§12.68.1διὸ καὶ θαρρήσας τῷ πλήθει τῶν στρατιωτῶν ἐστράτευσεν ἐπὶ τὴν καλουμένην Ἀμφίπολιν.
それゆえまた、兵士の数に自信を得て、彼は、いわゆるアンフィポリスへと進軍した。
ταύτην δὲ τὴν πόλιν πρότερον μὲν ἐπεχείρησεν οἰκίζειν Ἀρισταγόρας ὁ Μιλήσιος, φεύγων Δαρεῖον τὸν βασιλέα τῶν Περσῶν·
この都市については、かつてミレトスのアリスタゴラスが、ペルシアの王ダレイオスから逃れる際に、植民しようと試みたことがあった。
§12.68.2ἐκείνου δὲ τελευτήσαντος, καὶ τῶν οἰκητόρων ἐκπεσόντων ὑπὸ Θρᾳκῶν τῶν ὀνομαζομένων Ἠδωνῶν, μετὰ ταῦτα ἔτεσι δυσὶ πρὸς τοῖς τριάκοντα Ἀθηναῖοι μυρίους οἰκήτορας εἰς αὐτὴν ἐξέπεμψαν.
彼が死に、また入植者たちがエドノイと呼ばれるトラキア人たちによって追い払われた後、これらの出来事の三十二年後に、アテナイ人たちが一万人の入植者をそこへ送り出した。
ὁμοίως δὲ καὶ τούτων ὑπὸ Θρᾳκῶν διαφθαρέντων περὶ Δράβησκον, διαλιπόντες ἔτη δύο πάλιν ἀνεκτήσαντο τὴν πόλιν Ἅγνωνος ἡγουμένου.
同様に、これら（の入植者）もドラベスコスの近くでトラキア人たちによって滅ぼされると、二年を置いて、彼らはハグノンを指導者として再びその都市を奪回した。
§12.68.3περιμαχήτου δʼ αὐτῆς πολλάκις γεγενημένης, ἔσπευδεν ὁ Βρασίδας κύριος γενέσθαι τῆς πόλεως.
その（都市）は何度も争奪の的となってきたので、ブラシダスはその都市を支配下に置くことを急いだ。
διὸ καὶ στρατεύσας ἐπʼ αὐτὴν ἀξιολόγῳ δυνάμει, καὶ στρατοπεδεύσας πλησίον τῆς γεφύρας, τὸ μὲν πρῶτον εἷλε τὸ προάστειον τῆς πόλεως, τῇ δʼ ὑστεραίᾳ καταπληξάμενος τοὺς Ἀμφιπολίτας παρέλαβε τὴν πόλιν καθʼ ὁμολογίαν, ὥστʼ ἐξεῖναι τῷ βουλομένῳ τὰ ἑαυτοῦ λαβόντα ἀπελθεῖν ἐκ τῆς πόλεως.
それゆえ、有力な軍勢を率いてそこへ進軍し、橋の近くに陣を張ると、最初はまず都市の郊外を占領し、翌日にはアンフィポリスの人々を威嚇して、望む者は誰でも自分の財産を持って都市から退去できるという条件の合意によって都市を受け入れた。
§12.68.4εὐθὺς δὲ καὶ τῶν πλησιοχώρων πόλεων πλείονας προσηγάγετο, ἐν αἷς ἦσαν ἀξιολογώταται Οἰσύμη καὶ Γαληψός, ἀμφότεραι Θασίων ἄποικοι, καὶ Μύρκινον, Ἠδωνικὸν πολισμάτιον.
そして直ちに、近隣の都市の多くをも味方に引き入れた。 それらのうちで最も重要なのは、ともにタソス人の植民都市であるオイシュメとガレプソス、そしてエドノイ人の小都市ミルキノスであった。
ἐπεβάλετο δὲ καὶ ναυπηγεῖσθαι τριήρεις πλείους ἐπὶ τῷ Στρυμόνι ποταμῷ, καὶ στρατιώτας ἔκ τε Λακεδαίμονος καὶ παρὰ τῶν ἄλλων συμμάχων μετεπέμπετο.
また彼は、ストリュモン川でより多くの三段橈船を建造することに着手し、ラケダイモンおよび他の同盟国から兵士たちを召喚した。
§12.68.5κατεσκεύαζε δὲ καὶ πανοπλίας πολλάς, καὶ τοῖς ἀόπλοις τῶν νέων ἀνεδίδου ταύτας, καὶ βελῶν καὶ σίτου καὶ τῶν ἄλλων ἁπάντων παρασκευὰς ἐποιεῖτο.
彼はまた、多くの重装武具を製造させ、若者のうち武器を持たない者たちにこれらを分け与え、投射兵器、食糧、その他あらゆるものの準備を行った。
ὡς δʼ αὐτῷ πάντα παρεσκεύαστο, ἀνέζευξεν ἐκ τῆς Ἀμφιπόλεως μετὰ τῆς δυνάμεως, καὶ παραγενόμενος εἰς τὴν καλουμένην Ἀκτὴν κατεστρατοπέδευσεν.
すべてが準備されると、彼は兵力とともにアンフィポリスから出発し、いわゆるアクテに到着して陣を張った。
ἐν ταύτῃ δʼ ὑπῆρχον πέντε πόλεις, ὧν αἱ μὲν Ἑλληνίδες ἦσαν, Ἀνδρίων ἄποικοι, αἱ δὲ εἶχον ὄχλον βαρβάρων διγλώττων Βισαλτικόν.
この場所には五つの都市があり、それらのうちあるものはアンドロス人の植民都市であるギリシア人の都市であり、他のものはビサルティア系の、二言語を話す異民族の群衆を抱えていた。
§12.68.6ταύτας δὲ χειρωσάμενος ἐστράτευσεν ἐπὶ πόλιν Τορώνην, ἄποικον μὲν Χαλκιδέων, κατεχομένην δὲ ὑπʼ Ἀθηναίων.
これらを制圧すると、彼はトロネの都市へと進軍した。 そこはカルキディア人の植民都市であったが、アテナイ人によって占領されていた。
προδιδόντων δέ τινων τὴν πόλιν, ὑπὸ τούτων εἰσαχθεὶς νυκτὸς ἐκράτησε τῆς Τορώνης ἄνευ κινδύνων.
何人かの者が都市を裏切ろうとしており、彼らによって夜間に引き入れられたため、彼は危険を冒すことなくトロネを支配した。
τὰ μὲν οὖν κατὰ τὸν Βρασίδαν μέχρι τούτου προέβη κατὰ τοῦτον τὸν ἐνιαυτόν.
こうして、この年におけるブラシダスに関する出来事は、ここまで進展した。