§4.62.1τοῖσι μὲν δὴ ἄλλοισι τῶν θεῶν οὕτω θύουσι καὶ ταῦτα τῶν κτηνέων, τῷ δὲ Ἄρεϊ ὧδε.
他の神々に対しては、彼らはこのように、またこれらの家畜を犠牲にするが、アレスに対しては次のようにする。
κατὰ νομοὺς ἑκάστους τῶν ἀρχέων ἐσίδρυται σφι Ἄρεος ἱρὸν·
彼らの支配領域の各県において、アレスの神域が彼らによって設立されている。
τοιόνδε φρυγάνων φάκελοι συννενέαται ὅσον τʼ ἐπὶ σταδίους τρεῖς μῆκος καὶ εὖρος, ὕψος δὲ ἔλασσον·
それは次のようなものである。 すなわち、柴の束が、長さと幅がそれぞれおよそ三スタディオンにわたって、高さはそれより低く、積み上げられている。
ἄνω δὲ τούτου τετράγωνον ἄπεδον πεποίηται, καὶ τὰ μὲν τρία τῶν κώλων ἐστὶ ἀπότομα, κατὰ δὲ τὸ ἓν ἐπιβατόν.
この上部には四角い平地が作られており、その側の三方は切り立っているが、一方の側から登ることができる。
§4.62.2ἔτεος δὲ ἑκάστου ἁμάξας πεντήκοντα καὶ ἑκατὸν ἐπινέουσι φρυγάνων·
毎年、彼らは百五十台の荷車分の柴をさらに積み上げる。
ὑπονοστέει γὰρ δὴ αἰεὶ ὑπὸ τῶν χειμώνων.
というのも、それは冬の嵐によって常に沈下するからである。
ἐπὶ τούτου δὴ τοῦ σηκοῦ ἀκινάκης σιδήρεος ἵδρυται ἀρχαῖος ἑκάστοισι, καὶ τοῦτʼ ἐστὶ τοῦ Ἄρεος τὸ ἄγαλμα.
このマウンドの上に、各々の県で、古代の鉄製のアキナケスが立てられており、これがアレスの神像なのである。
τούτῳ δὲ τῷ ἀκινάκῃ θυσίας ἐπετείους προσάγουσι προβάτων καὶ ἵππων, καὶ δὴ καὶ τοῖσιδʼ ἔτι πλέω θύουσι ἢ τοῖσι ἄλλοισι θεοῖσι·
このアキナケスに対して彼らは羊と馬の毎年の犠牲を捧げ、実に他の神々に対するよりもさらに多くのものをこれらに捧げる。
§4.62.3ὅσους ἂν τῶν πολεμίων ζωγρήσωσι, ἀπὸ τῶν ἑκατὸν ἀνδρῶν ἄνδρα θύουσι τρόπῳ οὐ τῷ αὐτῷ καὶ τὰ πρόβατα, ἀλλʼ ἑτεροίῳ.
彼らが敵のうち生け捕りにした者については、百人の男につき一人の割合で男を犠牲にするが、羊と同じ方法ではなく、異なった方法で行う。
ἐπεὰν γὰρ οἶνον ἐπισπείσωσι κατὰ τῶν κεφαλέων, ἀποσφάζουσι τοὺς ἀνθρώπους ἐς ἄγγος καὶ ἔπειτα ἀνενείκαντες ἄνω ἐπὶ τὸν ὄγκον τῶν φρυγάνων καταχέουσι τὸ αἷμα τοῦ ἀκινάκεω.
というのも、彼らは彼らの頭にワインを注ぎかけた後、男たちの喉を掻き切って容器に血を受け、それを柴の山の上へと運び上げて、アキナケスにその血を注ぎかけるのである。
§4.62.4ἄνω μὲν δὴ φορέουσι τοῦτο, κάτω δὲ παρὰ τὸ ἱρὸν ποιεῦσι τάδε·
上にはこれを運ぶが、下では、神域の傍らで次のように行う。
τῶν ἀποσφαγέντων ἀνδρῶν τοὺς δεξιοὺς ὤμους πάντας ἀποταμόντες σὺν τῇσι χερσὶ ἐς τὸν ἠέρα ἱεῖσι, καὶ ἔπειτα καὶ τὰ ἄλλα ἀπέρξαντες ἱρήια ἀπαλλάσσονται.
喉を掻き切られた男たちの右肩をすべて腕ごと切り落として空中へと投げ、その後、他の犠牲の儀式を終えて立ち去る。
χεὶρ δὲ τῇ ἂν πέσῃ κέεται, καὶ χωρὶς ὁ νεκρός.
腕はそれが落ちた場所に横たわり、死体はそれとは離れて横たわる。