§13.44.1μετὰ δὲ τὴν ἐπάνοδον τῶν πρεσβευτῶν Καρχηδόνιοι μὲν τοῖς Αἰγεσταίοις ἀπέστειλαν Λίβυάς τε πεντακισχιλίους καὶ τῶν Καμπανῶν ὀκτακοσίους.
使節たちの帰還の後、カルタゴ人はアイゲスタ人に5000人のリビア人と、カンパニア人のうちの800人を派遣した。
§13.44.2οὗτοι δʼ ἦσαν ὑπὸ τῶν Χαλκιδέων τοῖς Ἀθηναίοις εἰς τὸν πρὸς Συρακοσίους πόλεμον μεμισθωμένοι, καὶ μετὰ τὴν ἧτταν καταπεπλευκότες οὐκ εἶχον τοὺς μισθοδοτήσοντας·
彼らは、カルキス人によってアテナイ人のために、シラクサ人に対する戦争への傭兵として雇われており、敗北の後に船で下ってきたものの、給与を支払ってくれる者をもたずにいた。
οἱ δὲ Καρχηδόνιοι πᾶσιν ἵππους ἀγοράσαντες καὶ μισθοὺς ἀξιολόγους δόντες εἰς τὴν Αἴγεσταν κατέστησαν.
そこでカルタゴ人は全員に馬を買い与え、かなりの給料を支給してアイゲスタに配置した。
§13.44.3οἱ δὲ Σελινούντιοι κατʼ ἐκείνους τοὺς χρόνους εὐδαιμονοῦντες, καὶ τῆς πόλεως αὐτοῖς πολυανδρούσης, κατεφρόνουν τῶν Αἰγεσταίων.
そのころセリヌス人は繁栄しており、彼らの都市の人口も多かったため、アイゲスタ人を侮っていた。
καὶ τὸ μὲν πρῶτον ἐν τάξει τὴν ὅμορον χώραν ἐπόρθουν, πολὺ προέχοντες ταῖς δυνάμεσι, μετὰ δὲ ταῦτα καταφρονήσαντες κατὰ πᾶσαν τὴν χώραν ἐσκεδάσθησαν.
そして最初は、軍事力において大いに勝っていたので、規律正しく隣接する土地を略奪していたが、その後は侮るあまり、その地の至る所に散らばってしまった。
§13.44.4οἱ δὲ τῶν Αἰγεσταίων στρατηγοὶ παρατηρήσαντες αὐτοὺς ἐπέθεντο μετὰ τῶν Καρχηδονίων καὶ τῶν Καμπανῶν.
アイゲスタ人の将軍たちは彼らを監視しており、カルタゴ人およびカンパニア人とともに襲いかかった。
ἀπροσδοκήτου δὲ τῆς ἐφόδου γενομένης ῥᾳδίως ἐτρέψαντο τοὺς Σελινουντίους, καὶ τῶν μὲν στρατιωτῶν ἀνεῖλον περὶ χιλίους, τῆς δὲ λείας πάσης ἐκυρίευσαν.
襲撃が不意のことであったため、彼らは容易にセリヌス人を敗走させ、兵士のうち約1000人を殺害し、すべての戦利品を手に入れた。
μετὰ δὲ τὴν μάχην εὐθέως ἀπέστειλαν πρέσβεις, οἱ μὲν Σελινούντιοι πρὸς Συρακοσίους, οἱ δʼ Αἰγεσταῖοι πρὸς Καρχηδονίους, περὶ βοηθείας.
戦闘の直後、彼らは使節を派遣した。 セリヌス人はシラクサ人へ、アイゲスタ人はカルタゴ人へ、援助を求めて。
§13.44.5ἑκατέρων δʼ ἐπαγγειλαμένων συμμαχήσειν, ὁ μὲν Καρχηδονιακὸς πόλεμος ταύτην ἔλαβεν ἀρχήν·
双方が援助を約束したため、カルタゴ戦争はこのようにして始まった。
οἱ δὲ Καρχηδόνιοι προορώμενοι τὸ μέγεθος τοῦ πολέμου, τὴν ἐπιτροπὴν ἔδωκαν Ἀννίβᾳ τῷ στρατηγῷ περὶ τοῦ μεγέθους τῆς δυνάμεως, καὶ πάντα προθύμως ὑπηρέτουν.
カルタゴ人は戦争の規模の大きさを予見し、将軍ハンニバルに軍勢の規模に関する決定権を与え、あらゆるものを熱心に供給した。
§13.44.6ὁ δὲ Ἀννίβας τό τε θέρος ἐκεῖνο καὶ τὸν συνάπτοντα χειμῶνα πολλοὺς μὲν ἐξ Ἰβηρίας ἐξενολόγησεν, οὐκ ὀλίγους δὲ καὶ τῶν πολιτῶν κατέγραφεν·
ハンニバルはその夏とそれに続く冬の間、イベリアから多くの傭兵を募り、市民からも少なからぬ者を兵籍に登録した。
ἐπῄει δὲ καὶ τὴν Λιβύην ἐπιλεγόμενος ἐξ ἁπάσης πόλεως τοὺς κρατίστους, καὶ ναῦς παρεσκευάζετο, διανοούμενος τῆς ἐαρινῆς ὥρας ἐνισταμένης διαβιβάζειν τὰς δυνάμεις.
さらに、彼はリビアをも巡ってあらゆる都市から最も優秀な者を選び出し、春の季節が始まると同時に軍勢を渡海させるつもりで、船を準備した。
τὰ μὲν οὖν κατὰ τὴν Σικελίαν ἐν τούτοις ἦν.
シケリアの情勢はこのような状態であった。