§16.12.1τῶν δὲ Συρακοσίων κατεσκευακότων ἀπὸ θαλάττης εἰς θάλατταν διατείχισμα αὑτῶν προσέπεσον οἱ μισθοφόροι τῷ τείχει μετὰ πολλῆς βοῆς καὶ καταπλήξεως καὶ πολλοὺς μὲν τῶν φυλάκων ἀνεῖλον, τοῦ δὲ τείχους ἐντὸς γενόμενοι πρὸς τοὺς ἐκβοηθοῦντας διηγωνίζοντο.
シラクサ人たちが海から海へと彼らの防壁を構築していたところ、傭兵たちが大きな叫び声と威嚇とともにその防壁に襲いかかり、守衛たちの多くを殺害し、防壁の内側に入り込んで、救援に駆けつける者たちと激しく戦った。
§16.12.2ὁ δὲ Δίων ἀνελπίστως παρεσπονδημένος μετὰ τῶν ἀρίστων στρατιωτῶν ἀπήντα τοῖς πολεμίοις καὶ συνάψας μάχην πολὺν ἐποίει φόνον.
不意に協定を裏切られたディオンは、最精鋭の兵士たちを率いて敵に立ち向かい、交戦して多くの者を殺戮した。
ἐν σταδίῳ γὰρ ὥσπερ, τῷ ὀλίγῳ δὴ διαστήματι τῆς διατειχίσεως, μάχης οὔσης συνέδραμε πλῆθος στρατιωτῶν εἰς στενὸν τόπον.
というのも、防壁のあの狭い間隔という、まるで競技場の中のような場所で戦闘が行われていたため、多数の兵士が狭い場所に押し寄せたからである。
§16.12.3διὸ καὶ παρʼ ἀμφοτέροις οἱ ταῖς ἀνδραγαθίαις πρωτεύοντες συγκατέβησαν εἰς τὸν κίνδυνον·
それゆえ、双方において勇敢さで抜きん出た者たちが、ともにその危険へと身を投じた。
καὶ τῶν μὲν τοῦ Διονυσίου μισθοφόρων διὰ τὸ μέγεθος τῶν ἐπαγγελιῶν, τῶν δὲ Συρακοσίων διὰ τὴν ἐλπίδα τῆς ἐλευθερίας εἰς ὑπερβάλλουσαν φιλοτιμίαν ἐκτραπέντων τὸ μὲν πρῶτον ἰσόρροπος ἦν ἡ μάχη, τῆς παρʼ ἀμφοτέροις ἀρετῆς οὔσης ἰσομάχου, καὶ πολλοὶ μὲν ἔπιπτον, οὐκ ὀλίγοιδὲ κατετιτρώσκοντο πάσας τὰς πληγὰς ἐναντίας λαμβάνοντες·
そして、ディオニュシオスの傭兵たちは約束された恩賞の大きさのゆえに、シラクサ人たちは自由への希望のゆえに、並外れた闘志を燃え立たせたため、最初は、双方の勇猛さが互角であったことから戦闘は伯仲しており、多くの者が倒れ、少なくない者がすべての傷を前方から受けながら負傷した。
οἱ μὲν γὰρ πρωτοστάται τὸν ὑπὲρ τῶν ἄλλων θάνατον ὑπέμενον εὐψύχως, οἱ δʼ ἐπιτεταγμένοι τοὺς πίπτοντας ὑπερασπίζοντες καὶ τοῖς δεινοῖς ἐγκαρτεροῦντες τοὺς ἐσχάτους κινδύνους ὑπὲρ τῆς νίκης ἀνεδέχοντο.
前列の者たちは他者たちのための死を勇敢に受け入れ、後列に配された者たちは倒れる者を盾で庇い、窮状を耐え忍んで、勝利のために極限の危険を引き受けていたからである。
§16.12.4μετὰ δὲ ταῦτα Δίων μὲν ἀριστεῦσαι βουλόμενος ἐν τῇ μάχῃ καὶ σπεύδων διʼ ἑαυτοῦ περιποιήσασθαι τὴν νίκην εἰς μέσους ἐβιάσατο τοὺς πολεμίους·
その後、ディオンは戦闘において抜群の武功を立てることを望み、自らの手で勝利をもたらそうと焦るあまり、敵の真っ只中へと突入していった。
ἡρωικῶς δʼ ἀγωνιζόμενος πολλοὺς μὲν ἐφόνευσε, τὴν δʼ ὅλην σύνταξιν τῶν μισθοφόρων διακόψας ἐναπελήφθη μόνος τῷ πλήθει·
彼は英雄的に戦って多くの者を殺害し、傭兵たちの全隊列を突破したものの、大軍の中にただ一人取り残されてしまった。
πολλῶν δʼ ἐπʼ αὐτὸν ῥιφέντων βελῶν εἴς τε τὴν ἀσπίδα καὶ τὸ κράνος ταῦτα μὲν ἐξέφυγε διὰ τὴν τῶν ὅπλων κατασκευήν, εἰς δὲ τὸν δεξιὸν βραχίονα τρωθεὶς συγκατηνέχθη τῷ βάρει τῆς πληγῆς καὶ τοῖς πολεμίοις παρʼ ὀλίγον ὑποχείριος ἐγένετο.
多くの投射兵器が彼の盾や兜に投げつけられたが、これらは武具の頑丈な作りのゆえに防ぎきったものの、右腕を負傷し、傷の重みのゆえに倒れ伏して、あやうく敵の手中に落ちるところであった。
§16.12.5οἱ δὲ Συρακόσιοι δείσαντες ὑπὲρ τῆς κατὰ τὸν στρατηγὸν σωτηρίας ἐπέρραξαν τοῖς μισθοφόροις βαρείᾳ τῇ συντάξει καὶ τὸν μὲν Δίωνα καταπονούμενον ἐξήρπασαν ἐκ τῶν κινδύνων, τοὺς δὲ πολεμίους βιασάμενοι φυγεῖν ἠνάγκασαν.
シラクサ人たちは、将軍の身の安全を案じて、重厚な隊列を組んで傭兵たちに突撃し、疲弊していたディオンを危険から救い出し、敵を圧倒して敗走させた。
ὁμοίως δὲ καὶ κατὰ τὸν ἄλλον τόπον τοῦ τείχους προτερούντων τῶν Συρακοσίων οἱ τοῦ τυράννου μισθοφόροι συνεδιώχθησαν ἐντὸς πυλῶν τῶν ἐν τῇ Νήσῳ.
同様に、防壁の他の場所でもシラクサ人たちが優勢であったため、僭主の傭兵たちは「島」にある門の内側へと追い詰められた。
ἐπιφανεῖ δὲ μάχῃ νικήσαντες οἱ Συρακόσιοι καὶ τὴν ἐλευθερίαν βεβαίως κτησάμενοι τρόπαιον ἔστησαν κατὰ τοῦ τυράννου.
シラクサ人たちは輝かしい戦闘で勝利を収め、自由を確固たるものにして、僭主に対する勝利記念碑を打ち立てた。