§8.106.1ὡς δὲ τὸ στράτευμα τὸ Περσικὸν ὅρμα βασιλεὺς ἐπὶ τὰς Ἀθήνας ἐὼν ἐν Σάρδισι, ἐνθαῦτα καταβὰς κατὰ δή τι πρῆγμα ὁ Ἑρμότιμος ἐς γῆν τὴν Μυσίην, τὴν Χῖοι μὲν νέμονται Ἀταρνεὺς δὲ καλέεται, εὑρίσκει τὸν Πανιώνιον ἐνθαῦτα.
ペルシア軍がアテナイに向けて進軍し始め、王がサルディスにいたとき、ヘルモティモスはある用事のためにそこからミュシアの地へ下って行ったが、その地はキオス人が領有しておりアタルネウスと呼ばれている。 そこで彼はパニオニオスを見つけた。
§8.106.2ἐπιγνοὺς δὲ ἔλεγε πρὸς αὐτὸν πολλοὺς καὶ φιλίους λόγους, πρῶτα μέν οἱ καταλέγων ὅσα αὐτὸς διʼ ἐκεῖνον ἔχοι ἀγαθά, δεύτερα δέ οἱ ὑπισχνεύμενος ἀντὶ τούτων ὅσα μιν ἀγαθὰ ποιήσει ἢν κομίσας τοὺς οἰκέτας οἰκέῃ ἐκείνῃ, ὥστε ὑποδεξάμενον ἄσμενον τοὺς λόγους τὸν Πανιώνιον κομίσαι τὰ τέκνα καὶ τὴν γυναῖκα.
彼だと気づくと、ヘルモティモスは彼に対して多くの親しげな言葉を語り、まず第一に、自分が彼のおかげでいかに多くの良いものを手に入れたかを列挙し、第二に、それらの返礼として、もし彼が家族を連れてそこに移り住むならば、いかに彼を幸せにするかを約束した。 その結果、パニオニオスは喜んでその言葉を受け入れ、子供たちと妻を連れてきた。
§8.106.3ὡς δὲ ἄρα πανοικίῃ μιν περιέλαβε, ἔλεγε ὁ Ἑρμότιμος τάδε.
こうして彼が家族全員とともにパニオニオスを手中に収めると、ヘルモティモスは次のように言った。
ὦ πάντων ἀνδρῶν ἤδη μάλιστα ἀπʼ ἔργων ἀνοσιωτάτων τὸν βίον κτησάμενε, τί σε ἐγὼ κακὸν ἢ αὐτὸς ἢ τῶν ἐμῶν τίς σε προγόνων ἐργάσατο, ἢ σὲ ἢ τῶν σῶν τινα, ὅτι με ἀντʼ ἀνδρὸς ἐποίησας τὸ μηδὲν εἶναι;
「おお、およそ人間の中で、極めて不浄な仕事によって生計を立ててきた者よ。 私自身、あるいは私の先祖の誰が、お前や、あるいはお前の身内の誰に、何の害悪をなしたというので、お前は私を男から無価値な存在にしたのか。
ἐδόκεές τε θεοὺς λήσειν οἷα ἐμηχανῶ τότε·
お前は当時企てていたことを神々に気づかれないとでも思っていたのか。
οἳ σε ποιήσαντα ἀνόσια, νόμῳ δικαίῳ χρεώμενοι, ὑπήγαγον ἐς χεῖρας τὰς ἐμάς, ὥστε σε μὴ μέμψασθαι τὴν ἀπʼ ἐμέο τοι ἐσομένην δίκην.
不浄なことを行ったお前を、神々は正義の法に従って私の手に引き渡されたのだ。 それゆえ、これから私からお前に下される報いについて、お前は不平を言うことはできない。
§8.106.4ὡς δέ οἱ ταῦτα ὠνείδισε, ἀχθέντων τῶν παίδων ἐς ὄψιν ἠναγκάζετο ὁ Πανιώνιος τῶν ἑωυτοῦ παίδων τεσσέρων ἐόντων τὰ αἰδοῖα ἀποτάμνειν, ἀναγκαζόμενος δὲ ἐποίεε ταῦτα·
」彼がこのようにパニオニオスを非難すると、子供たちが目の前に引き出され、パニオニオスは自分の4人いる子供たちの陰部を自ら切り取ることを強要された。 強要されて、彼はそれを行った。
αὐτοῦ τε, ὡς ταῦτα ἐργάσατο, οἱ παῖδες ἀναγκαζόμενοι ἀπέταμνον.
そして、彼がこれを行い終えると、今度は子供たちが強要されて、彼自身の陰部を切り取った。
Πανιώνιον μέν νυν οὕτω περιῆλθε ἥ τε τίσις καὶ Ἑρμότιμος.
このようにして、復讐とヘルモティモスがパニオニオスの身に降りかかったのである。