§15.69.1εὐθὺ δὲ ἐπὶ Τροιζῆνα καὶ Ἐπίδαυρον πορευθεὶς τὴν μὲν χώραν ἐδῄωσε, τῶν δὲ πόλεων οὐκ ἐδυνήθη κρατῆσαι διὰ τὸ φρουρὰς ἔχειν ἀξιολόγους, Σικυῶνα δὲ καὶ Φλιοῦντα καί τινας ἄλλας πόλεις καταπληξάμενος προσηγάγετο.
彼はただちにトロイゼンとエピダウロスへ向かって進軍し、その領地を荒らしたものの、十分な守備隊が置かれていたためにそれらの都市を制圧することはできなかったが、シキュオンとプリウスおよび他のいくつかの都市を威嚇して味方に引き入れた。
στρατεύσας δʼ ἐπὶ Κόρινθον, καὶ τῶν Κορινθίων ἐπεξελθόντων νικήσας μάχῃ, τούτους μὲν ἐντὸς τῶν τειχῶν συνεδίωξε, τῶν δὲ Βοιωτῶν διὰ τὴν εὐημερίαν μετεωρισθέντων, καί τινων προχείρως τολμησάντων διὰ τῆς πύλης εἰς τὴν πόλιν εἰσβιάζεσθαι, οἱ μὲν Κορίνθιοι δείσαντες ἐτράπησαν εἰς τὰς οἰκίας, Χαβρίας δʼ ὁ τῶν Ἀθηναίων στρατηγὸς ἐμφρόνως ἅμα καὶ τεθαρρηκότως ὑποστὰς τοὺς μὲν ἐξέβαλεν ἐκ τῆς πόλεως, πολλοὺς δὲ τῶν Βοιωτῶν κατέβαλεν.
さらに、彼はコリントスに対して遠征し、出撃してきたコリントス人を戦闘で破ると、彼らを城壁の中へと追い詰めたが、ボイオティア人が勝利に沸いて高揚し、その一部の者が不用意にも門を通って市内へと強行突入しようとしたため、コリントス人は恐れて家々へと逃げ去ったが、アテナイ人の将軍カブリアスは賢明かつ勇敢に立ち塞がり、ある者たちを市内から撃退し、ボイオティア人の多くを打ち倒した。
§15.69.2γενομένης δὲ φιλοτιμίας, οἱ μὲν Βοιωτοὶ πᾶσαν τὴν δύναμιν συντάξαντες ἐπῆγον ἐπὶ τὴν Κόρινθον καταπληκτικῶς, ὁ δὲ Χαβρίας ἀναλαβὼν τοὺς Ἀθηναίους προῆγεν ἐκ τῆς πόλεως, καὶ καταλαβόμενος τοὺς ὑπερδεξίους τόπους ὑπέστη τὴν τῶν πολεμίων ἔφοδον.
競争心が沸き起こる中、ボイオティア人は全軍を整列させて恐るべき勢いでコリントスへと進撃したが、カブリアスはアテナイ人を率いて市内から進出し、高地を占拠して敵の攻撃を迎え撃った。
§15.69.3οἱ μὲν οὖν Βοιωτοί, πεποιθότες ταῖς τῶν σωμάτων ῥώμαις καὶ ταῖς ἐν τοῖς συνεχέσι πολέμοις ἐμπειρίαις, τῇ βίᾳ τοὺς Ἀθηναίους ἤλπιζον χειρώσασθαι, οἱ δὲ περὶ τὸν Χαβρίαν ἐκ τόπων ὑπερδεξίων ἀγωνιζόμενοι, καὶ πολλῶν ἐκ τῆς πόλεως χορηγουμένων, οὓς μὲν ἀνῄρουν τῶν βιαζομένων, τοὺς δὲ κατετίτρωσκον.
そこで、ボイオティア人は強靭な肉体と絶え間ない戦争による経験を頼みにして、力尽くでアテナイ人を圧倒することを望んだが、カブリアスとその部下たちは高地から戦闘を行い、また市内から多くの物資が供給されていたため、押し寄せる者のうちある者を殺害し、ある者に傷を負わせた。
§15.69.4οἱ δὲ Βοιωτοί, πολλὰ μὲν κακοπαθήσαντες, οὐδὲν δὲ πρᾶξαι δυνάμενοι, τὴν ἀναχώρησιν ἐποιήσαντο.
こうしてボイオティア人は、多大な損害を被り、何ら目的を果たすことができなかったため、退却した。
Χαβρίας μὲν οὖν ἐπὶ ἀνδρείᾳ καὶ στρατηγικῇ συνέσει θαυμασθεὶς τοῦτον τὸν τρόπον ἀπετρίψατο τοὺς πολεμίους.
このようにカブリアスは、その勇気と将軍としての才知によって称賛され、この方法で敵を退けたのである。