§9.89.1Ἀρτάβαζος δὲ ὁ Φαρνάκεος φεύγων ἐκ Πλαταιέων καὶ δὴ πρόσω ἐγίνετο.
ファルナケスの子アルタバゾスは、プラタイアから逃亡してすでに前進していた。
ἀπικόμενον δὲ μιν οἱ Θεσσαλοὶ παρὰ σφέας ἐπί τε ξείνια ἐκάλεον καὶ ἀνειρώτων περὶ τῆς στρατιῆς τῆς ἄλλης, οὐδὲν ἐπιστάμενοι τῶν ἐν Πλαταιῇσι γενομένων.
彼らのもとに到着した彼を、テッサリア人たちはもてなしに招き、プラタイアで起こったことを何も知らなかったので、他の軍勢について尋ねた。
§9.89.2ὁ δὲ Ἀρτάβαζος γνοὺς ὅτι εἰ ἐθέλει σφι πᾶσαν τὴν ἀληθείην τῶν ἀγώνων εἰπεῖν, αὐτός τε κινδυνεύσει ἀπολέσθαι καὶ ὁ μετʼ αὐτοῦ στρατός·
しかしアルタバゾスは、もし戦いの全真実を彼らに話すことを望むなら、自分自身も、そして自分とともにいる軍隊も滅びる危険に直面するであろうと判断した。
ἐπιθήσεσθαι γάρ οἱ πάντα τινὰ οἴετο πυνθανόμενον τὰ γεγονότα.
なぜなら、起こったことを知れば、誰もが自分に襲いかかるだろうと思ったからである。
ταῦτα ἐκλογιζόμενος οὔτε πρὸς τοὺς Φωκέας ἐξηγόρευε οὐδὲν πρός τε τοὺς Θεσσαλοὺς ἔλεγε τάδε.
このように考慮して、彼はフォキス人たちにも何も明かさず、テッサリア人たちに対しても次のように語った。
§9.89.3ἐγὼ μὲν ὦ ἄνδρες Θεσσαλοί, ὡς ὁρᾶτε, ἐπείγομαί τε κατὰ τάχος ἐλῶν ἐς Θρηίκην καὶ σπουδὴν ἔχω, πεμφθεὶς κατά τι πρῆγμα ἐκ τοῦ στρατοπέδου μετὰ τῶνδε·
「テッサリアの諸君、見ての通り、私はこれらの者たちを率いてある任務のために陣営から派遣され、大急ぎでトラキアへと進んでいる最中であり、先を急いている。
αὐτὸς δὲ ὑμῖν Μαρδόνιος καὶ ὁ στρατὸς αὐτοῦ, οὗτος κατὰ πόδας ἐμεῦ ἐλαύνων προσδόκιμος ἐστί.
マルドニオス自身とその軍勢は、私のすぐ後を追って進軍しており、あなた方のもとに到着する見込みである。
τοῦτον καὶ ξεινίζετε καὶ εὖ ποιεῦντες φαίνεσθε·
彼を歓迎し、親切に扱っている様子を見せるがよい。
οὐ γὰρ ὑμῖν ἐς χρόνον ταῦτα ποιεῦσι μεταμελήσει.
あなた方がこのようにしても、後になって後悔することはないだろうから。
§9.89.4ταῦτα δὲ εἴπας ἀπήλαυνε σπουδῇ τὴν στρατιὴν διὰ Θεσσαλίης τε καὶ Μακεδονίης ἰθὺ τῆς Θρηίκης, ὡς ἀληθέως ἐπειγόμενος, καὶ τὴν μεσόγαιαν τάμνων τῆς ὁδοῦ.
」こう言うと、彼は本当に急いでいるかのように、軍を率いてテッサリアとマケドニアを通り、内陸部の道を進んでトラキアへとまっすぐ退却した。
καὶ ἀπικνέεται ἐς Βυζάντιον, καταλιπὼν τοῦ στρατοῦ τοῦ ἑωυτοῦ συχνοὺς ὑπὸ Θρηίκων κατακοπέντας κατʼ ὁδὸν καὶ λιμῷ συστάντας καὶ καμάτῳ·
そして、道中でトラキア人によって切り殺されたり、飢えと疲労に苦しめられたりした自身の軍勢の多数の者を後に残しつつ、ビュザンティオンに到着した。
ἐκ Βυζαντίου δὲ διέβη πλοίοισι.
ビュザンティオンからは船で渡海した。
οὗτος μὲν οὕτω ἀπενόστησε ἐς τὴν Ἀσίην.
こうして彼はアジアへと帰還した。