§5.73.1οὗτοι μέν νυν δεδεμένοι ἐτελεύτησαν.
さて、これらの者たちは拘束されたまま処刑された。
Ἀθηναῖοι δὲ μετὰ ταῦτα Κλεισθένεα καὶ τὰ ἑπτακόσια ἐπίστια τὰ διωχθέντα ὑπὸ Κλεομένεος μεταπεμψάμενοι πέμπουσι ἀγγέλους ἐς Σάρδις, συμμαχίην βουλόμενοι ποιήσασθαι πρὸς Πέρσας·
その後、アテナイ人たちはクレイステネスと、クレオメネスによって追放されていた七百世帯を呼び戻し、ペルシア人との同盟を結ぶことを望んで、サルディスに使節を送った。
ἠπιστέατο γὰρ σφίσι Λακεδαιμονίουςτε καὶ Κλεομένεα ἐκπεπολεμῶσθαι.
彼らは、ラケダイモン人とクレオメネスが自分たちに対して敵対関係に入ったことを確信していたからである。
§5.73.2ἀπικομένων δὲ τῶν ἀγγέλων ἐς τὰς Σάρδις καὶ λεγόντων τὰ ἐντεταλμένα, Ἀρταφρένης ὁ Ὑστάσπεος Σαρδίων ὕπαρχος ἐπειρώτα τίνες ἐόντες ἄνθρωποι καὶ κοῦ γῆς οἰκημένοι δεοίατο Περσέων σύμμαχοι γενέσθαι, πυθόμενος δὲ πρὸς τῶν ἀγγέλων ἀπεκορύφου σφι τάδε·
使節たちがサルディスに到着し、委ねられた用向きを伝えると、ヒュスタスペスの子でサルディスの太守であるアルタプレネスは、ペルシア人の同盟者になることを懇願する彼らが、いったいいかなる人々で、地上のどこに住んでいるのかを尋ねた。 そして使節たちから説明を聞くと、彼は次のように話を締めくくった。
εἰ μὲν διδοῦσι βασιλέι Δαρείῳ Ἀθηναῖοι γῆν τε καὶ ὕδωρ, ὁ δὲ συμμαχίην σφι συνετίθετο, εἰ δὲ μὴ διδοῦσι, ἀπαλλάσσεσθαι αὐτοὺς ἐκέλευε.
もしアテナイ人がダレイオス王に「土と水」を差し出すならば、彼は同盟を結ぶが、差し出さないならば、立ち去るようにと命じた。
§5.73.3οἱ δὲ ἄγγελοι ἐπὶ σφέων αὐτῶν βαλόμενοι διδόναι ἔφασαν, βουλόμενοι τὴν συμμαχίην ποιήσασθαι.
しかし、使節たちは独断で差し出すと答えた。 同盟を結ぶことを望んでいたからである。
οὗτοι μὲν δὴ ἀπελθόντες ἐς τὴν ἑωυτῶν αἰτίας μεγάλας εἶχον.
こうして彼らは自国へ帰還したが、激しい非難を浴びることになった。