§13.101.1Ἀθηναῖοι δὲ πυθόμενοι τὴν ἐν ταῖς Ἀργινούσαις εὐημερίαν ἐπὶ μὲν τῇ νίκῃ τοὺς στρατηγοὺς ἐπῄνουν, ἐπὶ δὲ τῷ περιιδεῖν ἀτάφους τοὺς ὑπὲρ τῆς ἡγεμονίας τετελευτηκότας χαλεπῶς διετέθησαν.
アテナイ人たちはアルギヌサイでの勝報を知ると、一方では勝利を理由に将軍たちを称賛したが、他方では覇権のために戦死した人々を埋葬せずに放置したことに対して憤慨した。
§13.101.2Θηραμένους δὲ καὶ Θρασυβούλου προαπεληλυθότων εἰς Ἀθήνας, ὑπολαβόντες οἱ στρατηγοὶ τούτους εἶναι τοὺς διαβαλόντας πρὸς τὰ πλήθη περὶ τῶν τελευτησάντων, ἀπέστειλαν κατʼ αὐτῶν ἐπιστολὰς πρὸς τὸν δῆμον, διασαφοῦντες ὅτι τούτοις ἐπέταξαν ἀνελέσθαι τοὺς τελευτήσαντας·
テラメネスとトラスブロスがアテナイへ先に帰還していたため、将軍たちは彼らこそが死者について民衆に対して中傷した者たちであると疑い、彼らに不利な手紙を民会に送り、自分たちが彼らに死者を回収するよう命じたのだと明確に伝えた。
ὅπερ μάλιστʼ αὐτοῖς αἴτιον ἐγενήθη τῶν κακῶν.
これこそが、将軍たちにとって最大の災いの原因となった。
§13.101.3δυνάμενοι γὰρ ἔχειν συναγωνιστὰς εἰς τὴν κρίσιν τοὺς περὶ Θηραμένην, ἄνδρας καὶ λόγῳ δυνατοὺς καὶ φίλους πολλοὺς ἔχοντας, καὶ τὸ μέγιστον, συμπαραγεγονότας τοῖς εἰς τὴν ναυμαχίαν πράγμασιν, ἐκ τῶν ἐναντίων ἔσχον ἀντιδίκους καὶ πικροὺς κατηγόρους.
なぜなら、彼らは裁判においてテラメネスの一派を味方にできたはずであり、彼らは言論においても有力で多くの友人を持ち、何よりも海戦の現場に立ち会っていた人々であったにもかかわらず、それとは反対に、彼らを対立当事者であり容赦ない告発者とすることになったからである。
§13.101.4ἀναγνωσθεισῶν γὰρ ἐν τῷ δήμῳ τῶν ἐπιστολῶν εὐθὺς μὲν τοῖς περὶ Θηραμένην ὠργίζετο τὰ πλήθη, τούτων δὲ ἀπολογησαμένων συνέβη τὴν ὀργὴν πάλιν μεταπεσεῖν εἰς τοὺς στρατηγούς.
手紙が民会で朗読されると、直ちに民衆はテラメネスの一派に対して怒りを募らせたが、彼らが弁明すると、怒りは再び将軍たちへと逆戻りすることになった。
§13.101.5διόπερ ὁ δῆμος προέθηκεν αὐτοῖς κρίσιν, καὶ Κόνωνα μὲν ἀπολύσας τῆς αἰτίας προσέταξε τούτῳ τὰς δυνάμεις παραδίδοσθαι, τοὺς δʼ ἄλλους ἐψηφίσατο τὴν ταχίστην ἥκειν.
それゆえ、民衆は彼らに対する裁判を提起し、コノンについては容疑を晴らして、彼に軍を引き渡すよう命じ、他の将軍たちには一刻も早く帰還するよう議決した。
ὧν Ἀριστογένης μὲν καὶ Πρωτόμαχος φοβηθέντες τὴν ὀργὴν τοῦ πλήθους ἔφυγον, Θράσυλλος δὲ καὶ Καλλιάδης, ἔτι δὲ Λυσίας καὶ Περικλῆς καὶ Ἀριστοκράτης μετὰ τῶν πλείστων νεῶν κατέπλευσαν εἰς τὰς Ἀθήνας, ἐλπίζοντες τοὺς ἐν ταῖς ναυσὶ πολλοὺς ὄντας βοηθοὺς ἕξειν ἐν τῇ κρίσει.
彼らのうち、アリストゲネスとプロトマコスは民衆の怒りを恐れて逃亡したが、トラシュロス、カリアデス、さらにリュシアス、ペリクレス、そしてアリストクラテスは、船の大部分を率いてアテナイへと入港した。 船に乗っている多数の者たちを、裁判において味方にできると期待してのことである。
§13.101.6ὡς δʼ εἰς τὴν ἐκκλησίαν τὰ πλήθη συνῆλθον, τῆς μὲν κατηγορίας καὶ τῶν πρὸς χάριν δημηγορούντων ἤκουον,τοὺς δʼ ἀπολογουμένους συνθορυβοῦντες οὐκ ἠνείχοντο τῶν λόγων.
民衆が民会に集まると、一方では告発や大衆の歓心を買う演説に耳を傾けたが、他方では弁明する者たちを野次によって妨害し、彼らの言葉を聞き入れようとしなかった。
οὐκ ἐλάχιστα δʼ αὐτοὺς ἔβλαψαν οἱ συγγενεῖς τῶν τετελευτηκότων, παρελθόντες μὲν εἰς τὴν ἐκκλησίαν ἐν πενθίμοις, δεόμενοι δὲ τοῦ δήμου τιμωρήσασθαι τοὺς περιεωρακότας ἀτάφους τοὺς ὑπὲρ τῆς πατρίδος προθύμως τετελευτηκότας.
そして、戦死者の遺族たちが彼らに少なからぬ打撃を与えた。 彼らは喪服をまとって民会に現れ、祖国のために自発的に死んでいった人々を埋葬せずに放置した者たちを処罰するよう、民衆に懇願したのである。
§13.101.7τέλος δʼ οἵ τε τούτων φίλοι καὶ οἱ τοῖς περὶ Θηραμένην συναγωνιζόμενοι πολλοὶ καθεστῶτες ἐνίσχυσαν, καὶ συνέβη καταδικασθῆναι τοὺς στρατηγοὺς θανάτῳ καὶ δημεύσει τῶν οὐσιῶν.
ついに、彼らの友人たちや、テラメネスの一派に加担する多くの者たちが優勢となり、将軍たちには死刑および財産没収の判決が下されることになった。