§16.40.1ἐπʼ ἄρχοντος δʼ Ἀθήνησι Θεέλλου Ῥωμαῖοι κατέστησαν ὑπάτους Μάρκον Φάβιον καὶ Τίτον Κοΐντιον.
アテナイにおいてテエロスがアルコンのとき、ローマ人はマルクス・ファビウスとティトゥス・クィンティウスを執政官に任命した。
ἐπὶ δὲ τούτων Θηβαῖοι κάμνοντες τῷ πρὸς Φωκεῖς πολέμῳ καὶ χρημάτων ἀπορούμενοι πρέσβεις ἐξέπεμψαν πρὸς τὸν τῶν Περσῶν βασιλέα, παρακαλοῦντες εἰσευπορῆσαι τῇ πόλει χρήματα·
これらの執政官の時代に、テーバイ人はフォキス人との戦争で疲弊し、資金に窮していたため、ペルシア王のもとへ使節を派遣し、自らの都市に資金を援助するよう求めた。
§16.40.2ὁ δʼ Ἀρταξέρξης προθύμως ὑπακούσας ἔδωκεν αὐτοῖς δωρεὰν ἀργυρίου τάλαντα τριακόσια.
アルタクセルクセスは快くこれに応じ、彼らに贈り物として銀三百タラントンを与えた。
τοῖς δὲ Βοιωτοῖς καὶ τοῖς Φωκεῦσιν ἀκροβολισμοὶ μὲν καὶ χώρας καταδρομαὶ συνέστησαν, πράξεις δὲ κατὰ τοῦτον τὸν ἐνιαυτὸν ἄξιαι μνήμης οὐ συνετελέσθησαν.
ボイオティア人とフォキス人の間では、小競り合いや領土への侵入は生じたものの、この年には記憶に値するような活動は遂行されなかった。
§16.40.3κατὰ δὲ τὴν Ἀσίαν ὁ βασιλεὺς τῶν Περσῶν ἐν μὲν τοῖς ἐπάνω χρόνοις στρατεύσας ἐπʼ Αἴγυπτον πολλοῖς πλήθεσι στρατιωτῶν ἀπέτυχε, κατὰ δὲ τοὺς ὑποκειμένους καιροὺς πάλιν ἐπολέμησε τοῖς Αἰγυπτίοις καὶ πράξεις ἀξιολόγους κατεργασάμενος διὰ τῆς ἰδίας ἐνεργείας τὴν Αἴγυπτον ἀνεκτήσατο καὶ Φοινίκην καὶ Κύπρον.
アジアにおいては、ペルシア王はかつての時代に大軍を率いてエジプトへ遠征したものの失敗したが、現下の時期には再びエジプト人と戦い、自らの精力的な活動によって目覚ましい偉業を成し遂げ、エジプト、フェニキア、キプロスを取り戻した。
§16.40.4ἵνα δὲ σαφῆ τὴν περὶ τούτων ἱστορίαν ποιήσωμεν, τὰς αἰτίας τοῦ πολέμου προεκθησόμεθα μικρὸν ἀναλαβόντες τοὺς οἰκείους χρόνους.
これらに関する歴史を明確にするために、我々は関連する時代に少し遡って、戦争の原因をあらかじめ説明することにする。
τῶν γὰρ Αἰγυπτίων ἀπὸ Περσῶν ἀποστάντων κατὰ τοὺς ἀνωτέρω χρόνους Ἀρταξέρξης ὁ ἐπικληθεὶς Ὦχος αὐτὸς μὲν οὐκ ὢν φιλοπόλεμος ἐφʼ ἡσυχίας ἔμενεν, ἀποστέλλων δὲ δυνάμεις καὶ στρατηγοὺς πολλάκις ἀπετύγχανε διὰ τὴν κακίαν καὶ ἀπειρίαν τῶν ἡγεμόνων.
というのも、かつての時代にエジプト人がペルシア人から離反したとき、オコスと呼ばれたアルタクセルクセス自身は戦争を好まず平穏を保っていたが、軍勢や将軍たちを派遣するものの、指揮官たちの無能さと経験不足のためにしばしば失敗していたからである。
§16.40.5διὸ καὶ καταφρονηθεὶς ὑπὸ τῶν Αἰγυπτίων ἠναγκάζετο καρτερεῖν διά τε τὴν ἀργίαν καὶ τὸ τῆς ψυχῆς εἰρηνικόν.
そのため、彼はエジプト人から軽蔑されながらも、自身の怠惰と心の平和的な気質のゆえに、何もしないで耐えることを余儀なくされていた。
κατὰ δὲ τοὺς ὑποκειμένους καιροὺς τῶν Φοινίκων καὶ τῶν ἐν Κύπρῳ βασιλέων μιμησαμένων τοὺς Αἰγυπτίους καὶ διὰ τὴν καταφρόνησιν ἐπὶ τὴν ἀπόστασιν ὁρμησάντων παροξυνθεὶς ἔκρινε πολεμεῖν τοὺς ἀφεστηκότας.
しかし、現下の時期において、フェニキア人やキプロスの王たちがエジプト人を模倣し、侮りゆえに離反へと駆り立てられたとき、彼は激怒し、反乱を起こした者たちと戦うことを決意した。
§16.40.6τὸ μὲν οὖν στρατηγοὺς ἐκπέμπειν ἀπεδοκίμασε, διʼ ἑαυτοῦ δὲ τοὺς ὑπὲρ τῆς βασιλείας ἀγῶνας ποιήσασθαι διέγνω.
そこで、彼は将軍たちを派遣することを退け、王国のための戦いを自分自身で行うことを決意した。
διόπερ ὅπλων καὶ βελῶν καὶ σίτου καὶ δυνάμεων μεγάλας παρασκευὰς ποιησάμενος ἤθροισε πεζῶν μὲν τριάκοντα μυριάδας, ἱππέων δὲ τρεῖς, τριήρεις δὲ τριακοσίας, φορτηγοὺς δὲ καὶ τὰς ἄλλας τὰς τὴν ἀγορὰν κομιζούσας πεντακοσίας.
それゆえ、武器や投射兵器、糧食、そして軍勢の膨大な準備を整えた上で、歩兵三十万、騎兵三万、三段櫂船三百隻、そして補給物資を運ぶ輸送船やその他の船五百隻を集めた。