§13.22.1οἱ γὰρ ὑποτεταγμένοι τοὺς μὲν φόβῳ κατισχύοντας καιροτηρήσαντες ἀμύνονται διὰ τὸ μῖσος, τοὺς δὲ φιλανθρώπως ἀφηγουμένους βεβαίως ἀγαπῶντες ἀεὶ συναύξουσι τὴν ἡγεμονίαν.
なぜなら、支配されている者たちは、恐怖によって力づくで押しつける者たちに対しては、機会をうかがって憎しみから報復するが、人間愛をもって指導する者たちに対しては、確固として愛し、常にその覇権をともに増大させるからである。
τί καθεῖλε τὴν Μήδων ἀρχήν;
メディア人の支配を滅ぼしたのは何か。
ἡ πρὸς τοὺς ταπεινοτέρους ὠμότης.
身分の低い者たちに対する残酷さである。
§13.22.2ἀποστάντων γὰρ Περσῶν καὶ τὰ πλεῖστα τῶν ἐθνῶν συνεπέθετο.
ペルシア人が反乱を起こしたとき、諸民族の大半も同調して攻撃したのである。
πῶς γὰρ Κῦρος ἐξ ἰδιώτου τῆς Ἀσίας ὅλης ἐβασίλευσε;
では、キュロスはいかにして一介の私人から全アジアの王となったのか。
τῇ πρὸς τοὺς κρατηθέντας εὐγνωμοσύνῃ.
征服された者たちに対する寛大さによってである。
Κροῖσον γὰρ τὸν βασιλέα λαβὼν αἰχμάλωτον οὐχ ὅπως ἠδίκησεν, ἀλλὰ καὶ προσευηργέτησεν·
なぜなら、王クロイソスを捕虜として捕らえた際、彼は不当に扱うどころか、さらに恩恵すら施したからである。
παραπλησίως δὲ καὶ τοῖς ἄλλοις βασιλεῦσί τε καὶ δήμοις προσηνέχθη.
そして同様に、他の王たちや民衆たちに対しても接した。
§13.22.3τοιγαροῦν διαδοθείσης εἰς πάντα τόπον τῆς ἡμερότητος ἅπαντες οἱ κατὰ τὴν Ἀσίαν ἀλλήλους φθάνοντες εἰς τὴν τοῦ βασιλέως συμμαχίαν παρεγίνοντο.
それゆえ、彼の温厚さがあらゆる場所に広まると、アジア中の人々はみな互いに先を争って王の同盟へと加わった。
§13.22.4τί λέγω τὰ μακρὰν καὶ τόποις καὶ χρόνοις ἀφεστηκότα;
場所においても時間においても遠く離れたことを、なぜ私が語る必要があろうか。
κατὰ γὰρ τὴν ἡμετέραν πόλιν οὐ πάλαι Γέλων ἐξ ἰδιώτου τῆς Σικελίας ὅλης ἡγεμὼν ἐγένετο, τῶν πόλεων ἑκουσίως εἰς τὴν ἐξουσίαν ἐκείνου παραγενομένων·
我々の都市においては、つい最近、ゲロンが一介の私人から全シケリアの指導者となったが、これは諸都市が自発的に彼の支配下に入ったからである。
προσεκαλεῖτο γὰρ ἡ τἀνδρὸς ἐπιείκεια πάντας ἀνθρώπους, τὴν εἰς τοὺς ἠτυχηκότας συγγνώμην προσλαβοῦσα.
なぜなら、その男の寛大さがすべての人々を引き寄せたのであり、不幸な者たちに対する寛容さを併せ持っていたからである。
§13.22.5ἀπʼ ἐκείνων οὖν τῶν χρόνων τῆς κατὰ Σικελίαν ἡγεμονίας ἀντιποιουμένης τῆς πόλεως, μὴ καταρρίψωμεν τὸν ὑπὲρ τῶν προγόνων ἔπαινον, μηδʼ ἑαυτοὺς θηριώδεις καὶ ἀπαραιτήτους πρὸς ἀνθρωπίνην ἀτυχίαν παράσχωμεν.
