§4.68.1ἐπεὰν δὲ βασιλεὺς ὁ Σκυθέων κάμῃ, μεταπέμπεται τῶν μαντίων ἄνδρας τρεῖς τοὺς εὐδοκιμέοντας μάλιστα, οἳ τρόπῳ τῷ εἰρημένῳ μαντεύονται·
スキタイの王が病気になると、最も評判の良い占い師を三名呼び寄せる。 彼らは前述の方法で占う。
καὶ λέγουσι οὗτοι ὡς τὸ ἐπίπαν μάλιστα τάδε, ὡς τὰς βασιληίας ἱστίας ἐπιώρκηκε ὃς καὶ ὅς, λέγοντες τῶν ἀστῶν τὸν ἂν δὴ λέγωσι.
そして彼らは大抵、しかじかの者が王の炉にかけて偽りの誓いをしたと言って、市民の中から自分たちが指名する者を告発するのである。
§4.68.2τὰς δὲ βασιληίας ἱστίας νόμος Σκύθῃσι τὰ μάλιστα ἐστὶ ὀμνύναι τότε ἐπεὰν τὸν μέγιστον ὅρκον ἐθέλωσι ὀμνύναι.
王の炉にかけて誓うことは、スキタイ人にとって、最大の誓いを立てようとするときに最も重んじられる慣習である。
αὐτίκα δὲ διαλελαμμένος ἄγεται οὗτος τὸν ἂν δὴ φῶσι ἐπιορκῆσαι, ἀπιγμένον δὲ ἐλέγχουσι οἱ μάντιες ὡς ἐπιορκήσας φαίνεται ἐν τῇ μαντικῇ τὰς βασιληίας ἱστίας καὶ διὰ ταῦτα ἀλγέει ὁ βασιλεύς·
彼らが偽りの誓いをしたと言った者は、ただちに捕らえられて連行される。 到着すると、占い師たちは、彼が占いにおいて王の炉にかけて偽りの誓いをしたことが明らかであり、そのために王が苦しんでいるのだと追及する。
ὁ δὲ ἀρνέεται, οὐ φάμενος ἐπιορκῆσαι, καὶ δεινολογέεται.
しかし、その者は偽りの誓いはしていないと言って否定し、不当を激しく訴える。
§4.68.3ἀρνεομένου δὲ τούτου ὁ βασιλεὺς μεταπέμπεται ἄλλους διπλησίους μάντιας·
この者が否定すると、王はさらにその二倍の数の占い師たちを呼び寄せる。
καὶ ἢν μὲν καὶ οὗτοι ἐσορῶντες ἐς τὴν μαντικὴν καταδήσωσι ἐπιορκῆσαι, τοῦ δὲ ἰθέως τὴν κεφαλὴν ἀποτάμνουσι, καὶ τὰ χρήματα αὐτοῦ διαλαγχάνουσι οἱ πρῶτοι τῶν μαντίων·
もしこの者たちもまた、占いを見て偽りの誓いをしたと断定したならば、直ちにその者の首を切り落とし、最初の占い師たちが彼の財産を分配する。
§4.68.4ἢν δὲ οἱ ἐπελθόντες μάντιες ἀπολύσωσι, ἄλλοι πάρεισι μάντιες καὶ μάλα ἄλλοι.
しかし、もし後から来た占い師たちが釈放したならば、さらに別の占い師たちが、そしてまた別の占い師たちが立ち会う。
ἢν ὦν οἱ πλεῦνες τὸν ἄνθρωπον ἀπολύσωσι, δέδοκται τοῖσι πρώτοισι τῶν μαντίων αὐτοῖσι ἀπόλλυσθαι.
そこで、もし過半数の占い師たちがその男を釈放したならば、最初の占い師たち自身が死ぬべきであると決定されるのである。