§13.99.1ἅμα δʼ οἵ τε ναύαρχοι τοῖς σαλπιγκταῖς παρεκελεύοντο σημαίνειν καὶ τὸ παρʼ ἑκατέροις πλῆθος ἐναλλὰξ ἐπαλαλάζον ἐξαίσιον ἐποίει βοήν·
同時に、指揮官たちは喇叭手たちに突撃の合図を吹くよう命じ、双方の兵士たちの群れは代わる代わる鬨の声をあげて凄まじい叫び声を響かせた。
πάντες δὲ μετὰ σπουδῆς ἐλαύνοντες τὸ ῥόθιον ἐφιλοτιμοῦντο πρὸς ἀλλήλους, ἑκάστου σπεύδοντος πρώτου κατάρξασθαι τῆς μάχης.
全員が熱心に波を漕ぎ分けながら、互いに競い合い、それぞれが一番に戦闘を始めることを急いでいた。
§13.99.2ἔμπειροί τε γὰρ ἦσαν τῶν κινδύνων οἱ πλεῖστοι διὰ τὸ μῆκος τοῦ πολέμου καὶ σπουδὴν ἀνυπέρβλητον εἰσεφέροντο διὰ τὸ τοὺς κρατίστους εἰς τὸν ὑπὲρ τῶν ὅλων ἀγῶνα συνηθροῖσθαι·
なぜなら、大部分の者は戦争が長引いたために危険に慣れており、また、最も優れた者たちが全体の命運をかけた戦いのために集められていたことによって、比類のない熱意を注ぎ込んでいたからである。
πάντες γὰρ ὑπελάμβανον τοὺς ταύτῃ τῇ μάχῃ νικήσαντας πέρας ἐπιθήσειν τῷ πολέμῳ.
実際、全員が、この戦いで勝利を収めた者が戦争に終止符を打つだろうと考えていた。
§13.99.3οὐ μὴν ἀλλʼ ὁ Καλλικρατίδας ἀκηκοὼς τοῦ μάντεως τὴν περὶ αὐτὸν ἐσομένην τελευτήν, ἔσπευδεν ἐπιφανέστατον ἑαυτῷ περιποιήσασθαι θάνατον.
とはいえ、カッリクラティダスは、予言者から自分に訪れる死について聞いていたため、自分自身に最も輝かしい死をもたらそうと努めていた。
διόπερ πρῶτος ἐπὶ τὴν Λυσίου τοῦ στρατηγοῦ ναῦν ἐπιπλεύσας, καὶ σὺν ταῖς ἅμα πλεούσαις τριήρεσιν ἐξ ἐφόδου τρώσας, κατέδυσε·
それゆえ、まず将軍リュシアスの船に突撃し、随伴する三段櫂船とともに、一撃のもとにそれを破損させて撃沈した。
τῶν δʼ ἄλλων τὰς μὲν τοῖς ἐμβόλοις τύπτων ἄπλους ἐποίει, τῶν δὲ τοὺς ταρσοὺς παρασύρων ἀχρήστους ἀπετέλει πρὸς τὴν μάχην.
また、他の船のうち、あるものは衝角で打つことによって航行不能にし、あるものはその櫂の列を削ぎ落とすことによって、戦闘に対して役立たずなものにした。
§13.99.4τὸ δὲ τελευταῖον δοὺς ἐμβολὴν τῇ τοῦ Περικλέους τριήρει βιαιότερον, τῆς μὲν τριήρους ἐπὶ πολὺν ἀνέρρηξε τόπον, τοῦ δὲ στόματος ἐναρμοσθέντος εἰς τὴν λακίδα, καὶ μὴ δυναμένων αὐτῶν ἀνακρούσασθαι, Περικλῆς μὲν ἐπέβαλε τῇ τοῦ Καλλικρατίδα νηὶ σιδηρᾶν χεῖρα, προσαφθείσης δʼ αὐτῆς οἱ μὲν Ἀθηναῖοι περιστάντες τὴν ναῦν εἰσήλλοντο, καὶ περιχυθέντες τοὺς ἐν αὐτῇ πάντας ἀπέσφαξαν.
最後に、彼はペリクレスの三段櫂船に対してより激しく体当たりをし、その船の広い部分を破ったが、彼の船首がその裂け目に嵌まり込み、彼らが船を後退させることができなくなった。 そこでペリクレスは、カッリクラティダスの船に鉄の鉤を投げかけ、それが引っかかると、アテナイ人たちは船を取り囲んで飛び乗り、群がって船内のすべての人々を虐殺した。
§13.99.5τότε δή φασι τὸν Καλλικρατίδαν λαμπρῶς ἀγωνισάμενον καὶ πολὺν ἀντισχόντα χρόνον, τὸ τελευταῖον ὑπὸ τοῦ πλήθους πανταχόθεν τιτρωσκόμενον καταπονηθῆναι.
そのとき、カッリクラティダスは見事に戦い、長い間持ちこたえたものの、最後には四方から多勢によって傷を負わされ、圧倒されたと言われている。
ὡς δὲ τὸ περὶ τὸν ναύαρχον ἐλάττωμα συμφανὲς ἐγένετο, συνέβη τοὺς Πελοποννησίους δείσαντας ἐγκλῖναι.
そして、この指揮官の敗死が明らかになると、ペロポネソス人たちは恐れて敗走することになった。
§13.99.6τοῦ δὲ δεξιοῦ μέρους τῶν Πελοποννησίων φυγόντος, οἱ τὸ λαιὸν ἔχοντες Βοιωτοὶ χρόνον μέν τινα διεκαρτέρουν εὐρώστως ἀγωνιζόμενοι·
ペロポネソス人の右翼が逃亡すると、左翼を保持していたボイオティア人たちは、しばらくの間は力強く戦って持ちこたえていた。
εὐλαβοῦντο γὰρ αὐτοί τε καὶ οἱ συγκινδυνεύοντες Εὐβοεῖς καὶ πάντες οἱ τῶν Ἀθηναίων ἀφεστηκότες, μήποτε Ἀθηναῖοι τὴν ἀρχὴν ἀνακτησάμενοι τιμωρίαν παρʼ αὐτῶν λάβωσιν ὑπὲρ τῆς ἀποστάσεως·
彼ら自身も、ともに危険を冒していたエウボイア人たちも、そしてアテナイから離反したすべての者たちも、アテナイ人が覇権を奪還した場合に、自分たちの反逆に対して報復を受けるのではないかと恐れていたからである。
ἐπειδὴ δὲ τὰς πλείστας ναῦς ἑώρων τετρωμένας καὶ τὸ πλῆθος τῶν νικώντων ἐπʼ αὐτοὺς ἐπιστραφέν, ἠναγκάσθησαν φυγεῖν.
しかし、大半の船が破損し、勝利した者たちの軍勢が自分たちの方に向きを変えてくるのを目にすると、彼らも逃走せざるを得なくなった。
τῶν μὲν οὖν Πελοποννησίων οἱ μὲν εἰς Χίον, οἱ δʼ εἰς Κύμην διεσώθησαν.
こうしてペロポネソス人のうち、ある者はキオスへ、ある者はキュメへと逃れて命を救った。