§4.68.1ἐπεὰν δὲ βασιλεὺς ὁ Σκυθέων κάμῃ, μεταπέμπεται τῶν μαντίων ἄνδρας τρεῖς τοὺς εὐδοκιμέοντας μάλιστα, οἳ τρόπῳ τῷ εἰρημένῳ μαντεύονται·
스키타이의 왕이 병에 걸리면, 그는 가장 명성 있는 점술가 세 명을 불러오는데, 그들은 앞서 말한 방식으로 점을 친다.
καὶ λέγουσι οὗτοι ὡς τὸ ἐπίπαν μάλιστα τάδε, ὡς τὰς βασιληίας ἱστίας ἐπιώρκηκε ὃς καὶ ὅς, λέγοντες τῶν ἀστῶν τὸν ἂν δὴ λέγωσι.
그리고 이들은 대개 아무개 소시민이 왕실의 화로를 두고 거짓 맹세를 했다고 말하며, 자신들이 지목하는 시민 중 한 사람의 이름을 댄다.
§4.68.2τὰς δὲ βασιληίας ἱστίας νόμος Σκύθῃσι τὰ μάλιστα ἐστὶ ὀμνύναι τότε ἐπεὰν τὸν μέγιστον ὅρκον ἐθέλωσι ὀμνύναι.
왕실의 화로를 두고 맹세하는 것은 스키타이인들에게 가장 중대한 맹세를 하려 할 때 가장 널리 행해지는 관습이다.
αὐτίκα δὲ διαλελαμμένος ἄγεται οὗτος τὸν ἂν δὴ φῶσι ἐπιορκῆσαι, ἀπιγμένον δὲ ἐλέγχουσι οἱ μάντιες ὡς ἐπιορκήσας φαίνεται ἐν τῇ μαντικῇ τὰς βασιληίας ἱστίας καὶ διὰ ταῦτα ἀλγέει ὁ βασιλεύς·
그들이 거짓 맹세를 했다고 말한 자는 즉시 붙잡혀 끌려온다. 그가 도착하면, 점술가들은 그가 점술에서 왕실의 화로를 두고 거짓 맹세를 한 것이 분명히 드러났으며, 그 때문에 왕이 앓아누운 것이라고 추궁한다.
ὁ δὲ ἀρνέεται, οὐ φάμενος ἐπιορκῆσαι, καὶ δεινολογέεται.
그러나 그 자는 거짓 맹세를 하지 않았다고 부인하며 자신에게 가해진 부당함을 격렬히 호소한다.
§4.68.3ἀρνεομένου δὲ τούτου ὁ βασιλεὺς μεταπέμπεται ἄλλους διπλησίους μάντιας·
이 자가 부인하면, 왕은 그 배에 달하는 다른 점술가들을 불러온다.
καὶ ἢν μὲν καὶ οὗτοι ἐσορῶντες ἐς τὴν μαντικὴν καταδήσωσι ἐπιορκῆσαι, τοῦ δὲ ἰθέως τὴν κεφαλὴν ἀποτάμνουσι, καὶ τὰ χρήματα αὐτοῦ διαλαγχάνουσι οἱ πρῶτοι τῶν μαντίων·
만일 이들 역시 점술을 살펴보아 그가 거짓 맹세를 했다고 단정하면, 즉시 그의 목을 베고 첫 번째 점술가들이 그의 재산을 나누어 갖는다.
§4.68.4ἢν δὲ οἱ ἐπελθόντες μάντιες ἀπολύσωσι, ἄλλοι πάρεισι μάντιες καὶ μάλα ἄλλοι.
그러나 만일 새로 온 점술가들이 그를 방면하면, 다른 점술가들이 오고, 또 다른 점술가들이 동원된다.
ἢν ὦν οἱ πλεῦνες τὸν ἄνθρωπον ἀπολύσωσι, δέδοκται τοῖσι πρώτοισι τῶν μαντίων αὐτοῖσι ἀπόλλυσθαι.
그리하여 만일 다수의 점술가들이 그 자를 방면하면, 첫 번째 점술가들 자신이 죽임을 당해야 하는 것으로 결정된다.