§2.9καὶ μέντοι οὐκ ἐψεύσθη.
そして実に、彼の期待は裏切られなかった。
διηγήσομαι δὲ καὶ τὴν μάχην·
私はその戦いについても詳しく語ろう。
καὶ γὰρ ἐγένετο οἵαπερ οὐκ ἄλλη τῶν ἐφʼ ἡμῶν.
というのも、それは我々の時代において他に類を見ないものであったからである。
συνῇσαν μὲν γὰρ εἰς τὸ κατὰ Κορώνειαν πεδίον οἱ μὲν σὺν Ἀγησιλάῳ ἀπὸ τοῦ Κηφισοῦ, οἱ δὲ σὺν τοῖς Θηβαίοις ἀπὸ τοῦ Ἑλικῶνος.
アゲシラオスを擁する一隊はケフィソス川から、テーバイ兵を擁する一隊はヘリコン山から、コロネイアに臨む平原へと集結した。
ἑώρων δὲ τάς τε φάλαγγας ἀλλήλων μάλα ἰσοπάλους, σχεδὸν δὲ καὶ οἱ ἱππεῖς ἦσαν ἑκατέρων ἰσοπληθεῖς.
彼らは互いのファランクスが極めて伯仲しているのを目にし、両軍の騎兵もほぼ同数であった。
εἶχε δὲ Ἀγησίλαος μὲν τὸ δεξιὸν τοῦ μεθʼ ἑαυτοῦ, Ὀρχομένιοι δὲ ἔσχατοι ἦσαν αὐτῷ τοῦ εὐωνύμου.
アゲシラオスは自ら率いる軍の右翼を占め、オルコメノス兵は彼の左翼の最端に位置した。
οἱ δʼ αὖ Θηβαῖοι αὐτοὶ μὲν δεξιοὶ ἦσαν, Ἀργεῖοι δʼ αὐτοῖς τὸ εὐώνυμον εἶχον.
他方、テーバイ兵自身は右翼を占め、アルゴス兵が彼らの左翼を担っていた。
§2.10συνιόντων δὲ τέως μὲν σιγὴ πολλὴ ἦν ἀπʼ ἀμφοτέρων·
彼らが接近する間、しばらくは双方から深い静寂が支配していた。
ἡνίκα δὲ ἀπεῖχον ἀλλήλων ὅσον στάδιον, ἀλαλάξαντες οἱ Θηβαῖοι δρόμῳ ὁμόσε ἐφέροντο.
しかし、互いの距離が1スタディオンほどになったとき、テーバイ兵たちは鬨の声を上げて突進してきた。
ὡς δὲ τριῶν ἔτι πλέθρων ἐν μέσῳ ὄντων ἀντεξέδραμον ἀπὸ τῆς Ἀγησιλάου φάλαγγος ὧν Ἡριππίδας ἐξενάγει
両軍の間にまだ3プレトロンの距離があったとき、アゲシラオスのファランクスから、ヘリッピダスが指揮する傭兵たちが迎え撃つために飛び出した。
§2.11(ἦσαν δʼ οὗτοι τῶν τε ἐξ οἴκου αὐτῷ συστρατευσαμένων καὶ τῶν Κυρείων τινές), καὶ Ἴωνες δὲ καὶ Αἰολεῖς καὶ Ἑλλησπόντιοι ἐχόμενοι.
（これらは彼とともに本国から遠征してきた者たちや、キュロスの旧部下の一部であった）、そしてイオニア人、アイオリス人、ヘレスポントス人もそれに続いて飛び出した。
καὶ πάντες οὗτοι τῶν συνεκδραμόντων τε ἐγένοντο καὶ εἰς δόρυ ἀφικόμενοι ἐτρέψαντο τὸ καθʼ ἑαυτούς.
これらの者たちは全員がともに突撃した者たちに加わり、白兵戦に達すると、自らの正面にいた敵を敗走させた。
Ἀργεῖοι μέντοι οὐκ ἐδέξαντο τοὺς ἀμφʼ Ἀγησίλαον, ἀλλʼ ἔφυγον ἐπὶ τὸν Ἑλικῶνα.
他方、アルゴス兵はアゲシラオスの周囲の兵たちを迎え撃つことなく、ヘリコン山へと逃走した。
κἀνταῦθα οἱ μέν τινες τῶν ξένων ἐστεφάνουν ἤδη τὸν Ἀγησίλαον, ἀγγέλλει δέ τις αὐτῷ ὅτι Θηβαῖοι τοὺς Ὀρχομενίους διακόψαντες ἐν τοῖς σκευοφόροις εἰσί.
そこで、同盟者たちのうちある者はすでにアゲシラオスに勝利の冠を捧げていたが、誰かが彼のもとに駆けつけ、テーバイ兵がオルコメノス兵を突破して荷物部隊のところに達していると報じた。
καὶ ὁ μὲν εὐθὺς ἐξελίξας τὴν φάλαγγα ἦγεν ἐπʼ αὐτούς·
すると彼は直ちにファランクスを反転させ、彼らに向かって進軍した。
οἱ δʼ αὖ Θηβαῖοι ὡς εἶδον τοὺς συμμάχους πρὸς τῷ Ἑλικῶνι πεφευγότας, διαπεσεῖν βουλόμενοι πρὸς τοὺς ἑαυτῶν ἐχώρουν ἐρρωμένως.
