§7.39.1κάρτα τε ἐθυμώθη ὁ Ξέρξης καὶ ἀμείβετο τοῖσιδε.
クセルクセスは非常に怒り、次のように答えた。
ὦ κακὲ ἄνθρωπε, σὺ ἐτόλμησας, ἐμεῦ στρατευομένου αὐτοῦ ἐπὶ τὴν Ἑλλάδα καὶ ἄγοντος παῖδας ἐμοὺς καὶ ἀδελφεοὺς καὶ οἰκηίους καὶ φίλους, μνήσασθαι περὶ σέο παιδός, ἐὼν ἐμὸς δοῦλος, τὸν χρῆν πανοικίῃ αὐτῇ τῇ γυναικὶ συνέπεσθαι;
「悪しき男よ、私自身がギリシアへ遠征し、私自身の子供たちや、兄弟たち、親族、友人たちを率いているというのに、お前は私の奴隷でありながら、お前の子供について言及するとは、よくもそんな気になったものだ。 その者は、妻をも含む全家族を挙げて私に付き従うべきであるのに。
εὖ νυν τόδʼ ἐξεπίστασο, ὡς ἐν τοῖσι ὠσὶ τῶν ἀνθρώπων οἰκέει ὁ θυμός, ὃς χρηστὰ μὲν ἀκούσας τέρψιος ἐμπιπλεῖ τὸ σῶμα, ὑπεναντία δὲ τούτοισι ἀκούσας ἀνοιδέει.
では、このことをよく知っておくがよい。 人間の怒りは耳の中に住んでおり、それは、良いことを聞けば体を喜びで満たし、それとは反対のことを聞けば膨れ上がるのだ。
§7.39.2ὅτε μέν νυν χρηστὰ ποιήσας ἕτερα τοιαῦτα ἐπηγγέλλεο, εὐεργεσίῃσι βασιλέα οὐ καυχήσεαι ὑπερβαλέσθαι·
お前がかつて善いことを行い、またそれに類する別のことを約束したときには、恩義において王を上回ったと誇ることはできまい。
ἐπείτε δὲ ἐς τὸ ἀναιδέστερον ἐτράπευ, τὴν μὲν ἀξίην οὐ λάμψεαι, ἐλάσσω δὲ τῆς ἀξίης.
しかし、お前がより無恥な態度に転じたからには、ふさわしい罰を受けることはないが、ふさわしいものよりは軽い罰を受けることになるだろう。
σὲ μὲν γὰρ καὶ τοὺς τέσσερας τῶν παίδων ῥύεται τὰ ξείνια·
というのも、お前自身と4人の息子たちは、もてなしの絆が救ってくれるからだ。
τοῦ δὲ ἑνός, τοῦ περιέχεαι μάλιστα, τῇ ψυχῇ ζημιώσεαι.
しかし、お前が最も執着しているその1人については、その命をもって罰せられることになるだろう。
§7.39.3ὡς δὲ ταῦτα ὑπεκρίνατο, αὐτίκα ἐκέλευε τοῖσι προσετέτακτο ταῦτα πρήσσειν, τῶν Πυθίου παίδων ἐξευρόντας τὸν πρεσβύτατον μέσον διαταμεῖν, διαταμόντας δὲ τὰ ἡμίτομα διαθεῖναι τὸ μὲν ἐπὶ δεξιὰ τῆς ὁδοῦ τὸ δʼ ἐπʼ ἀριστερά, καὶ ταύτῃ διεξιέναι τὸν στρατόν.
」彼はこのように答えると、ただちに、これらのことを行うように命じられていた者たちに、ピュティオスの息子たちのうちで一番上の者を見つけ出して胴体を真っ二つに切り裂き、切り裂いたその左右の半身を、一方は道の右側に、他方は左側に配置し、そこを軍勢が通過するようにせよと命じた。