§13.22.1οἱ γὰρ ὑποτεταγμένοι τοὺς μὲν φόβῳ κατισχύοντας καιροτηρήσαντες ἀμύνονται διὰ τὸ μῖσος, τοὺς δὲ φιλανθρώπως ἀφηγουμένους βεβαίως ἀγαπῶντες ἀεὶ συναύξουσι τὴν ἡγεμονίαν.
지배를 받는 자들은 기회를 엿보아, 공포로 자신들을 내리누르는 자들에게는 증오 때문에 보복하지만, 인도주의로 자신들을 이끄는 자들은 확고히 사랑하며 항상 그 패권을 함께 증대시키기 때문입니다.
τί καθεῖλε τὴν Μήδων ἀρχήν;
메디아인의 제국을 무너뜨린 것은 무엇입니까?
ἡ πρὸς τοὺς ταπεινοτέρους ὠμότης.
지위가 낮은 자들에 대한 가혹함이었습니다.
§13.22.2ἀποστάντων γὰρ Περσῶν καὶ τὰ πλεῖστα τῶν ἐθνῶν συνεπέθετο.
페르시아인들이 반란을 일으켰을 때, 대부분의 민족들도 이에 동조하여 공격했습니다.
πῶς γὰρ Κῦρος ἐξ ἰδιώτου τῆς Ἀσίας ὅλης ἐβασίλευσε;
그렇다면 키루스는 어떻게 일개의 사인에서 온 아시아의 왕이 되었습니까?
τῇ πρὸς τοὺς κρατηθέντας εὐγνωμοσύνῃ.
정복당한 자들에 대한 관대함 덕분이었습니다.
Κροῖσον γὰρ τὸν βασιλέα λαβὼν αἰχμάλωτον οὐχ ὅπως ἠδίκησεν, ἀλλὰ καὶ προσευηργέτησεν·
왜냐하면 크로이소스 왕을 포로로 잡았을 때, 그는 그에게 부당하게 대하기는커녕 오히려 은혜를 베풀었기 때문입니다.
παραπλησίως δὲ καὶ τοῖς ἄλλοις βασιλεῦσί τε καὶ δήμοις προσηνέχθη.
그리고 마찬가지로 다른 왕들과 민중들에게도 처신했습니다.
§13.22.3τοιγαροῦν διαδοθείσης εἰς πάντα τόπον τῆς ἡμερότητος ἅπαντες οἱ κατὰ τὴν Ἀσίαν ἀλλήλους φθάνοντες εἰς τὴν τοῦ βασιλέως συμμαχίαν παρεγίνοντο.
그리하여 그의 온화함이 모든 곳으로 퍼져 나가자, 아시아의 모든 이들이 서로 앞다투어 왕의 동맹에 참여하게 되었습니다.
§13.22.4τί λέγω τὰ μακρὰν καὶ τόποις καὶ χρόνοις ἀφεστηκότα;
공간과 시간 면에서 멀리 떨어진 일들을 내가 왜 말하겠습니까?
κατὰ γὰρ τὴν ἡμετέραν πόλιν οὐ πάλαι Γέλων ἐξ ἰδιώτου τῆς Σικελίας ὅλης ἡγεμὼν ἐγένετο, τῶν πόλεων ἑκουσίως εἰς τὴν ἐξουσίαν ἐκείνου παραγενομένων·
우리 도시에서도 그리 멀지 않은 과거에 겔론이 일개의 사인에서 온 시켈리아의 지도자가 되었는데, 이는 도시들이 자발적으로 그의 권세 아래로 들어왔기 때문입니다.
προσεκαλεῖτο γὰρ ἡ τἀνδρὸς ἐπιείκεια πάντας ἀνθρώπους, τὴν εἰς τοὺς ἠτυχηκότας συγγνώμην προσλαβοῦσα.
그 사람의 너그러움이 불행을 당한 이들에 대한 용서를 더하여 모든 사람들을 끌어당겼기 때문입니다.
§13.22.5ἀπʼ ἐκείνων οὖν τῶν χρόνων τῆς κατὰ Σικελίαν ἡγεμονίας ἀντιποιουμένης τῆς πόλεως, μὴ καταρρίψωμεν τὸν ὑπὲρ τῶν προγόνων ἔπαινον, μηδʼ ἑαυτοὺς θηριώδεις καὶ ἀπαραιτήτους πρὸς ἀνθρωπίνην ἀτυχίαν παράσχωμεν.
