§4.53.1τέταρτος δὲ Βορυσθένης ποταμός, ὃς ἐστί τε μέγιστος μετὰ Ἴστρον τούτων καὶ πολυαρκέστατος κατὰ γνώμας τὰς ἡμετέρας οὔτι μοῦνον τῶν Σκυθικῶν ποταμῶν ἀλλὰ καὶ τῶν ἄλλων ἁπάντων, πλὴν Νείλου τοῦ Αἰγυπτίου·
第四はボリュステネス川であり、これはこれらの川の中で、イストロス川に次いで最大であり、私の考えでは、スキティアの川々だけでなく、エジプトのナイル川を除く他のすべての川の中でも、最も恵み豊かな川である。
τούτῳ γὰρ οὐκ οἷά τε ἐστὶ συμβαλεῖν ἄλλον ποταμόν·
というのも、ナイル川には他のいかなる川も比肩しえないからである。
§4.53.2τῶν δὲ λοιπῶν Βορυσθένης ἐστὶ πολυαρκέστατος, ὃς νομάς τε καλλίστας καὶ εὐκομιδεστάτας κτήνεσι παρέχεται ἰχθύας τε ἀρίστους διακριδὸν καὶ πλείστους, πίνεσθαι τε ἥδιστος ἐστί, ῥέει τε καθαρὸς παρὰ θολεροῖσι, σπόρος τε παρʼ αὐτὸν ἄριστος γίνεται, ποίη τε, τῇ οὐ σπείρεται ἡ χώρη, βαθυτάτη·
しかし、それ以外の川の中では、ボリュステネス川が最も恵み豊かであり、この川は家畜のために最も美しく管理しやすい牧草地を提供し、また際立って極上で多くの魚を提供し、飲むには最も甘美であり、濁った川々の傍らにありながら澄んで流れており、その沿岸では極めて優れた農作物が育ち、種が蒔かれない土地では、草がこの上なく深く生い茂る。
§4.53.3ἅλες τε ἐπὶ τῷ στόματι αὐτοῦ αὐτόματοι πήγνυνται ἄπλετοι· κήτεά τε μεγάλα ἀνάκανθα, τὰ ἀντακαίους καλέουσι, παρέχεται ἐς ταρίχευσιν, ἄλλα τε πολλὰ θωμάσαι ἄξια.
またその河口では、塩が自然に、おびただしく結晶し、塩蔵用としてアンタカイオイと呼ばれる骨のない大魚を提供し、その他にも驚嘆すべき多くのものを提供している。
§4.53.4μέχρι μέν νυν Γερρέων χώρου, ἐς τὸν τεσσεράκοντα ἡμερέων πλόος ἐστί, γινώσκεται ῥέων ἀπὸ βορέω ἀνέμου· τὸ δὲ κατύπερθε διʼ ὧν ῥέει ἀνθρώπων οὐδεὶς ἔχει φράσαι·
さて、四十日間の航路にあたるゲッロス人の土地までは、北風の吹く方向から流れてくることが知られているが、それより上流については、いかなる人々を通って流れているのか、誰も語ることができない。
φαίνεται δὲ ῥέων διʼ ἐρήμου ἐς τῶν γεωργῶν Σκυθέων τὴν χώρην·
しかし、無人の地を通って、農耕スキタイ人の土地へと流れてきているように見える。
οὗτοι γὰρ οἱ Σκύθαι παρʼ αὐτὸν ἐπὶ δέκα ἡμερέων πλόον νέμονται.
というのも、これらのスキタイ人はこの川沿いに十日間の航路にわたって住んでいるからである。
§4.53.5μούνου δὲ τούτου τοῦ ποταμοῦ καὶ Νείλου οὐκ ἔχω φράσαι τὰς πηγάς, δοκέω δέ, οὐδὲ οὐδεὶς Ἑλλήνων.
この川とナイル川の二つだけは、私はその源流を語ることができず、思うに、ギリシア人の誰も語ることができない。
ἀγχοῦ τε δὴ θαλάσσης ὁ Βορυσθένης ῥέων γίνεται καὶ οἱ συμμίσγεται ὁ Ὕπανις ἐς τὠυτὸ ἕλος ἐκδιδούς.
ボリュステネス川は海の近くまで流れ、そこにヒュパニス川が同じ沼地に流れ込んでこれに合流する。
§4.53.6τὸ δὲ μεταξὺ τῶν ποταμῶν τούτων, ἐὸν ἔμβολον τῆς χώρης, Ἱππόλεω ἄκρη καλέεται, ἐν δὲ αὐτῷ, ἱρὸν Δήμητρος ἐνίδρυται·
これら二つの川の間にある、土地の突起となっている場所は、「ヒッポレオスの岬」と呼ばれ、そこにはデメテルの神殿が建てられている。
πέρην δὲ τοῦ ἱροῦ ἐπὶ τῷ Ὑπάνι Βορυσθενεῗται κατοίκηνται.
神殿の向こう側、ヒュパニス川のほとりには、ボリュステネス市民が居住している。