§7.13.1τὸν μὲν ταῦτα εἰπόντα ἐδόκεε ὁ Ξέρξης ἀποπτάσθαι, ἡμέρης δὲ ἐπιλαμψάσης ὀνείρου μὲν τούτου λόγον οὐδένα ἐποιέετο, ὁ δὲ Περσέων συναλίσας τοὺς καὶ πρότερον συνέλεξε, ἔλεξέ σφι τάδε.
その男がこう語ると、クセルクセスには彼が飛び去って行くように思われた。 日が昇ると、彼はこの夢を全く気に留めず、以前にも集めたペルシア人たちを再び招集し、彼らに次のように語った。
§7.13.2ἄνδρες Πέρσαι, συγγνώμην μοι ἔχετε ὅτι ἀγχίστροφα βουλεύομαι·
「ペルシア人たちよ、私が考えをくるくると変えることを許してほしい。
φρενῶν τε γὰρ ἐς τὰ ἐμεωυτοῦ πρῶτα οὔκω ἀνήκω, καὶ οἱ παρηγορεόμενοι ἐκεῖνα ποιέειν οὐδένα χρόνον μευ ἀπέχονται.
というのも、私はまだ自分自身の思慮の最高潮に達しておらず、また私にあのことを行うよう促す者たちが、片時も私から離れようとしないからだ。
ἀκούσαντι μέντοι μοι τῆς Ἀρταβάνου γνώμης παραυτίκα μὲν ἡ νεότης ἐπέζεσε, ὥστε ἀεικέστερα ἀπορρῖψαι ἔπεα ἐς ἄνδρα πρεσβύτερον ἢ χρεόν·
しかし、アルタバノスの意見を聞いた時には、即座に私の若さが沸き立ち、その結果、年長者に対して言うべきではない、あまりにも無作法な言葉を投げかけてしまった。
νῦν μέντοι συγγνοὺς χρήσομαι τῇ ἐκείνου γνώμῃ.
だが今は、非を認めて彼の意見に従うことにする。
§7.13.3ὡς ὦν μεταδεδογμένον μοι μὴ στρατεύεσθαι ἐπὶ τὴν Ἑλλάδα, ἥσυχοι ἔστε.
それゆえ、ギリシアへ遠征しないことに私が考えを改めたものとして、諸君は安心しているがよい。 」