したがって、あの時代から我々の都市がシケリアにおける覇権を求めているのであるから、先祖たちに対する称賛を地に落としてはならないし、人間の不幸に対して自分たちを野蛮で無慈悲な存在として示してはならない。
οὐ γὰρ προσήκει δοῦναι τῷ φθόνῳ καθʼ ἡμῶν ἀφορμὴν εἰπεῖν, ὡς ἀναξίως εὐτυχοῦμεν·
我々に対する妬みに「我々は分不相応に幸運に恵まれている」と言う機会を与えてはならないからである。
καλὸν γὰρ καὶ τὸ τῆς τύχης ἀντιπραττούσης ἔχειν τοὺς συναλγήσοντας καὶ πάλιν ἐν τοῖς κατορθώμασι τοὺς ἡδομένους.
運命が敵対するときにはともに痛んでくれる人々を持ち、反対に、成功を収めたときにはともに喜んでくれる人々を持つことは、美しいことだからである。
§13.22.6τὰ μὲν οὖν ἐν τοῖς ὅπλοις πλεονεκτήματα τύχῃ καὶ καιρῷ κρίνεται πολλάκις, ἡ δʼ ἐν ταῖς εὐπραξίαις ἡμερότης ἴδιόν ἐστι σημεῖον τῆς τῶν εὐτυχούντων ἀρετῆς.
さて、武器における優位はしばしば運命と好機によって決まるものであるが、繁栄における温厚さは、幸運に恵まれた者たちの徳の、固有の証拠である。
διὸ μὴ φθονήσητε τῇ πατρίδι περιβόητον γενέσθαι παρὰ πᾶσιν ἀνθρώποις, ὅτι τοὺς Ἀθηναίους ἐνίκησεν οὐ μόνον τοῖς ὅπλοις, ἀλλὰ καὶ τῇ φιλανθρωπίᾳ.
それゆえ、祖国がすべての人々の間で評判になることを拒まないでほしい。 アテナイ人に、武器においてだけでなく、人間愛においても勝利したということで。
§13.22.7φανήσονται γὰρ οἱ τῶν ἄλλων ὑπερέχειν ἡμερότητι σεμνυνόμενοι τῇ παρʼ ἡμῶν εὐγνωμοσύνῃ πολυωρούμενοι, καὶ οἱ πρῶτοι βωμὸν ἐλέου καθιδρυσάμενοι τοῦτον ἐν τῇ πόλει τῶν Συρακοσίων εὑρήσουσιν.
なぜなら、温厚さにおいて他者に優れていると誇っている人々が、我々の寛大さによって手厚く配慮されていることが明らかになるであろうし、最初に慈悲の祭壇を築いた人々が、それをシラクサの市の中に見出すことになるからである。
§13.22.8ἐξ ὧν πᾶσιν ἔσται φανερόν, ὡς ἐκεῖνοι μὲν δικαίως ἐσφάλησαν, ἡμεῖς δʼ ἀξίως ηὐτυχήσαμεν, εἴπερ οἱ μὲν τοιούτους ἀδικεῖν ἐπεχείρησαν οἳ καὶ πρὸς τοὺς ἐχθροὺς εὐγνωμόνησαν, ἡμεῖς δὲ τοιούτους ἐνικήσαμεν οἳ καὶ τοῖς πολεμιωτάτοις μερίζουσι τὸν ἔλεον ἐτόλμησαν ἐπιβουλεῦσαι·
これらのことから、すべての人に明らかになるだろう。 彼らは当然の報いとして敗北し、我々は受けるに値して幸運を得たということが。 もし、彼らが敵に対しても寛大に振る舞ったような人々を不当に扱おうと試み、我々が最も敵対的な者たちにさえ慈悲を分け与える人々に対して敢えて陰謀を企てたような者たちを打ち負かしたのであれば。
ὥστε μὴ μόνον ὑπὸ τῶν ἄλλων κατηγορίας τυγχάνειν τοὺς Ἀθηναίους, ἀλλὰ καὶ αὐτοὺς ἑαυτῶν καταγινώσκειν, εἰ τοιούτους ἄνδρας ἀδικεῖν ἐνεχείρησαν.
その結果、アテナイ人は他者から非難を受けるだけでなく、そのような人々を害することに着手したのだとしたら、自ら自身を断罪することになるだろう。