一方でテーバイ兵は、同盟者たちがヘリコン山へと逃げ去ったのを見ると、包囲を突破して自軍の味方のところへ合流しようと、力強く前進してきた。
§2.12ἐνταῦθα δὴ Ἀγησίλαον ἀνδρεῖον μὲν ἔξεστιν εἰπεῖν ἀναμφιλόγως, οὐ μέντοι εἵλετό γε τὰ ἀσφαλέστατα·
ここにおいて、アゲシラオスが勇敢であったことは疑いなく断言できるが、最も安全な道を選んだわけではなかった。
ἐξὸν γὰρ αὐτῷ παρέντι τοὺς διαπίπτοντας ἑπομένῳ χειροῦσθαι τοὺς ὄπισθεν οὐκ ἐποίησε τοῦτο, ἀλλʼ ἀντιμέτωπος συνέρραξε τοῖς Θηβαίοις.
なぜなら、突破を図る敵をやり過ごし、追撃しながらその背後から制圧することができたにもかかわらず、彼はそうせず、テーバイ兵と正面から衝突したからである。
καὶ συμβαλόντες τὰς ἀσπίδας ἐωθοῦντο, ἐμάχοντο, ἀπέκτεινον, ἀπέθνῃσκον.
彼らは盾をぶつけ合い、押し合い、戦い、殺し、死んでいった。
καὶ κραυγὴ μὲν οὐδεμία παρῆν, οὐ μὴν οὐδὲ σιγή, φωνὴ δέ τις ἦν τοιαύτη οἵαν ὀργή τε καὶ μάχη παράσχοιτʼ ἄν.
そこには叫び声は一切なかったが、静寂もなく、ただ憤怒と戦闘がもたらすような独特の響きがあった。
τέλος δὲ τῶν Θηβαίων οἱ μὲν διαπίπτουσι πρὸς τὸν Ἑλικῶνα, πολλοὶ δʼ ἀποχωροῦντες ἀπέθανον.
最後にテーバイ兵の一部はヘリコン山へと突破したが、多くは退却する途中で死んだ。
§2.13ἐπειδὴ δὲ ἡ μὲν νίκη σὺν Ἀγησιλάῳ ἐγένετο, τετρωμένος δʼ αὐτὸς προσηνέχθη πρὸς τὴν φάλαγγα, προσελάσαντές τινες τῶν ἱππέων λέγουσιν αὐτῷ ὅτι τῶν πολεμίων ὀγδοήκοντα σὺν τοῖς ὅπλοις ὑπὸ τῷ ναῷ εἰσι, καὶ ἠρώτων τί χρὴ ποιεῖν.
勝利がアゲシラオスのものとなり、負傷した彼自身がファランクスのもとへ運ばれたとき、数名の騎兵が馬を寄せてきて、敵兵のうち80名が武具を持ったまま神殿の下にいることを彼に告げ、どうすべきかを尋ねた。
ὁ δὲ καίπερ πολλὰ τραύματα ἔχων πάντοσε καὶ παντοίοις ὅπλοις ὅμως οὐκ ἐπελάθετο τοῦ θείου, ἀλλʼ ἐᾶν τε ἀπιέναι ὅποι βούλοιντο ἐκέλευε καὶ ἀδικεῖν οὐκ εἴα, καὶ προπέμψαι ἐπέταξε τοὺς ἀμφʼ αὐτὸν ἱππεῖς ἔστε ἐν τῷ ἀσφαλεῖ ἐγένοντο.
彼は、あらゆる箇所にあらゆる種類の武器による多くの傷を負っていたにもかかわらず、神への敬虔さを忘れることなく、彼らが望むところへ立ち去るのを許すように命じ、危害を加えることを禁じ、自分の周囲の騎兵たちに彼らが安全な場所に達するまで護衛するように命じた。
§2.14ἐπεί γε μὴν ἔληξεν ἡ μάχη, παρῆν δὴ θεάσασθαι ἔνθα συνέπεσον ἀλλήλοις τὴν μὲν γῆν αἵματι πεφυρμένην, νεκροὺς δὲ κειμένους φιλίους καὶ πολεμίους μετʼ ἀλλήλων, ἀσπίδας δὲ διατεθρυμμένας, δόρατα συντεθραυσμένα, ἐγχειρίδια γυμνὰ κολεῶν, τὰ μὲν χαμαί, τὰ δʼ ἐν σώματι, τὰ δʼ ἔτι μετὰ χεῖρας.
戦闘が終息したとき、彼らが激突した場所では、大地は血にまみれ、味方と敵の死体が入り混じって横たわり、盾は砕かれ、槍は折れ、鞘から抜かれた短剣が、あるものは地面に、あるものは体に突き刺さり、あるものは未だ手に握られている光景を目にすることができた。
§2.15τότε μὲν οὖν (καὶ γὰρ ἦν ἤδη ὀψέ) συνελκύσαντες τοὺς τῶν πολεμίων νεκροὺς εἴσω φάλαγγος ἐδειπνοποιήσαντο καὶ ἐκοιμήθησαν·
そのとき（すでに遅い時間であったため）、彼らは敵の死体をファランクスの内側へ引き入れ、夕食をとり、眠りについた。
πρῲ δὲ Γῦλιν τὸν πολέμαρχον παρατάξαι τε ἐκέλευσε τὸ στράτευμα καὶ τρόπαιον ἵστασθαι καὶ στεφανοῦσθαι πάντας τῷ θεῷ καὶ τοὺς αὐλητὰς πάντας αὐλεῖν.
翌朝早く、彼はポレマルコス（軍指揮官）のギュリスに命じて軍を整列させ、戦勝記念碑を建て、全員が神のために冠を戴き、すべてのフルート奏者がフルートを吹くようにさせた。