§16.29.1σχιζομένης δὲ τῆς τῶν ἐθνῶν καὶ πόλεων αἱρέσεως τῷ μὲν ἱερῷ βοηθεῖν ἔγνωσαν Βοιωτοὶ καὶ Λοκροὶ καὶ Θετταλοὶ καὶ Περραιβοί, πρὸς δὲ τούτοις Δωριεῖς καὶ Δόλοπες, ἔτι δὲ Ἀθαμᾶνες καὶ Ἀχαιοὶ Φθιῶται καὶ Μάγνητες, ἔτι δὲ Αἰνιᾶνες καί τινες ἕτεροι, τοῖς δὲ Φωκεῦσι συνεμάχουν Ἀθηναῖοι καὶ Λακεδαιμόνιοι καί τινες ἕτεροι τῶν Πελοποννησίων.
여러 부족과 도시들의 지지가 갈라지는 가운데, 한편 신전을 돕기로 결정한 이들은 보이오티아인들, 로크리스인들, 테살리아인들, 페라이보이인들이었고, 여기에 더해 도리스인들과 돌로페스인들, 또한 아타마네스인들과 프티오티스의 아카이아인들, 마그네스인들, 그리고 아이니아네스인들과 그 밖의 다른 몇몇 이들이었으며, 다른 한편 포키스인들과 동맹하여 싸운 이들은 아태나이인들, 라케다이몬인들, 그리고 펠로폰네소스인들 중 다른 일부의 이들이었다.
§16.29.2προθυμότατα δὲ συνέπραττον οἱ Λακεδαιμόνιοι διὰ τοιαύτας αἰτίας.
라케다이몬인들은 다음과 같은 이유들 때문에 가장 열성적으로 협력했다.
ἐν τῷ Λευκτρικῷ πολέμῳ Θηβαῖοι καταπολεμήσαντες τοὺς πολεμίους δίκην ἐπήνεγκαν εἰς Ἀμφικτύονας κατὰ τῶν Σπαρτιατῶν, ὅτι Φοιβίδας ὁ Σπαρτιάτης κατελάβετο τὴν Καδμείαν, καὶ διετιμήσαντο τὸ ἀδίκημα ταλάντων πεντακοσίων.
레욱트라 전쟁에서 테바이인들은 적들을 패퇴시킨 후, 스파르타인 포이비다스가 카드메이아를 점령한 것에 대해 인근 동맹에 스파르타인들을 상대로 소송을 제기했고, 그 불법 행위의 벌금액을 오백 타란톤으로 산정했다.
καταδικασθέντων δὲ τῶν Λακεδαιμονίων καὶ τὴν δίκην οὐκ ἐκτινόντων κατὰ τὸν ὡρισμένον ἐκ τῶν νόμων καιρὸν οἱ Θηβαῖοι πάλιν δίκην ἐπήνεγκαν διπλοῦ τοῦ ἀδικήματος.
라케다이몬인들은 유죄 판결을 받았음에도 법으로 정해진 기한 내에 그 벌금을 납부하지 않았고, 이에 테바이인들은 다시 그 불법 행위의 두 배에 달하는 금액의 소송을 제기했다.
§16.29.3τῶν δʼ Ἀμφικτυόνων χιλίοις ταλάντοις καταδικασάντων οἱ Λακεδαιμόνιοι διὰ τὸ μέγεθος τοῦ ὀφλήματος ὁμοίας τοῖς Φωκεῦσι τὰς ἀποφάσεις ἐποιοῦντο, λέγοντες ἀδίκως ὑπὸ τῶν Ἀμφικτυόνων καταδεδικάσθαι.
인근 동맹원들이 천 타란톤의 유죄 판결을 내리자, 라케다이몬인들은 채무의 막대한 규모 때문에 포키스인들과 유사한 성명을 발표하며, 자신들이 인근 동맹에 의해 부당하게 유죄 판결을 받았다고 주장했다.
§16.29.4διόπερ κοινοῦ ὄντος τοῦ συμφέροντος οἱ Λακεδαιμόνιοι κατʼ ἰδίαν μὲν ὤκνουν ὑπὲρ τῆς καταδίκης ἄρασθαι πόλεμον, διὰ δὲ τοῦ προσώπου τῶν Φωκέων εὐσχημονέστερον ἔκρινον ἀκυρῶσαι τὰς κρίσεις τῶν Ἀμφικτυόνων.
그러므로 이해관계가 공통되었기에, 라케다이몬인들은 독자적으로는 그 유죄 판결에 대해 전쟁을 일으키기를 주저했으나, 포키스인들이라는 대리인을 통하는 편이 인근 동맹원들의 결정을 무효화하는 데 더 체면이 선다고 판단했다.
διὰ δὴ ταύτας τὰς αἰτίας ἑτοιμότατα συνεμάχουν τοῖς Φωκεῦσι καὶ τὴν προστασίαν τοῦ ἱεροῦ συγκατεσκεύαζον αὐτοῖς.
참으로 이러한 이유들 때문에 그들은 포키스인들과 매우 신속하게 동맹을 맺었고, 그들과 함께 신전의 관리권을 확립하고자 했다.