§16.29.1σχιζομένης δὲ τῆς τῶν ἐθνῶν καὶ πόλεων αἱρέσεως τῷ μὲν ἱερῷ βοηθεῖν ἔγνωσαν Βοιωτοὶ καὶ Λοκροὶ καὶ Θετταλοὶ καὶ Περραιβοί, πρὸς δὲ τούτοις Δωριεῖς καὶ Δόλοπες, ἔτι δὲ Ἀθαμᾶνες καὶ Ἀχαιοὶ Φθιῶται καὶ Μάγνητες, ἔτι δὲ Αἰνιᾶνες καί τινες ἕτεροι, τοῖς δὲ Φωκεῦσι συνεμάχουν Ἀθηναῖοι καὶ Λακεδαιμόνιοι καί τινες ἕτεροι τῶν Πελοποννησίων.
諸民族や諸都市の支持が分裂する中、一方で神殿を援助することを決意したのは、ボイオティア人、ロクリス人、テッサリア人、ペッライボイ人であり、これらに加えてドリス人、ドロペス人、さらにアタマネス人、プティオティスのアカイア人、マグネス人、さらにアイニアネス人、およびその他の特定の人々であった。 他方でフォキス人たちと同盟して戦ったのは、アテナイ人、ラケダイモン人、およびペロポネソス人の一部の他の人々であった。
§16.29.2προθυμότατα δὲ συνέπραττον οἱ Λακεδαιμόνιοι διὰ τοιαύτας αἰτίας.
ラケダイモン人は、次のような理由からきわめて熱心に協力した。
ἐν τῷ Λευκτρικῷ πολέμῳ Θηβαῖοι καταπολεμήσαντες τοὺς πολεμίους δίκην ἐπήνεγκαν εἰς Ἀμφικτύονας κατὰ τῶν Σπαρτιατῶν, ὅτι Φοιβίδας ὁ Σπαρτιάτης κατελάβετο τὴν Καδμείαν, καὶ διετιμήσαντο τὸ ἀδίκημα ταλάντων πεντακοσίων.
レウクトラの戦いにおいて、テーバイ人は敵を打ち破った後、スパルタのポイビダスがカドメイアを占領したことについて、隣国同盟においてスパルタ人に対する訴えを起こし、その不正行為の罰金額を五百タラントンと査定したのである。
καταδικασθέντων δὲ τῶν Λακεδαιμονίων καὶ τὴν δίκην οὐκ ἐκτινόντων κατὰ τὸν ὡρισμένον ἐκ τῶν νόμων καιρὸν οἱ Θηβαῖοι πάλιν δίκην ἐπήνεγκαν διπλοῦ τοῦ ἀδικήματος.
ラケダイモン人は有罪とされたものの、法律によって定められた期限内にその罰金を支払わなかったため、テーバイ人は再び、その不正行為の倍額の訴えを起こした。
§16.29.3τῶν δʼ Ἀμφικτυόνων χιλίοις ταλάντοις καταδικασάντων οἱ Λακεδαιμόνιοι διὰ τὸ μέγεθος τοῦ ὀφλήματος ὁμοίας τοῖς Φωκεῦσι τὰς ἀποφάσεις ἐποιοῦντο, λέγοντες ἀδίκως ὑπὸ τῶν Ἀμφικτυόνων καταδεδικάσθαι.
隣国同盟員たちが千タラントンの有罪判決を下すと、ラケダイモン人は債務の額が大きいために、フォキス人たちと同様の言明を行い、自分たちは隣国同盟によって不当に有罪とされたのだと主張した。
§16.29.4διόπερ κοινοῦ ὄντος τοῦ συμφέροντος οἱ Λακεδαιμόνιοι κατʼ ἰδίαν μὲν ὤκνουν ὑπὲρ τῆς καταδίκης ἄρασθαι πόλεμον, διὰ δὲ τοῦ προσώπου τῶν Φωκέων εὐσχημονέστερον ἔκρινον ἀκυρῶσαι τὰς κρίσεις τῶν Ἀμφικτυόνων.
それゆえ、利害が共通していたことから、ラケダイモン人は自らの名においてはその有罪判決のために戦争を起こすことを躊躇していたものの、フォキス人という表向きの存在を介するほうが、隣国同盟員たちの決定を無効にするのに体裁がよいと判断したのである。
διὰ δὴ ταύτας τὰς αἰτίας ἑτοιμότατα συνεμάχουν τοῖς Φωκεῦσι καὶ τὴν προστασίαν τοῦ ἱεροῦ συγκατεσκεύαζον αὐτοῖς.
まさにこれらの理由によって、彼らはきわめて速やかにフォキス人たちと同盟し、彼らとともに神殿の管理権を確保しようとした。