그러므로 그 시절부터 우리 도시가 시켈리아의 패권을 다투고 있는 만큼, 선조들에 대한 찬사를 떨어뜨리지 말며, 인간의 불행에 대해 우리 자신을 야만적이고 무자비한 존재로 보여주지 맙시다.
οὐ γὰρ προσήκει δοῦναι τῷ φθόνῳ καθʼ ἡμῶν ἀφορμὴν εἰπεῖν, ὡς ἀναξίως εὐτυχοῦμεν·
우리에 대한 시기심에 "우리가 분에 넘치게 행운을 누리고 있다"고 말할 빌미를 주어서는 안 되기 때문입니다.
καλὸν γὰρ καὶ τὸ τῆς τύχης ἀντιπραττούσης ἔχειν τοὺς συναλγήσοντας καὶ πάλιν ἐν τοῖς κατορθώμασι τοὺς ἡδομένους.
운명이 대적할 때는 함께 아파해 줄 사람들을 두고, 반대로 성공할 때는 함께 기뻐해 줄 사람들을 두는 것은 아름다운 일이기 때문입니다.
§13.22.6τὰ μὲν οὖν ἐν τοῖς ὅπλοις πλεονεκτήματα τύχῃ καὶ καιρῷ κρίνεται πολλάκις, ἡ δʼ ἐν ταῖς εὐπραξίαις ἡμερότης ἴδιόν ἐστι σημεῖον τῆς τῶν εὐτυχούντων ἀρετῆς.
무기에서의 우세는 종종 운명과 기회에 의해 결정되지만, 성공 속에서의 온화함은 행운을 누리는 자들의 탁월함의 고유한 징표입니다.
διὸ μὴ φθονήσητε τῇ πατρίδι περιβόητον γενέσθαι παρὰ πᾶσιν ἀνθρώποις, ὅτι τοὺς Ἀθηναίους ἐνίκησεν οὐ μόνον τοῖς ὅπλοις, ἀλλὰ καὶ τῇ φιλανθρωπίᾳ.
그러므로 조국이 모든 사람들 사이에서 명성을 떨치는 것을 시기하지 마십시오. 아테네인들을 무기뿐만 아니라 인도주의에서도 이겼다는 일로 말입니다.
§13.22.7φανήσονται γὰρ οἱ τῶν ἄλλων ὑπερέχειν ἡμερότητι σεμνυνόμενοι τῇ παρʼ ἡμῶν εὐγνωμοσύνῃ πολυωρούμενοι, καὶ οἱ πρῶτοι βωμὸν ἐλέου καθιδρυσάμενοι τοῦτον ἐν τῇ πόλει τῶν Συρακοσίων εὑρήσουσιν.
왜냐하면 온화함에서 남보다 뛰어나다고 자부하는 자들이 우리의 관대함에 의해 극진히 대접받는 것으로 나타날 것이며, 자비의 제단을 최초로 세운 자들이 이를 시라쿠사인의 도시에서 발견하게 될 것이기 때문입니다.
§13.22.8ἐξ ὧν πᾶσιν ἔσται φανερόν, ὡς ἐκεῖνοι μὲν δικαίως ἐσφάλησαν, ἡμεῖς δʼ ἀξίως ηὐτυχήσαμεν, εἴπερ οἱ μὲν τοιούτους ἀδικεῖν ἐπεχείρησαν οἳ καὶ πρὸς τοὺς ἐχθροὺς εὐγνωμόνησαν, ἡμεῖς δὲ τοιούτους ἐνικήσαμεν οἳ καὶ τοῖς πολεμιωτάτοις μερίζουσι τὸν ἔλεον ἐτόλμησαν ἐπιβουλεῦσαι·
이로써 그들은 당연하게 패배했고 우리는 마땅히 행운을 누렸다는 것이 모든 이에게 명백해질 것입니다. 만일 그들이 적에게마저 관대했던 이들을 해하려 시도했고, 우리는 가장 적대적인 자들에게까지 자비를 나누어 주는 이들을 감히 음해하려 한 자들을 물리쳤다면 말입니다.
ὥστε μὴ μόνον ὑπὸ τῶν ἄλλων κατηγορίας τυγχάνειν τοὺς Ἀθηναίους, ἀλλὰ καὶ αὐτοὺς ἑαυτῶν καταγινώσκειν, εἰ τοιούτους ἄνδρας ἀδικεῖν ἐνεχείρησαν.
그리하여 아테네인들은 다른 이들로부터 비난을 받을 뿐만 아니라, 그러한 이들을 해하려 했다면 스스로 자신을 단죄하게 될 것입니다.