들을 대기시켜 두고, 켈트식 단검을 숨겨 지닌 채 극장 입구로 나아갔다.
τοῦ δὲ Φιλίππου τοὺς παρακολουθοῦντας φίλους κελεύσαντος προεισελθεῖν εἰς τὸ θέατρον καὶ τῶν δορυφόρων διεστώτων, ὁρῶν τὸν βασιλέα μεμονωμένον προσέδραμε καὶ διὰ τῶν πλευρῶν διανταίαν ἐνέγκας πληγὴν τὸν μὲν βασιλέα νεκρὸν ἐξέτεινεν, αὐτὸς δʼ ἐπὶ τὰς πύλας καὶ τοὺς ἡτοιμασμένους πρὸς τὴν φυγὴν ἔθεεν ἵππους.
필리포스가 자신을 수행하던 친구들에게 먼저 극장 안으로 들어가라고 명령하고 호위관들도 멀리 떨어져 서 있었기에, 왕이 혼자 남겨진 것을 본 그는 달려가 옆구리를 관통하는 일격을 가해 왕을 시신으로 눕혀 버렸고, 자신은 성문과 도주를 위해 준비해 둔 말들을 향해 달렸다.
§16.94.4εὐθὺς δὲ τῶν σωματοφυλάκων οἱ μὲν πρὸς τὸ σῶμα τοῦ βασιλέως ὥρμησαν, οἱ δʼ ἐπὶ τὸν τοῦ σφαγέως διωγμὸν ἐξεχύθησαν, ἐν οἷς ὑπῆρχον καὶ Λεόννατος καὶ Περδίκκας καὶ Ἄτταλος.
즉시 호위관들 중 일부는 왕의 시신으로 달려갔고, 다른 이들은 살해범의 추격에 나섰는데, 그들 중에는 레온나토스와 페르디카스, 아탈로스도 있었다.
ὁ δὲ Παυσανίας προλαβὼν τῆς διώξεως ἔφθασεν ἂν ἐπὶ τὸν ἵππον ἀναπηδήσας, εἰ μὴ τῆς ὑποδέσεως περὶ ἄμπελόν τινα περιπλακείσης ἔπεσεν.
파우사니아스는 추격자들보다 앞서 있었기에, 신발이 포도나무에 걸려 넘어지지만 않았더라면 말에 뛰어올라 도망쳤을 것이었다.
διόπερ οἱ περὶ τὸν Περδίκκαν καταλαβόντες αὐτὸν ἐκ τῆς γῆς ἀνιστάμενον καὶ συγκεντήσαντες ἀνεῖλον.
그리하여 페르디카스 일행은 땅에서 일어서려던 그를 붙잡았고, 사정없이 찔러 죽였다.