§7.236.1λέγει μετὰ τοῦτον Ἀχαιμένης, ἀδελφεός τε ἐὼν Ξέρξεω καὶ τοῦ ναυτικοῦ στρατοῦ στρατηγός, παρατυχών τε τῷ λόγῳ καὶ δείσας μὴ ἀναγνωσθῇ Ξέρξης ποιέειν ταῦτα,
ὦ βασιλεῦ, ὁρῶ σε ἀνδρὸς ἐνδεκόμενον λόγους ὃς φθονέει τοι εὖ πρήσσοντι ἢ καὶ προδιδοῖ πρήγματα τὰ σά.
この人の後に、クセルクセスの兄弟であり海軍の将軍でもあったアカイメネスが語った。 彼はその対話に居合わせ、クセルクセスが説得されてこれらを実行するのではないかと恐れたのである。 「王よ、私はあなたが、ご成功されているあなたを妬み、あるいはあなたの国事をも裏切ろうとしている男の言葉を受け入れておられるのを目にしております。
καὶ γὰρ δὴ καὶ τρόποισι τοιούτοισι χρεώμενοι Ἕλληνες χαίρουσι·
実にギリシア人というものは、このような性質を用いて喜ぶものだからです。
τοῦ τε εὐτυχέειν φθονέουσι καὶ τὸ κρέσσον στυγέουσι.
彼らは成功を妬み、より優れたものを憎むのです。
§7.236.2εἰ δʼ ἐπὶ τῇσι παρεούσῃσι τύχῃσι, τῶν νέες νεναυηγήκασι τετρακόσιαι, ἄλλας ἐκ τοῦ στρατοπέδου τριηκοσίας ἀποπέμψεις περιπλέειν Πελοπόννησον, ἀξιόμαχοί τοι γίνονται οἱ ἀντίπαλοι·
しかし、もし四〇〇隻の船が難破してしまった現在の不運な状況に加えて、あなたが陣営からさらに別の三〇〇隻をペロポネソス周航のために派遣されるならば、敵はあなたにとって戦うに足りる相手となってしまいます。
ἁλὴς δὲ ἐὼν ὁ ναυτικὸς στρατὸς δυσμεταχείριστός τε αὐτοῖσι γίνεται, καὶ ἀρχὴν οὐκ ἀξιόμαχοί τοι ἔσονται, καὶ πᾶς ὁ ναυτικὸς τῷ πεζῷ ἀρήξει καὶ ὁ πεζὸς τῷ ναυτικῷ ὁμοῦ πορευόμενος·
これに対して、海軍が一体となってまとまっているならば、彼らにとって対処しがたいものとなり、そもそも彼らはあなたに対して戦うに足りる存在ではなくなるでしょう。 そして海軍の全体が陸軍を助け、陸軍もまた共に進軍しながら海軍を助けることになります。
εἰ δὲ διασπάσεις, οὔτε σὺ ἔσεαι ἐκείνοισι χρήσιμος οὔτε ἐκεῖνοι σοί.
しかし、もしあなたが分断するならば、あなたも彼らの役に立たず、彼らもあなたの役に立たなくなるでしょう。
§7.236.3τὰ σεωτοῦ δὲ τιθέμενον εὖ γνώμην ἔχω τὰ τῶν ἀντιπολέμων μὴ ἐπιλέγεσθαι πρήγματα, τῇ τε στήσονται τὸν πόλεμον τά τε ποιήσουσι ὅσοι τε πλῆθος εἰσί.
私としては、あなたご自身の事柄を良く処理した上で、敵の事柄――すなわち、彼らがどこに戦線を構えるか、何を行うか、その数がどれほどであるか――については考慮に入れないことが良いと考えます。
ἱκανοὶ γὰρ ἐκεῖνοί γε αὐτοὶ ἑωυτῶν πέρι φροντίζειν εἰσί, ἡμεῖς δὲ ἡμέων ὡσαύτως.
なぜなら、彼らは自分たち自身のことを心配すれば十分であり、我々も我々自身について同様にするべきだからです。
Λακεδαιμόνιοι δὲ ἢν ἴωσι ἀντία Πέρσῃσι ἐς μάχην, οὐδὲν τὸ παρεὸν τρῶμα ἀκεῦνται.
スパルタ人たちは、もしペルシア人に対して戦いに向かうならば、彼らが現在受けている打撃を少しも癒すことはできないでしょう。 」