§16.3.1οἱ δὲ Μακεδόνες διά τε τὴν ἐν τῇ μάχῃ συμφορὰν καὶ διὰ τὸ μέγεθος τῶν ἐπιφερομένων κινδύνων ἐν ἀπορίᾳ τῇ μεγίστῃ καθειστήκεισαν.
マケドニア人たちは、戦闘における災難と、押し寄せる危険の大きさのために、最大の窮地に陥っていた。
ἀλλʼ ὅμως τηλικούτων φόβων καὶ κινδύνων ἐφεστώτων ὁ Φίλιππος οὐ κατεπλάγη τὸ μέγεθος τῶν προσδοκωμένων δεινῶν, ἀλλὰ τοὺς Μακεδόνας ἐν συνεχέσιν ἐκκλησίαις συνέχων καὶ τῇ τοῦ λόγου δεινότητι προτρεπόμενος ἐπὶ τὴν ἀνδρείαν εὐθαρσεῖς ἐποίησε, τὰς δὲ στρατιωτικὰς τάξεις ἐπὶ τὸ κρεῖττον διορθωσάμενος καὶ τοὺς ἄνδρας τοῖς πολεμικοῖς ὅπλοις δεόντως κοσμήσας, συνεχεῖς ἐξοπλασίας καὶ γυμνασίας ἐναγωνίους ἐποιεῖτο.
しかしながら、これほど大きな恐怖と危険が差し迫っているにもかかわらず、フィリッポスは、予想される災厄の大きさに怯むことはなかった。 それどころか、マケドニア人たちを度重なる集会でつなぎとめ、演説の巧みさによって彼らを勇気へと奮い立たせ、自信を持たせた。 そして、軍の編成をより良いものへと改善し、兵士たちに戦闘用武具を適切に装備させ、絶え間ない武装訓練と実戦的な演習を行った。
§16.3.2ἐπενόησε δὲ καὶ τὴν τῆς φάλαγγος πυκνότητα καὶ κατασκευήν, μιμησάμενος τὸν ἐν Τροίᾳ τῶν ἡρώων συνασπισμόν, καὶ πρῶτος συνεστήσατο τὴν Μακεδονικὴν φάλαγγα.
彼はまた、トロイアにおける英雄たちの密集盾陣を模倣して、ファランクスの密集度と構成を考案し、初めてマケドニア式ファランクスを組織した。
§16.3.3ἐν δὲ ταῖς ὁμιλίαις προσηνὴς ἦν καὶ διά τε τῶν δωρεῶν καὶ τῶν ἐπαγγελιῶν εἰς τὴν μεγίστην εὔνοιαν τὰ πλήθη προήγετο, πρός τε τὸ πλῆθος τῶν ἐπιφερομένων κινδύνων εὐστόχως ἀντεμηχανᾶτο.
彼は交際において愛想が良く、贈り物や約束を通じて民衆を最大の好意へと導き、また押し寄せる多くの危険に対しても巧みに対策を講じた。
θεωρῶν γὰρ τοὺς Ἀθηναίους ὑπὲρ τοῦ τὴν Ἀμφίπολιν ἀνακτήσασθαι τὴν πᾶσαν φιλοτιμίαν εἰσφερομένους καὶ διὰ τοῦτο κατάγοντας τὸν Ἀργαῖον ἐπὶ τὴν βασιλείαν ἑκουσίως ἐξεχώρησε τῆς πόλεως, ἀφεὶς αὐτὴν αὐτόνομον.
なぜなら、アテナイ人たちがアンフィポリスを奪還するためにあらゆる野心を注ぎ込み、そのためアルガイオスを王位に復帰させようとしているのを見て、彼は自発的にその市から撤退し、そこを自治都市として残したからである。
§16.3.4πρὸς δὲ Παίονας διαπρεσβευσάμενος καὶ τοὺς μὲν δωρεαῖς διαφθείρας, τοὺς δʼ ἐπαγγελίαις φιλανθρώποις πείσας κατὰ τὸ παρὸν εἰρήνην ἄγειν πρὸς αὐτοὺς συνέθετο.
また、パイオニア人たちに使節を送って、ある者たちを贈り物で買収し、ある者たちを親切な約束によって説得し、当面の間、彼らと平和を維持することで合意した。
ὁμοίως δὲ καὶ τὸν Παυσανίαν ἀπέστησε τῆς καθόδου, τὸν κατάγειν μέλλοντα βασιλέα δωρεαῖς πείσας.
同様に、パウサニアスを帰還させる予定であった王を贈り物で説得することによって、パウサニアスの帰還をも断念させた。
§16.3.5Μαντίας δʼ ὁ τῶν Ἀθηναίων στρατηγὸς καταπλεύσας εἰς Μεθώνην αὐτὸς μὲν ἐνταῦθα κατέμεινε, τὸν Ἀργαῖον δὲ μετὰ τῶν μισθοφόρων ἐπὶ τὰς Αἰγὰς ἀπέστειλεν.
アテナイの将軍マンティアスはメトネに船で到着したが、自身はそこに留まり、アルガイオスを用兵たちとともにアイガイへと派遣した。
οὗτος δὲ προσελθὼν τῇ πόλει παρεκάλει τοὺς ἐν ταῖς Αἰγαῖς προσδέξασθαι τὴν κάθοδον καὶ γενέσθαι τῆς αὑτοῦ βασιλείας ἀρχηγούς.
この者は市に近づき、アイガイの人々に対して、自分の帰還を受け入れ、自分の王国の先導者となるよう呼びかけた。
§16.3.6οὐδενὸς δʼ αὐτῷ προσέχοντος ὁ μὲν ἀνέκαμπτεν εἰς τὴν Μεθώνην, ὁ δὲ Φίλιππος ἐπιφανεὶς μετὰ στρατιωτῶν καὶ συνάψας μάχην πολλοὺς μὲν ἀνεῖλε τῶν μισθοφόρων, τοὺς δὲ λοιποὺς εἴς τινα λόφον καταφυγόντας ὑποσπόνδους ἀφῆκεν, λαβὼν παρʼ αὐτῶν ἐκδότους τοὺς φυγάδας.
しかし、誰も彼に耳を貸さなかったので、彼はメトネへと引き返していった。 そこへフィリッポスが兵士たちを率いて現れ、戦闘を交えて、傭兵たちの多くを殺害し、残りの者たちはある丘に逃げ込んだが、彼らから亡命者たちを引き渡させることを条件に、条約を結んで彼らを解放した。
Φίλιππος μὲν οὖν ταύτην πρώτην μάχην νικήσας εὐθαρσεστέρους ἐποίησε τοὺς Μακεδόνας πρὸς τοὺς ἐφεξῆς ἀγῶνας.
このようにして、フィリッポスはこの最初の戦いに勝利し、マケドニア人たちをその後の戦いに向けてより勇敢にさせた。
§16.3.7ἅμα δὲ τούτοις πραττομένοις Θάσιοι μὲν ᾤκισαν τὰς ὀνομαζομένας Κρηνίδας, ἃς ὕστερον ὁ βασιλεὺς ἀφʼ ἑαυτοῦ ὀνομάσας Φιλίππους ἐπλήρωσεν οἰκητόρων.
これらのことが行われているのと同時に、タソス島の人々がクレニデスと呼ばれる地に入植した。 後に王はここを自分の名にちなんでフィリッポイと名付け、入植者たちで満たした。
§16.3.8τῶν δὲ συγγραφέων Θεόπομπος ὁ Χῖος τὴν ἀρχὴν τῶν περὶ Φίλιππον ἱστοριῶν ἐντεῦθεν ποιησάμενος γέγραφεν βύβλους ὀκτὼ πρὸς ταῖς πεντήκοντα, ἐξ ὧν πέντε διαφωνοῦσιν.
歴史家たちのうち、キオスのテオポンポスはフィリッポスに関する歴史の始まりをここからとし、五十八巻を著したが、そのうち五巻は本筋と一致していない。